Driesestig

Marius du Plooy gesels met Martelize Brink as deel van 100 jaar van Radio in Suid – Afrika oor uitsonderlike uitsendings soos ‘n treinskaking in Nederland waar gyselaars 20 dae aangehou is en 'n uitsending vanaf 'n eiland.

In New York het Kersvaders Saterdagaand op groot skaal die stad se watergate besoek. Dit was SantaCon. Geld is ingesamel vir liefdadigheid.

Kaptein Alewyn Burger vertel vir Martelize Brink oor rally vlieg. Hy en kolega Kaptein Steve van der Merwe is beide Proteas in rally vlieg en het vroeër van jaar ‘n brons medalje in Frankryk gewen. Hulle is beide vlieëniers by FlySafair en het die Springbokke rond gevlieg op hul oorwinningstoer.

Haidee loop Jean-Pierre Botha op Hermanus raak en hy vertel haar meer oor sy liefde vir diepseeduik en ook oor withaaie wat besig is om uit te sterf.

Hetta van Deventer – Terblache vertel vir Martelize Brink in die DrieSestig Speseryroete oor speserye in drankies, soos gemmerbier wat ons rondom Kersfees drink.

Vyf toeriste het in ‘n kanaal in Vinisië beland toe hul die gondolier se instruksies oor staan en selfies neem verontagsaam het.

Caroline Peters gesels met Martelize Brink oor die werk van die Callas Stigting en hoe hul slagoffers van geslagsgebaseerde geweld bystaan.

Vir die twee boeties Adriaan en Andrè Ungerer, wat op die outisme-spektrum gediagnoseer is, het ’n stad soos Pretoria te veel geraas. Noudat hulle met hul ouers, Christiaan en Anina, in ’n eko-landgoed buite Thabazimbi bly én ouma Mariaan van der Merwe later ook soontoe getrek het vir tuisonderrig, gaan dit baie beter. Mariska Spoormaker het met ouma Mariaan gepraat.

‘n Vrou van Ohio wat ‘n werker in ‘n kitskosrestaurant met kos gegooi het, kon kies om 60 dae tronkstraf te ruil vir werk in ‘n kitskosrestaurant. Sy het ja gesê om vir 2 maande,  20 ure ‘n week aan te meld vir kitskoswerk.

Nadia Beukes gesels met Martelize Brink oor haar loopbaan en die rol van Barones Schraeder in The Sound of Music. Luister na haar vertolking van Edelwiess, al sing sy dit nie in die vertoning nie.

Twee Australiërs het ‘n wêreld rekord opgestel deur 99 kroeë in 24 uur te besoek. ‘n Suid – Afrikaner was die vorige houer van die rekord.

 Mamre op weskus is as Morawiese Sending stasie gevestig

Dawie Botha vertel vir Martelize Brink in So is die land gebou oor Van Reenenspas. Van Reenenspas is sowat 7 kilometer lank en as jy bo is, is jy bykans 1743 meter bo seevlak.

Haidee gesels met Mel die Storieverteller. Sy hoor meer oor haar grootwordjare en hoe dit gebeur het dat sy storievertel 'n loopbaan gemaak het. 

Karen Bester vertel vir Martelize Brink waarom vitamien C deel van jou velsorgroetine behoort te wees.

‘n Persoon in Worcestershire, Engeland het eers met die 60 ste probeerslag sukses behaal met die skryf van die leerlinglisensie toets.

Dr. Esmaré van der Walt vertel vir Martelize Brink oor herberghoes en ander aansteeklike siektes by honde.

Nog nooit was daar soveel besoekers-belangstelling in die Oos-Kaap se Kougadam as in 2023 toe die dam na agt jaar se droogte begin oorloop het danksy goeie reëns wat in die opvangsgebied uitgesak het. Net voor die oorloop opgehou het, het Mariska Spoormaker saam met Leon Grundlingh, hoof waterbestuur van Gamtoos Water, die Kougadam besoek.

Johan Rademan gesels met Martelize Brink ter viering van 100 jaar van radio in Suid – Afrika oor Adam Small se Kanna hy kô hystoe, die enigste Afrikaanse radiodrama wat volledig in stereo opgeneem is.

In Wallis staan ‘n kartets vir meer as ‘n honderd jaar in ‘n tuin tot die polisie kom sê die bomafdeling gaan die kanonkoeël moet verwyder en laat ontplof.

Die klassieke marathon van 42, 195 kilometer wat by die modern Olimpiese Spele gehardloop word, het  meer as 2500 jaar gelede ontstaan. Johan Rademan het met die motorjoernalis, Marnus Hatting, oor sy ervaring van die die roete gesels.

Hetta van Deventer – Terblanche gesels met Martelize Brink in die DrieSestig Speseryroete oor Kerstyd se “mince pies” sonder maalvleis en “plum pudding” sonder pruimedante.

Lynette Rademeyer – Bosman vertel vir Martelize Brink van At Heart. Sy vertel oor hul ervaring met MIV en Vigs oor die jare en hoe die landskap verander het.

Kanadees Pierre Richer het 36,5 miljoen dollar in ‘n lotery gewen. Daardie Maandagoggend 04:30 was hy terug by die werk. Al is hy in sy sestigs, is aftrede nie in sy beplanning nie. Ook nie vakansie nie.

Jannie Beukes vertel vir Martelize Brink van kosklubs. Jannie is ‘n regeneratiewe boer van Stanford wat hoenders verskaf aan verskeie kosklubs onder andere aan die Constantia kosklub wat onlangs ‘n internasionale saketoekenning gewen het vir hul groen model.