Driesestig

‘n Standbeeld van Paddington Bear is gevandaliseer in die tuisdorp van die skepper van die karakter.

Haidee Muller-Isaacs gesels met Anelia Louw oor die werk wat Abundant Village doen om gemeenskappe te bemagtig.

Dieetkundige Valpré Huisamen praat oor die rol van elektroliete in die liggaam.

Die Oxford English Dictionary het ‘n paar Suid-Afrikaanse woorde wat nie ‘n Engelse ekwivalent het nie, opgeneem. Van die woorde is gatvol, zol en tjoekie.

Dolfie de Bruin was ’n straatkind, wie se ma hom verkoop het. Hy het in 'n grot geslaap op Mosselbaai, sy grootworddorp, toe wildvreemdes hulle oor hom ontferm het. Vandag is Dolfie die bestuurder by die Hoedjiesbaai Hotel op Saldanabaai, maar hy koester selfs nog groter drome. Hy vertel vir Haidee sy storie van hoop.

Salome Scheepers van Bushveld Crafts ontwerp en maak al haar lapprodukte met die hand. Sy voer dit onder andere na België uit.

André Diederichs van die Family Business Association of South Africa (FABASA) praat oor die belangrike rol van familieondernemings in die ekonomie, en hoe om konflik binne die ondernemings te beperk.

Eienaars van eiendom in ’n luukse woonstelblok in Australië het nie ‘n eie voertuig nodig nie. Hulle kan ‘n voertuig uit ‘n vloot Porsches bespreek.

Bernelle Verster vertel van die eilandlewe op Portugal se Azores-eilande. Sy bly in Santo António de Nordestinho in die landelike Noordooste op die grootste eiland, São Miguel. Sy vertel onder andere van Portugese woorde wat hulle weg in Afrikaans gevind het.

In die omgewing van Colesberg hoor ‘n mens die storie van Voël Plaatjies, ‘n skaapwerker op die plaas Esperenza, wat ook ’n passievolle duiweboer is. Mariska Spoormaker het hom gaan opsoek.

Dr. Brian du Preez vertel van ‘n nuwe iris-spesie wat hy op Stellenbosch ontdek het. Hy het dit Moraea anastasia genoem.

‘n Internasionale vlug van die VSA na China moes ná twee ure in die lug omdraai omdat die vlieënier se paspoort nie saam op die vlug was nie!

Maryke Musson praat oor klimvisse wat in modder leef, en gereeld naby riviermondings voorkom.

Dr. Herman Burger en sakeman Leendert Hols is al twee dekades lank huisvriende. Hulle het onlangs eers agtergekom dat hulle saam ‘n vlugingenieur gered het tydens ‘n verdedigingsoefening in 1984 op die SAS Tafelberg.

Elke Brink van PSG Wealth R21 op Stellenbosch praat oor wat moet jy in plek moet kry wanneer jy jou werkgewer verlaat.

Eileen De Bont het vir fondsinsameling haar naam amptelik verander na Pudsey Bear. Dis die naam van die gelukbringer van die liefdadigheidsorganisasie vir wie die geld gegaan het. Eers kon sy nie ‘n paspoort kry nie, want haar naam is as ligsinnig beskou. Sestien jaar later is dit voorlopig nee, siende dat die naam kopieregwette mag oortree.

Reagan Diedericks se ma het namens hom musiek gekies. Vandag is hy innig daarbaar daarvoor, hoewel hy aanvanklik nie te gretig was om musieklesse te neem nie. Hy leer nou die jeug om musiekinstrumente te bespeel - van blaasinstrumente en klavier tot die marimba.

Kos-en kultuurhistorikus Hetta van Deventer-Terblanche praat oor Marmite.

Eugene Liebenberg vertel vir Martelize Brink van die eerbewys wat hy aan gevalle soldate bring. Hy soek grafte op, maak dit skoon, plaas blomme daarop en doen ‘n gebed vir die gestorwenes en hulle familie wat agtergebly het.

In Potosi in Bolivië kan jy wettig dinamiet op die dorp se mark koop!

Toe Mariska Spoormaker onlangs in Johannesburg was, het sy gehoor van ‘n man wat ‘n groot stuk munisipale grond naby sy huis in Claremont begin skoonmaak het om misdadige elemente uit te hou. Naderhand het dit groentetuine geword, en nou is daar selfs planne vir n natuurreservaatjie. Mariska het soontoe gegaan.

Dieetkundige Valpré Huisamen praat oor menopouse, en aanvullings wat daarmee kan help.

In Nieu-Seeland is ganse verwar met swemmers in nood. Ná 45 minute se soek het die polisie, kuswag en ‘n reddingshelikopter halt geroep.

De Waal Venter vertel vir Martelize Brink van Boomplaas by De Aar, en die familie se rugbyverbintenis.

Die eerste mense het dit "berg wat in die see staan" genoem. Dié natuurwonder is al besing en berym én gestap. Johan Rademan het met Erns Grundlingh, gesoute voetslaner, oor Tafelberg gepraat.