Driesestig

Alewijn Dippenaar vertel van 'n reeks kaskarkompetisies wat tans aan die Suidkus plaasvind.

Haidee Muller-Isaacs gesels met kosskrywer Errieda du Toit. Sy vertel van die kleurvolle truie wat haar ma Inez gebrei het. Daar was sakke vol truie, wat sy ná haar ma se dood, begin skenk het aan tehuise en behoeftiges op Bonnievale. Haidee vind ook meer uit oor Errieda se onlangse gewigsverlies, en hoe sy dit reggekry het terwyl haar lewe om kos wentel.

Dr. Karen Smit gesels oor haar lewe en die doktorsgraad wat sy pas in Gestremdheidstudies ontvang het.

FC Boonzaaier vertel vir Martelize Brink van ransomware, en waarom lospryse nie betaal moet word vir data wat gyselaar gehou word nie.

Jacqui January vertel van ‘n jong bibliotekaresse wat passievol bome plant. Sy het begin plant by ‘n skool in die noorde, en deesdae is sy in die suide en plant voort. Rene Schoombee, die bibliotekaresse by die Durbanville Biblioteek, vertel wat sy doen.

Sonja van der Bank vertel vir Johan Rademan en Martelize Brink waarteen kinders ook beskerm moet word anders as geweld.

Regardt van den Berg vertel vir Johan Rademan en Martelize Brink van die nuwe riglyne vir intieme tonele in die plaaslike filmbedryf.

Jackie Fortuin vertel vir Johan Rademan en Martelize Brink van die handwewers op Barrydale.

Min mense weet dit, maar in die Oos-Kaapse Katriviervallei vind jy ‘n gehuggie met die naam Hertzog. Die inwoners van Hertzog is hoofsaaklik Afrikaanssprekend in 'n gebied waar Xhosa die voertaal en Engels die tweede taal is. Nolan Venter, 'n bekende Afrikaanse rubriekskrywer, was jare lank die prinsipaal van Hertzog Primêr. Mariska Spoormaker het hom meer oor Hertzog uitgevra.

Braam van Wyk vertel vir Johan Rademan en Martelize Brink van die Plantstudietrust en die projekte wat hulle befonds.

In 2020 het Suid-Afrikaanse melkuitvoere 'n hoogtepunt van 460 miljoen liter bereik in weerwil van die Covid-19-inperkings. Die Wes-Kaap is verantwoordelik vir 28% van die melkproduksie in Suid-Afrika. Wat uitvoere betref, is die provinsie 'n netto uitvoerder van melk en room. Die uitvoer van melk en room het die afgelope tien jaar met 'n gemiddelde groeikoers van 9% gegroei. Wêreld Melkdag is op...

James Byrne gesels oor die Internasionale Toerisme-filmfees wat onlangs plaasgevind het.

Die 26-jarige Magdaleen Jooste sê sy is die gelukkigste huislose mens in Suid-Afrika. As kandidaat patenteprokureur het sy eers in 'n kantoor gewerk en haar woonstelhuur getrou betaal, maar toe besluit sy om liewers sonder vaste werk- en woonadres haar werk te bly doen. Mariska Spoormaker wou by haar weet hoe sy dit reggekry het.

Dr. Carien Coetzee vertel vir Johan Rademan en Martelize Brink hoe lank wyn kan hou, en watter faktore bepaal hoe lank dit sal hou.

Sinta Ebersohn gesels met Johan Rademan en Martelize Brink oor die invloed van kulturele diversiteit op egskeidings.

Ebrezia Johnson gesels met Johan Rademan en Martelize Brink oor inheemse gewoontereg in Suid-Afrika.

Marcelle du Plessis vertel vir Martelize Brink hoe oorstromings by die Mdzananda Dierekliniek in Khayelitsha hulle werk in die wiele gery het.

Sojabone word beskryf as ‘n skittergewas. Een van hierdie merkwaardige peulgewas se uniekhede is dat dit die vermoë het om stikstof te bind. Minder as 1% persent van dié voedsame proteïen word deur die mens verbruik. Jacqui January het gaan uitvind van ‘n bewusmakingspoging om dié boon weer in ons huise en op ons tafels te kry.

Dr. Dale Sparrow vertel vir Martelize Brink hoe BASE-argitektuur mens en masjien beter kan laat saamwerk. Dit skuif administratiewe werk na die rekenaar toe.

Dr. Benita Nel vertel vir Martelize Brink hoe die redes vir oproepe na die Childline-krisislyn verander het die afgelope jaar.

Haidee Muller-Isaacs gesels met die skrywer en digter, Willem Fransman Jnr, oor hoe sy liefde vir boeke en digkuns by sy plaasaarbeiderouers ontstaan het.

Corné Waldeck gesels met Martelize Brink oor antieke en vintage juweliersware.

Gerard de Kamper vertel hoe hulle bewys het dat die skildery, Portret van 'n Ou Man, toe nie 'n oorspronklike Rembrandt is nie.

Dr. Hendrik Smith vertel van praktyke wat 'n positiewe impak het op grondgesondheid en klimaatsverandering.

Vir diegene wat nog vir Louie-Anna Nel onthou - die ouma van Mosselbaai wat onder meer aktief besig was met matriekwiskunde, ballet en swem - sy het haar luukse meenthuis verkoop en met feitlik al haar meubels weggedoen sodat sy ‘n super minimalistiese lewe in Kaapstad kan lei. Sy het aan Mariska Spoormaker vertel hoekom sy dit gedoen het.