Driesestig

Mia Scheepers vertel vir Martelize Brink van Soekit, wat jou aanlyn help in Afrikaans.

China se sensors is besig om pessimisme te verwyder van die internet. Sosialemedia-profiele en kort video’s oor negatiewe goed wat die aanlyngemoed swaar maak, word geblokkeer.

Hennie van der Merwe vertel van sy lewe in Bali in Indonesië. Hy bly naby Singaraja. Hy sê daar is twee seisoene, maar beide is warm.

Prof. Pieter Gouws verduielik hoe om die verskillende soorte braairoosters skoon te maak.

Die Ig Nobel-toekennings word gegee vir navorsing oor goed wat jou eers laat lag, en dan laat wonder. Byvoorbeeld, word ‘n bees wat swart en wit soos ‘n sebra geverf is, minder deur vlieë gebyt?

Veearts dr. Elizna Boag praat oor velallergieë by honde, en hoe gemaak met die gekrap.

Met die afgelope Wêreld Oorplantingspele wat in Dresden, Duitsland gehou is, is dr. Heilie Uys van Kaap St. Francis, wat al langer as 20 jaar met ‘n geskenkte nier leef, in die Eregallery van die Wêreld Oorplantingspele Federasie opgeneem. Heilie het ook met 'n handvol medaljes teruggekeer na Suid-Afrika.

André Victor vertel vir Martelize Brink dat hy Cecily op die trein na Pretoria raakgeloop het. Toe dit by ouers vra kom, het sy konsertina die praatwerk gedoen.

In China is daar in openbare toilette ’n stelsel waar jy ‘n advertensie moet kyk om toiletpapier te kry!

Haidee Muller-Isaacs kuier by ’n koekiefabriek, waar sy die storie hoor van deursettingsvermoë toe Adri Williams in 2013 ’n sukkelende besigheid vir net R1 gekoop het, en daarmee saam pa gestaan het vir R2,5 miljoen rand se skuld. Dis pure malligheid, het die meeste mense gedink. Maar Adri weet presies hoekom sy dit gedoen het. Vandag is sy nie spyt nie, vertel sy vir Haidee.

Kos- en kultuurhistorikus Hetta van Deventer-Terblanche praat oor moderne berokingstegnieke. Sy sê vuurproe is fynproe.

Sommige Amerikaanse toeriste gebruik die Kanadese vlag om guns te koop in lande wat nie tans ooghare vir Amerika het nie. Kanadese is glad nie beïndruk daarmee nie.

Laurika du Bois van AGRIskills praat oor plaasopleiding en bemagtiging. Johan Rademan het met haar in Bredasdorp tydens Nampo Kaap gesels.

Dermatoloog dr. Barbara van der Westhuizen praat oor chemiese afskilfering, en hoe dit gebruik word.

In Florida in die VSA het ‘n man ‘n restaurant beroof wat op ‘n replika stoomskip is. Hy het soontoe geswem in sy duikpak en swembril, en is toe met die geld weer weg deur ‘n meer.

Eloise Nair praat oor vroue-entrepreneurs, en hoe hulle die skuldgevoelens kan oorkom, wat hulle kan pootjie op die pad na sukses.

Verskeie oudjoernaliste en kommunikasiespesialiste van Nelson Mandelabaai het ’n mentorskapprogram op ‘n vrywilligersgrondslag begin om afgestudeerde kommunikasiestudente en jong skrywers van die streek op hulle professionele voete te help kom. Mariska Spoormaker het meer uitgevind by Odette Parfitt, kommunikasiebeampte by Volkswagen SA, en inisieerder van die program.

Werner Jerling praat oor Ethiopië se Groot Renaissance-dam wat onlangs ingewy is. Hy gee konteks aan die omvang van die dam, en die implikasies vir die lande om die Nylrivier.

Alex Babich van Indiana in die VSA se sonneblom genaamd Clover hou nou die Guiness Wêreldrekord as die hoogste ooit. Die plant blom op ‘n hoogte van 11 meter!

De Wet Hugo vertel vir Martelize Brink van die lewe in Hangzhou, China, waar dié kinderboekskrywer ‘n onderwyser is.

Haidee Muller-Isaacs gesels met Fred Viljoen oor die Viljoensdrift/Breederivier Seagull Outboard Regatta, wat op 18 Oktober plaasvind. Fred vertel hoe gewild hierdie enjins is.

Twee Chinese seuns het die internet laat gons toe hulle ‘n video aanlyn versprei het van waar hulle in ‘n restaurant se kos urineer het. Die hof het hul met sowat R 5,36 miljoen beboet.

Veearts dr. Ingrid de Wet beantwoord luistraarsvrae oor hulle troeteldiere.

Die Oos-Kaap lewer ‘n groot persentasie van Suid-Afrika se sangers op, maar dan moet hulle na ander stede gaan om ’n goeie loopbaan te kan vestig. Nou het ‘n klomp operamal Baaienaars begin plan maak om plaaslik werk en geleenthede vir Oos-Kaapse sangers te probeer skep. Een uitvloeisel hiervan is die totstandkoming van Mandelabaai Opera. Kobus Buys vertel meer vir Mariska Spoormaker.

Mart de Wet vertel vir Martelize Brink hoe sy vir Danie die eerste keer op die verhoog in ‘n toneelstuk gesien het.