Driesestig

Elzette Barnard vertel vir Martelize Brink van haar versameling van 4 500 Barbiepoppe.

Cobus Toerien vertel waar die veiligste sitplek in ‘n vliegtuig is.

Skrywer en joernalis Ilza Roggeband gesels oor die oop harte van die Melkbosstrand-gemeenskap waar sy, 'n gebore Johannesburger, nou al byna 20 jaar lank nesgekop het. Haidee Muller-Isaacs het daar gaan kuier waar sy ook vir Karen Dreyer ontmoet het, met haar hart vir die kinders uit agtergeblewe gemeenskappe.

Die Barbie-film maak ‘n indruk op die wêreld. In Brasilië is daar selfs burgers op die mark met skreeupienk sous.

Uit Nelson Mandelabaai kom die storie van drie generasies vroue van dieselfde gesin, stowwerige trommels in die motorhuis, die Anglo-Boereoorlog, en die emeritus-professor wat aan die werk gespring het. Dié professor is Tilla Olivier, en Mariska Spoormaker het by haar gaan kuier.

In Amerika gebruik dokters lyksakke met ys om pasiënte met ernstige hitte-uitputting af te koel.

Lydia von Wielligh-Steyn vertel vir Martelize Brink van Suid-Afrika se kernwapenprogram, waarvan haar pa, Nic, deel was. Hy het gehelp met die bou én aftakeling van die kernwapens.

Aktrise, model en TV-aanbieder Marciel Hopkins gesels oor hoe om geleenthede te skep, en hoe dit rigting gegee het aan haar verskillende loopbane.

Haidee Muller-Isaacs loer weer in by dr. Fanie Marais, afgetrede dominee en 'n kunstenaar uit eie reg. Fanie is die pa van die ewe talentvolle aktrise Rolanda Marais, en het voorheen ook kunsterapie aangebied vir gevangenes. Haidee het by hom gaan tee drink en gaan kyk waarmee hy in sy tuisateljee besig is sedert sy aftrede as leraar.

JJ Fischer vertel vir Martelize Brink wat die onderhoud van sonkragstelsels behels.

‘n Australiese seevaarder en sy hond het vir twee maande op rou vis en reënwater oorleef nadat hulle op die oop see verdwaal het.

Dawie Botha vertel vir Martelize Brink van Nelson Mandelabaai se interessante infrastruktuur.

Dis Madidadag! Ons deel herinneringe met die mense van Genadendal oor Nelson Mandela se besoek aan die sendingstasie in 1995.

Louis Fourie praat oor selfmentorskap vir persoonlike groei en vervulling.

‘n Vreemde toerismegier deesdae is om na Kalifornië se Doodsvallei te gaan om ‘n selfie te neem by ‘n termometer. In 1913 was die warmste meting daar 56.6 grade Celsius. In 2020 en 2021 is 130 54 grade bereik, en die afgelope naweek was die kans weer daar.

Maryke Musson van uShaka Marine World vertel vir Martelize Brink van die militêre aanwending van diere. Buiten dolfyne is daar selfs al vlermuise ingespan.

Dr. Jerome Sameuls, Juanita Vukana en Tamzin Ersamus vertel vir Martelize Brink van die Dreamspire-mentorskapprojek in Bonteheuwel, wat skoliere bystaan met loopbaanontwikkeling en ondersteuning.

Langs die N9 in die Oos-Kaap, naby die afdraai na die Baviaanskloof, vind jy Willowmore, ‘n bekoorlike Karoodorpie waar die vreugdesvure nou hoog brand, want die dorp is as die Oos-Kaapse Dorp van die Jaar aangewys. Mariska Spoormaker het met El-Anne Smith van die Willowmore Historical Guest House gesels.

Hongkong se Minister van Gesondheid stel voor dat die publiek afkeurend moet staar na mense wat rook op plekke waar hul nie mag nie. Dit in die minister se strewe om Hongkong ‘n rookvrye stad te maak.

Rina en Wynand Breytenbach vertel vir Martelize Brink hoe hulle, wat beide oor die 70 is, 2 500 km per fiets deur Portugal en Spanje getoer het.

Jonathan Hills vertel vir Martelize Brink van gras-, klei- en hardebaan tennisoppervlaktes se eienskappe.

Kliniese verpleegkundige Lameez Felix het reeds vier klinieke in die Wes-Kaap oopgemaak. Sy het drie jaar gelede hierdie plan in haar kop gekry, toe sy die lang toue by die Helderberg-hospitaal bekyk het. Sy het daar en dan besluit om haar eie kliniek te begin, wat dieselfde verpleegsorg as ‘n hospitaal kan aanbied. En nou is daar al vier. Haidee Muller-Isaacs het by haar in die Strand gaan inloer...

Die Franse regering beloon hulle burgers om klere reg te maak, eerder as om nuwes te koop.

Gerrie Hadders vertel van sy ervaring met veelvuldige sklerose, en sy pogings om bewustheid van die siekte te skep.

Ek ken die lewe van verslawing en armoede, ek wil nooit weer terug gaan daarheen nie, het Lynette Jacobs van Gqeberha altyd gesê, en haar daarby gehou. Haar pa was 'n alkoholis. Maar 25 jaar gelede het Lynette tóg na dit terug gekeer, toe sy en haar man Kobus die Vistarus Binnestedelike Sendingstasie vir onder meer die rehabilitasie van verslaafdes begin het. Sy het vir Mariska Spoormaker verduide...