Driesestig

Haidee Muller-Isaacs kuier in die Paarl by die Springbokspan se hulpafrigter, Deon Davids. Hy vertel vir haar van sy grootworddae op Bredasdorp, sy ervaring in Frankryk by die Wêreldbeker, en die rol wat Rassie Erasmus in sy loopbaan gespeel het.

Alex Botha gesels met Martelize Brink oor die Transgender Dag van Herinnering en die behoefte aan statistiek oor geweld teen trans persone.

Neil Jones het met sy 2010 Lotto wengeld afgetree, ‘n profesionele graad potspeltafel gekoop en begin oefen. Op 59 het hy die Engelse span gehaal en ‘n brons medalje by die Europese Blackball Kampioenskappe verower.

Veearts dr. Nico du Preez praat oor gevare vir troeteldiere in die somer, van bysteek tot oorinfeksie nadat hulle geswem het.

Maryke Musson deel uit Ysland haar ervaring van die duisende aardbewings, dorpsontruiming en die dreigende vulkaniese uitbarsting.

Jy kan nie vir ’n jongmens net ’n studiebeurs gee, en dan glo alles sal goed gaan nie, want baie ander faktore speel ook ’n rol, sê professor Jean Greyling, departmentshoof van Rekenaarwetenskappe en Inligtingstelsels by die Nelson Mandela Universiteit. Hy praat uit ondervinding, want sy departement het al oor die R60 miljoen se beurse vir studente bewerkstellig. Mariska Spoormaker het met hom gep...

Prof. Freddie Roelofse vertel vir Martelize Brink van Etna, Europa se aktiefste vulkaan, asook die supervulkaan Campi Flegrei.

Denise Rocha, ‘n Brasiliaanse model, het al soveel plastiese sjirurgie gehad dat munisipale amptenare nie haar rybewys wou hernu nie. Sy moes ‘n tweede vorm van foto-ID gebruik om hulle te oortuig dat dit wel sy is, voor sy haar rybewys kon kry.

Prof. Freddie Roelofse praat oor Ysland se dreigende vulkaanuitbarsting.

Dee Robinson vertel vir Martelize Brink in die DieSestig Speseryroete wat die verskil tussen kerrie en masala is en gee ‘n resep vir ‘n basiese kerriemengsel.

Laurie Greyvenstein is 'n regskenner, entrepreneur, bemiddelaar en vredemaker. Jy kan nou ook blatjang- en rissiesousmaker daarby voeg. Haidee Muller-Isaacs het in sy kombuis gaan inloer. Laurie het ook onlangs 'n toekenning gewen vir sy werk as bemiddelaar.

In Japan neem mense nou hul honde om ‘n seën te ontvang wat kinders gewoonlik op ouderdomme 3, 5 en 7 kry.

Charmaine Alberts vertel vir Martelize Brink van fotograaf Paul Alberts, haar oorlede man, wat deur die FAK vereer gaan word vir sy bydrae tot die bevordering van Afrikaans. ‘n Uitstalling van sy foto’s van bekende skrywers, digters en akteurs word gehou.

Haidee het oor die jare heen gaan inloer by Elsa van Huyssteen toe sy nog betrokke was by 'n tehuis vir behoeftige seuns. Sy het intussen afgetree en Haidee het op haar 80e verjaarsdag weer by haar aan huis gaan inloer.

Verbruikersprokureur Trudie Broekmann gesels met Martelize Brink oor Swart Vrydag. Sy gee raad met jou aankope, maar ook wat om te doen as dinge skeefloop.

‘n Nuwe intrekker het gekla oor ‘n kerkklok wat in die nag lui. Na 200 jaar is die klok in Bleith, Skotland, nou snags stil. Dit krap toe die ou inwoners om wat ‘n petisie opgestel het om die klok weer op nagskof te kry.

Die kunstenaar, Portchie, kyk terug op 60 jaar. Hy gesels oor sy lewe, sy werk en hoe hy die mylpaal vier.

Terblanche Jordaan vertel hoe dit gebeur het dat ‘n drama van hom, die eerste in Afrikaans, in Suid-Afrika Huis se Edwardteater in Londen opgevoer is, en hoe hy oor die jare kalmer geraak het. Johan Rademan het in Tamboerskloof by dié kunstenaar, skrywer en leraar gaan kuier.

Thinus Smuts verduidelik die verskil tussen organiese en biologiese boerdery, en waar dit inpas by volhoubare boerdery.

Cambridge Woordeboek se woord van die jaar is HALLUCINATE.

Dawie Botha praat in SO IS DIE LAND GEBOU oor Despatch - van die oorsprong van die dorp se naam tot Despatch se steenfabriek.

As jy eers gehoor het hoe fluit-huil ’n blouaap-wesie vir sy ma, dan sal jy verstaan hoekom ’n groep Baaienaars elke teelseisoen apie-wesies inneem, wanneer hul ma’s of doodgery, of gebyt of doodgeskiet word. Die organisasie se naam is Monkey Matters, en Mariska Spoormaker het gaan inloer.

Dr. Landi Lombard praat oor die verskillende bloedtoetse vir diabetes, en veduidelik die uitwerking van sekere soorte kos op mense se bloedsuikervlakke.

‘n Fillipynse matrasmaatskappy het ‘n Guiness Wêreldrekord opgestel vir die meeste matrasdominoes, wat hulle met ‘n mens op elke matras laat kantel het. Daar was 2 355 matrasse.

Vehan Landman van die Twee Oseane Akwarium vertel vir Martelize Brink van Bob, die seeskilpad, wat ná agt jaar se rehabilitasie vrygelaat is. Bob se liggingsender het na agt maande opgehou om seine stuur.