RSG Kuns

Dit is verstommend hoe komponiste verskillende klankkleure kan skep met musiek vir bepaalde instrumentkombinasies. Terrance April gesels met Feroll-Jon Davids, klarinetspeler van Stellenbosch, oor 'n kamermusiekkonsert waarby hy betrokke is. Dit is deel van Klein Karoo Klassique.

Saartjie Botha, feesdirekteur van die Woordfees, vertel wat op 2025 se program is.

Marinda Engelbrecht vertel van vanjaar se Vlooi-produksie, Vlooi en die speelgoedkis, by Kunstekaap. Sy was weer verantwoordelik vir die teks en lirieke.

Pianis dr. Charl du Plessis gesels oor al die konserte by vanjaar se Klein Karoo Klassique.

Die kunstenaar Michael Heyns is op 17 Junie 2025 oorlede. Hy was 79. Om hulde aan hom te bring, luister ons na ‘n gesprek uit 2022, toe Christelle Webb-Joubert by hom gaan kuier het.

Die Aardklop Kunstefees in Potchefstroom vind plaas van 7 tot 12 Oktober 2025. Ons hoor waarna gehore kan uitsien.

Regisseur Jeanne-Marie Koekemoer gesels oor die kinderproduksie, Kaskenades, wat te sien is by die Vrystaat Kunstefees 2025.

Prof. Gideon Els vertel van SAKOV se 45ste bestaansjaar, hulle werksaamhede en ‘n groot konsert op 1 Augustus 2025.

Terrance April gesels met Tinarie van Wyk-Loots oor die produksie, Speenvark, wat te sien is by die Vrystaat Kunstefees 2025.

Floris Kotzé bring hulde aan sy kunstenaar-pa, Kobus Kotzé, wat op 16 Junie 2025 oorlede is. Hy was 87.

Christelle Webb-Joubert maak ‘n draai by The Hatched Gallery in Pretoria. Sy gesels met die eienaars, Lourens Gous en Elzette Botes, en met die kunstenaar-argitek, Marius Badenhorst, oor die Urban Sketching-werkswinkels wat hulle aanbied.

Die akteurs, Wentzel Lombard en Tanja Franzen, gesels oor die toneelstuk, Die Doodskis, wat te sien is by die Vrystaat Kunstefees.

The Tramp, is ‘n nuwe mini-musiekspel wat gaan oor die lewe van Charlie Chaplin. Die regisseur, Amanda Bothma, en pianis Paul Ferreira vertel meer.

Sanger en liedjieskrywer Mel Botes vertel van 'n simfoniese werk wat hy gekomponeer het, Die Riviersimfonie.

Skrywer en regisseur Nicola Viviers vertel van Die koning en sy bruid, wat te sien is by die Vrystaat Kunstefees.

Vlerksleep is ‘n komedie met Elma Potgieter, David James, Richard van der Westhuizen en Bertha le Roux-Wahl in die rolverdeling. Bertha se stem word gereeld gehoor op RSG, en sy het vir baie jare die rol van Emma vertolk in 7de-Laan. Christelle Webb-Joubert het besluit om haar van nader te leer ken, synde sy in Vlerksleep te sien is by Innibos 2025.

Desire Gardner en Hannes van Wyk gesels oor hulle toneelstuk, Magda Louw en haar Erhard – How Louw can you go, wat te sien by die Vrystaat Kunstefees 2025.

Balletliefhebbers in Johannesburg en Kaapstad kan hulle regmaak vir een van die hoogtepunte op die kunskalender wanneer Joburg Ballet en Cape Town City Ballet kragte saamspan om SWANEMEER aan te bied. Terrance April gesels met Elroy Fillis-Bell, bestuurshoof, Dane Hurst, artistieke direkteur en Revol Yon, hoofdanser, van Joburg Ballet oor die samewerkingsprojek.

Sopraan Linde van Coppenhagen is in 2011 Duitsland toe om haar professionele sangloopbaan te begin. Sedertdien het sy talle groot rolle vertolk soos die Konging van die Nag in Mozart se DIE TOWERFLUIT, Zerlina in DON GIOVANNI ook van Mozart, en Gretel in Hansie en Grietjie van Humperdink. Sy is tans op besoek aan Suid-Afrika, en Terrance April het met haar gesels oor 'n konsert waarin sy binnekort...

Marion Holm vertel van die produksies waarby sy betrokke is by Innibos en die Vrystaat Kunstefees.

Elma Potgieter, Anton Dekker en Krisjan Fourie bring hulde aan André Walters.

Sopraan Zanne Stapelberg vertel van die produksie, Opera Tango.

Arthur Schnitzler se toneelstuk, LA RONDE, is te sien by die Baxterteater in Kaapstad. Terrance April gesels met Carlo Daniels oor die werk, wat in hulle weergawe 'n redelike gedaanteverwisseling ondergaan.

Wilhelm van der Walt gesels oor die toneelstuk, Seun. Dis ‘n verwerking van Dana Snyman se memoire.

Die musiekspel, Carousel, is op 21 en 22 Junie te sien by die Wynand Moutonteater in Bloemfontein. Dit is moontlik gemaak deur prof. Barbara Hill-Moore. Sy is verbonde aan die Southern Methodist University in Texas. Sy wou van kleins af ‘n verskil maak, veral in Afrika.