Wie is ek?

Korsakoff-sindroom, ‘n vorm van demensie, is 'n kroniese geheuesteurnis wat meestal veroorsaak word deur alkoholmisbruik.

Paranoia is die ongegronde agterdog teenoor, en wantroue in ander persone of organisasies. Dit is 'n toestand wat gekenmerk word deur delusies van vervolging, ongegronde jaloesie of oordrewe selfbelang wat tipies in 'n georganiseerde stelsel ingewerk is. Leer meer hieroor in hierdie episode.

Ons word gereeld vertel struktuur en roetine laat ons veilig voel, staan angstigheid teen, en help met onsekerheid. Maar wat as dit die teenoorgestelde effek het op jou lewe? Hoe kan jy weet wat werk die beste vir jou? Kom vind meer uit oor wanneer jou roetine dalk teen jou tel.

Is dit regtig tot 'n persoon se voordeel om meer oor homself te leer? Watter rol speel terugvoer van ander mense in hierdie proses? Hoekom is dit so moeilik om waarlik vrede en geluk te vind?

Is jou woede onder beheer of buite beheer? Weet jy hoe om jou woede te bestuur, en hoekom is dit nodig om hierdie basiese emosies te verstaan?

Ons bespreek oorlewingskuld. Uit navorsing wat in eerste wêreldse lande gedoen word, raak dit duidelik dat oorlewingskuld ‘n ernstige gevolg van die omstandighede is waarin ons onsself bevind. Bemagtig jouself deur meer te leer oor hierdie ervaring.

Lise Swart vind meer uit van die toets of assessering van ‘n persoon met ‘n moontlike demensiediagnose. Verkeerde diagnoses bestaan, en ongepaste medikasie word aan pasiënte gegee, so die assesseringsproses is in die meeste gevalle van kardinale belang.

Ons kyk na die belang van ouerondersteuning tussen sowel ouerpare soos huweliksmaats of verhoudingsmaats as tussen ouers en ander ouers, met die doel om ‘n kind se lewenskwaliteit te verbeter.

Die meeste mense is opsoek na ware geluk. Ons hoor gereeld hoe jy vir jouself lief moet wees en jou foute aanvaar, maar watter rol speel kommunikasie in 'n persoon se geluk? Kan die aanleer van kommunikasievaardighede 'n verskil maak in hoe ons onsself sien, en hoe ander mense ons ervaar?

Manupilasie – wanneer is dit positief (indien moontlik), en wanneer is dit nagtief? Hoe kan jy agterkom jy word gemanupileer, en wat kan jy doen om dit te stop?

Voel jy … bla? Jy voel nie heeltemal depressief nie, maar jy voel nie jouself nie? Die menslike wetenskap verwys daarna as ‘n kwynende gevoel. Hoekom moet ons bewus wees hiervan, en kan mens iets daaraan  doen?

Ons kyk na die oplossing wat geliefdes en families in verslawing (hetsy gaming, eetversteurings en middel- of prosesverslawing) kan toepas – taai-liefde (tough love). Daar is baie misverstande oor hierdie konsep.

Volgens navorsing is hoogsensitiwiteit nie ‘n persoonlikheidstrek nie, maar ‘n genetiese faktor. Vind meer uit wat ‘n hoogsensitiewe persoon se eienskappe is, of behandeling nodig is, en hoeveel mense hierdie eienskappe toon.

Demensie is die verlies van algemene kognitiewe vermoëns in ‘n voorheen helderdenkende persoon. Alzheimer se siekte is die bekendste vorm van demensie. Vind meer uit van die verskillende vorms van demensie, hoe die diagnose gemaak word, en hoekom die regte diagnose belangrik is vir sowel die individu as die geliefdes.

Aandagafleibaarheid-hiperaktiwiteitsteurnis (AGHS) is ‘n probleem wat kinders se ontwikkeling benadeel. Die kern van die probleem is dat die kind se aandag maklik afgelei word, of dat oormatige hiperaktiewe gedrag hom of haar verhinder om op ‘n taak te konsentreer. ‘n Gebrek aan konsentrasie lei daartoe dat die kind nie in staat is om nuwe dinge aan te leer of inligting in te neem nie, en dit vert...

Ons kyk na kompulsiewe opgaarversteurings, wanneer 'n persoon items, klere of selfs diere opgaar, en vreeslik angstig raak om van enige iets ontslae te raak.

As gevolg van artikels wat gereeld op sosiale media verskyn met opskrifte soos, Is my kind ‘n psigopaat? en Maak jy jou as kind ‘n psigopaat groot? het ons besluit om ondersoek in te stel oor hoe maklik of moeilik ouers hulle kinders in psigopate kan verander.

As gevolg van stigma word daar meer as gereeld na psigiatriese klinieke verwys as die “malhuis”. Maar wat presies gebeur daar? Wie is die mense wat opgeneem word? Watter waarde voeg dit tot hulle lewe by, en wat kan mense verwag?

Vir jare het mense gedink veerkragtigheid is iets waarmee jy gebore word, maar navorsing het gewys dat almal dit kan aanleer. Ons gee raad aan ouers oor hoe kinders veerkragtigheid kan aanleer. Dit is uiters belangrike vaardigheid in die konteks waarin ons nou leef.

Sosiale angs is die vrees vir sosiale interaksie, maar hoe verskil dit van introversie, of die vermyding van ongemaklike situasies?

Geen ouer hou daarvan wanneer hulle kind nagmerries ervaar nie, maar wat beteken dit? Wys dit hoe jou kind nie cope met die lewe nie? Kan ouers boodskappe neem uit nagmerries, en wanneer is dit ernstig genoeg om vir hulp te gaan?

Agorafobie, of ruimtevrees, is nie net die vrees van ruimte nie, maar meer die vrees van jou “veilige plek” verlaat. Min mense is diagnoseerbaar met hierdie fobie, maar kombineer te veel angs, ‘n pandemie en een van die ander fobie-familielede, en die prentjie kan radikaal verander.

Kinders vandag is meer verveeld, meer selfgesentreerd en het baie minder vriende. Hoekom? Is dié stelling enigsins waar? Wat kan ouers (indien nodig) omtrent die situasie doen?

Woorde en gedagtes soos – Ek wil nie meer lewe nie, Wat is die punt van alles? Alles is te veel vir my – is iets waarop ons almal moet let. Selfdood is besig om wêreldwyd toe te neem a.g.v. die uitwerking van die pandemie. Hoe kan ons mekaar help, ondersteun en die tekens vroegtydig raaksien?

Ons almal gaan êrens in ons leeftyd jaloesie ervaar. Wanneer is dit ‘n gesonde emosie, en wanneer is dit ‘n ongesonde emosie? Lise Swart kyk na hierdie emosie wat maklik mense se lewe kan oorneem.