Driesestig

Hy staan aan die hoof van ‘n privaatskool in die Aliwal-Noord, Zastron en Lady Grey-driehoek, maar in sy prille jeug het Chris Oosthuizen ‘n interresante jaar of wat beleef. Johan Rademan vind meer uit.

Alwyn Smith vertel vir Martelize Brink van Daleen se eerste woorde aan hom: “Is jy lief vir my?”

‘n X-straalmasjien het tot die redding gekom om verlore trouringe tussen saamgeperste mediese afval te vind.

RSG se nuwe middagvervolgverhaal, FAKSIE deur Ilne Fourie, skop op Maandag 5 Januarie 2026 af. Phil Loots gesels met haar oor die storie en karakters.

‘n Glyjakkals van ‘n buurman word op sy plek gesit. Die drama is tydens die 2025 Oppiwaterkunstefees ter see opgeneem. Die spelers is Philru van Achterberg, Elma Potgieter, Danel Britz, Marissa Claassen en Stefanie Baartman. Die regie is deur Johan Rademan behartig.

Die Harold Gribble-glasplaatversameling het in Nuuseum se skoot geval. Johan Rademan het met die driesestig-mikrofoon Stellenbosch toe gery om meer hieroor uit vind by Nuuseum se bestuurshoof, prof. Lizabé Lambrechts.

Die bekende en geliefde gemeenskapsleier, digter, skrywer en leraar van die VGK Oudtshoorn-gemeente, ds. André Boezak, tree na meer as drie dekades uit die amp. Hy en Haidee Muller-Isaacs het al te lekker op Oudtshoorn gesels oor sy planne vorentoe, en sy boodskap van hoop aan ieder en elk.

Wilna Nieuwoudt vertel vir Sue Pyler-Slabbert hoe sy haar man, Rassie, ontmoet het.

Reis-en-ontdek is ‘n groot geskenk. Op die vooraand van Kersdag kan jy jou geliefdes dalk met ‘n spesiale rit verras. Dalk ‘n bergpas in die Rhodes- en Lady Grey-omgewing? Ons ry stadig oor die klippe met Johan Rademan en Jurgens Schoeman.

Dr. Mandie Uys praat oor Kersfeestradisies, en hoe dit oor die jare verander het.

Stemme uit rock en simfonie kom saam in Mel Botes se Die Riviersimfonie. Dit bevat ‘n duet van Mel en Danie du Toit van Spoegwolf. Die Kaapstadse Filharmoniese Orkes, onder leiding van John Walton, gee die musiek lewe. Die simfonie beskryf die verskillende stadia en lewensfases van ’n rivier, wat ook simbolies is van die vloei van die lewe met al sy kompleksiteite, uitdagings - vrede, vreugde, har...

Die Gautengse TV-vervaardigers, Gerrie Janse van Vuuren en Nicolaas Viljoen, vertel hoe hulle paaie gekruis het, die kwailiteit van plaaslike TV-produksies, en hulle onlangse erfenisreeks.

Haidee Muller-Isaacs gesels met Marciel Hopkins-Lourens oor moederskap, haar nuwe geselsprogram en nuwe dinge wat in 2026 op haar wag.

Mariaan Kirstein vertel vir Sue Pyler hoe sy en haar man, Johan, mekaar ontmoet het.

Die Gariep lewer as bron van lewegewende water aan die oewers pragtige dorpies op waarvan Bethulie een is. Johan Rademan gesels met Jurgens Schoeman oor dié bekoorlike agterpaddorpie.

Willem van Schalkwyk en Lance Littlefield van Motherdough gesels oor suurdeeg en die 106 jaar oue Alfonsina, die suurdeegplantjie al die pad van Clusone in Italië.

Haidee Muller gesels met Peter Pentz jnr. oor sy legendariese oupa, Peter Pentz van die bekende Groote Post-wynlandgoed, wat in September oorlede is. Hy vertel oor sy drome vir die landboubedryf, sy eerste TV-aanbiedersrol en oor die dag toe hy as skoolseun in die RSG-ateljee kom werk het...

Fisioterapeut Lizanne Tucker praat oor hoe om jou gewrigte op te pas.

Haidee Muller-Isaacs loer in by 'n kraamhuis in Parow in die Kaapse noordelike voorstede. Haidee Muller-Isaacs loer in by 'n kraamhuis in Parow in die Kaapse noordelike voorstede. Verloskundige Crystal Esau vertel van haar passie vir die natuurlike geboorteproses, en hoekom sy doen wat sy doen. Verloskundige Crystal Esau vertel van haar passie vir die natuurlike geboorteproses, en hoekom sy doen w...

Melanie Brummer se Upcycled Cloth Collection is vereer by die Ecological Awards. Sy het ‘n wêreldwye gemeenskap van 250 000 mense gebou, wat tekstielafval verminder deur dit te omskep in nuwe skeppings.

Julian Taylor vertel van die lewe in Tasmanië, Australië.

Op 15 was sy die jongste nóg om die 33 km Valsbaai-oorsteek-swem te doen, met net ‘n swembroek in die koue water. Kaylee Mouton en haar ma Chantell vertel van die aand toe hulle op dié avontuur besluit het.

Maryke Musson, die uitvoerende bestuurder van bewaring, opvoedkunde en kommunikasie by die Suid Afrikaanse Vereniging vir Marine Biologiese Navorsing, praat oor sandkrappe.

Die skooljaar is verby, en daarmee saam ook ‘n loopbaan by die skool. Haidee Muller-Isaacs gesels met Juffrou Margareth Cloete. Sy was voorheen in die nuus omdat sy met haar matrieks by klaskamers by Hoërskool Springbok intrek om net op die eksamen te konsentreer. Sy het intussen afgetree, maar dit beteken nie sy is klaar met die leerders en haar planne om te help nie.

Peet van Staden vertel van sy liefdespad met Fadela, wat in April 1989 by Westlake Gevangenisdiens Opleidingskollege begin het.