Driesestig

Boerdery is ‘n uiters stresvolle en soms moeilike beroep. Landelike gebiede waar gemeenskapsboerdery ‘n werklikheid is, het verdere uitdagings. Dit bied egter die geleentheid om te boer, spesifiek vir vroue. Jacqui January het een so ‘n vrou, Bettie Jass Milford, op Kommagas in die Namakwaland raakgeloop.

Bekroonde sjef Jan-Hendrik van der Westhuizen gesels uit Parys oor sy rol as een van die nuwe beoordelaars van die Eat Out-toekennings, watter neigings hy voorspel, en sy dankbaarheid dat restaurante weer kop oplig twee jaar ná die begin van die pandemie.

Natalie Bossi vertel van ALATEEN, ‘n aanlyn-ondersteuningsgroep vir kinders wat blootstelling het aan 'n alkoholis.

Peter Mascher vertel vir Johan Rademan en Martelize Brink van die karikature wat hy by troues skets.

Cecile Niewoudt verduidelik hoe om jou kind se luistervaardighede te ontwikkel.

Nelmari Kemp vertel van die Stigting vir die Bemagtiging deur Afrikaans se boek met idiome oor water, wat in drie tale saamgestel is.

Koskenner Herman Lensing gesels met Johan Rademan en Martelize Brink oor sy grootwordjare, loopbaanhoogtepunte en sy rol in ‘n rolprent.

Melanie Burke vertel vir Johan Rademan en Martelize Brink hoe Street Smart help om kinders van die straat af hou.

FC Boonzaaier verduidelik vir Johan Rademan en Martelize Brink wat kuberoorlog behels.

Pieter Groenewald vertel vir Johan Rademan hoe jy 'n tweede inkomste uit sosiale media kan maak.

Prof. André Wessels vertel vir Johan Rademan van die rol wat duikbote oor die jare in die Vloot gespeel het.

Herman Strauss vertel vir Johan Rademan van die impak wat die standardisering van die merk van krane en stortkoppe kan hê.

Ruan Venter praat oor die aanpassing wat gemaak moet word wanneer studente die universiteitsomgewing verlaat vir ‘n werksomgewing.

Haidee Muller-Isaacs het by ‘n katskou gaan inloer om te leer hoe om ‘n skoukat te beoordeel.

Latifah Jacobs vertel vir Johan Rademan van die Aurorah Kuilsriver Community Action Network wat deur Brand SA vereer is vir hulle bydra tot die samelewing op voetsoolvlak.

Anton Keet praat oor Suid-Afrikaners se slaappatrone en wat by verskillende ouderdomsgroepe te bespeur is.

Jaco Boshoff vertel vir Johan Rademan van die maritieme uitstallings by die Iziko-museums, soos sir Ernest Shackleton se Antarktiese ekspedisie wat nou weer in die nuus is met die vonds van sy skip, die Endurance.

Dieselwerktuigkundige Dries Myburgh het Haidee Muller-Isaacs tydens die Oppiwater Kunstefees ontmoet. Hy vertel vir haar van sy verlede in die weermag, sy werk aan treine, sy liefde vir ou musiek, en sy derde kans op die liefde.

Amira Willighagen gesels met Martelize Brink oor haar sangloopbaan, beplande wêreldtoer en die konsert om haar 18de verjaarsdag te vier.

Evelin Gerritsen gesels met Martelize Brink oor die Hanover Park Verewig-projek.

Dr. Eugéne Viljoen praat oor fopdossers en waarom mans in “drag” verskyn.

Filmmaker Etienne Fourie vertel vir Johan Rademan hoekom hy die draaiboek van die rolprent, Stiekyt, geskryf het. Dit handel oor ‘n akteur wat in die geheim by ’n sukkelende fopdosserklub werk. Hy moet veg vir die behoud van sy huwelik nadat sy vrou hom daar betrap. Hy moet ook die optrede van sy lewe gee om agterdog oor die dood van sy kollega uit die weg te ruim.

Beleggers is gewoond aan beleggings in eienkomme, aandele, effektetrusts, waardevolle kuns, wyn, munte en vele meer. Maar wat van beleggings in groenenergie en -infrastruktuur? Hiermee kan jy help om vooruitgang in gemeenskappe te bevorder en die ekonomie aan te help. Jacqui January het meer hieroor gaan uitvind, en hoor toe van ‘n suksesstorie in ‘n klein gemeenskap in die Oos-Kaap.

Ross Kettles het ‘n meestersgraad in leeuhervestiging, en sy vrou ‘n doktorsgraad in olifantkontrasepsie en -gedrag. Hy woon deesdae aan die Suidpunt van Afrika, en bestuur die fyn lyn tussen bewaring en ontwikkeling in ‘n komplekse boerdery- en waterstelsel in die Elim-omgewing.

Skouperdliefhebber Kobie Smit vertel van sy liefde vir sy perde en spesiale donkies met die kolle. Hy wys vir Haidee Muller-Isaacs sy donkiekar met die naam, Boerepompie, wat spog met 'n braai, ‘n toilet en diskoligte!