阿愷之聲Podcast

阿愷之聲「文學烏亂濺」開播五年來，這位作家的小說是我和阿倫一直想欲討論，但攏等無機會。伊是來自伊斯坦堡的帕慕克（Orhan Pamuk），帕慕克佇2006年提著諾貝爾文學獎，是土耳其的世界級作家。 帕慕克一生大部分的時間攏佇伊斯坦堡寫作，這使人感覺意外，沒想到一直寫作家鄉，總有一工竟然寫入去全世界。帕慕克也是阿倫非常佮意的作家，特別是伊得著諾貝爾獎了後，彼本2014年發表的《我心中的陌生人》，內底寫了三代田庄人來到伊...

阿愷之聲Podcast一開始因為無聊來放送，無想講後來竟然會入圍廣播金鐘，就親像節目副主持人鹿港學姊，早期阮攏佇空中講鹿港生活五四三兼討論臺灣文學，無想講後來學姊竟然提出勇氣來創業，理想中的「佳生活實驗室」正式佇鹿港菜市仔來營業。 創業敢會躊躇？離開原本領薪水的舒適箍仔（舒適圈），這條人生旅途的風景生做啥款？這集節目欲和學姊討論「人生の轉職」這回事，當決定了後，按怎透過空間佈置，轉來囡仔時成長的鹿港第一菜...

連續兩年阿愷之聲Podcast入圍廣播金鐘獎Podcast藝術文化獎，對我來講，入圍是一个會使好好思考家己和感謝別人的機會。這集節目欲來分享頂禮拜六（10/17）台長佇廣播金鐘獎的觀察，和這回無得獎對我的意義。 我有信心未來會使繼續做出閣較好的節目，感謝一路以來支持愛護阿愷之聲的各位！ ► 廣告贊助｜春山出版新冊《囚人：跨越三十八度線的作家》by 黃皙暎 https://www.books.com.tw/products/0011065285 阿愷之聲工商服務時間，現...

► 歡迎贊助阿愷之聲Podcast：voiceofakai.oen.tw Powered by Firstory Hosting

若講阿愷之聲Podcast是受著嘉義阮劇團「這聲好啊 Our Podcast」的刺激來開台，按呢MC JJ的人生會行向劇場這條路， 「金枝演社」劇團絕對是重要的一葩燈火。咱少年時難免對家己的人生茫茫渺渺，若有一个好的前輩願意佮咱看顧，就有可能影響咱一世人。MC JJ佇伊二十出頭歲拄來到淡水食頭路時，有閒就會去金枝演社做志工，這群人拍開伊對劇場的想像，也對家己的創作有了進一步信心。 二十幾年了後，MC JJ總算頭一擺和金枝來合作，伊欲...

「廣島那些活下來人們，沒有選擇對那場極端的人類悲慘保持沉默、將之遺忘，而是試圖去談論、研究、記錄，這是一種需要異常的努力才做得到的沉重行為......唯一有權遺忘廣島、對廣島保持沉默的人們，反而試圖談論廣島、研究廣島、記錄廣島。」－大江健三郎《廣島札記》 這集台長時間欲來分享前一陣子阿愷的日本旅行，特別是來到廣島這个城市的觀察。透過讀大江健三郎的冊、參觀和平紀念公園、參與一場精彩的廣島鯉魚隊棒球比賽和聽...

阿愷之聲出外景，來到距離阮兜駛車只要五分鐘的彰化縣福興國民中學，這是節目開台以來第一遍和國中學生和老師作伙錄節目！小等咧，這集叫做「福興之聲」，所以福興到底佇佗？ 福興鄉是鹿港鎮的厝邊，但因為鹿港的文化實在傷過強勢，真濟福興人出外攏會講家己是鹿港人。按呢講雖然較方便，但背後其實是對家鄉無啥熟似，因為生份，自然就無啥認同感。其實台長的戶口也佇福興鄉，我13.14歲就去彰化市讀冊，彼个年紀的目標就是努力考試...

🏆 阿愷之聲Podcast入圍2026年廣播金鐘獎Podcast類藝術文化獎，這集欲來分享入圍感言，閣有聽完林生祥30週年演唱會的一寡感觸。 再次感謝一路以來支持、鼓勵過阿愷之聲朋友，臺語節目這條路上，因為有恁，我才有氣力繼續放送落去。 ► 廣告贊助｜春山出版新冊《重構臺灣流行歌曲史》by 陳培豐 https://www.books.com.tw/products/0011062381 阿愷之聲工商服務時間，現子時春山出版推出好冊《重構臺灣流行歌曲史：常民／移民的競合交...

家鄉對地理學家的啟發是啥？ 進前，大部分時間攏佇國外真揜貼（iap-thiap，偏僻）的所在做田野調查的洪伯邑老師，有一回轉去彰化，和厝內的人分享工作上的代誌，伊的阿爸雄雄問一句：「你長期研究國外，敢講你真正瞭解咱家己的彰化？」這句話深深影響洪老師，後來決定透過科技部（國科會前身）計畫轉來研究彰化。故事就對「蚵仔」開始講！ 這集節目，伯邑老師欲來分享伊按怎對越南的茶山轉來彰化的海岸，按怎對「討小海」的厝邊隔...

面對政治暴力創傷，咱敢有可能和過去的家己和解？ 歡迎收聽阿愷之聲Podcast空中泡茶間單元，這回欲來介紹一齣公視台語台的新戲《再見1987》，節目來賓是演員林雨宣和導演吳宗叡。聽講生長佇臺北市大安區的雨宣，以前一句臺語攏袂曉？導演宗叡是因為愛聽K-POP才對韓國歷史有興趣？ 這齣《再見1987》改編自日本時代彰化女高學生丁韻仙的故事（戲中予作邱雪），伊後來和參與政治抗爭的翁婿來離別，一分開就是四十年。戲中，扮演邱雪查...

最後一場的阿愷之聲彰化冊店讀書會Live Podcast來到北斗有冊店，主題「文學的彰化書寫」，第二本欲討論作家林俊頴2025年發表的《七月爍爁》。這本小說出版了後隨得著臺灣文學金典獎和文化部金鼎獎，但對阮這款彰化讀者來講，這本小說竟然親像咧寫外國？ 出世佇彰化北斗鎮的林俊頴，後來到台中、台北甚至美國來讀冊，都城培養了伊的文學表達。後來林俊頴寫轉來家鄉，透過小說慢慢仔建立彼个「斗鎮」的世界觀，毋過這本《七月爍爁》...

阿愷之聲彰化冊店讀書會Live Podcast來到北斗的有冊店，主題是「文學的彰化書寫」，頭一本欲討論作家吳音寧2007年發表的《江湖在哪裡？臺灣農業觀察》，作伙講冊的是溪州阿倫aka農民，今仔日完全是彰南主場。 這本《江湖在哪裡？》是歷史上頭一本寫作彰化農村的報告文學，吳音寧受著2004年底轟動全國的新聞「白米炸彈客」影響，後來和楊儒門通信，也開始去瞭解家己成長的農村，才有這本臺灣的農業觀察和歷史回顧。哎，為啥今仔日咱...

阿愷之聲彰化冊店讀書會Live Podcast來到鹿港的書集喜室 ，主題是「臺灣的自然書寫」，第二本欲討論吳明益老師2007年發表的《家離水邊那麼近》，作伙講冊的是三不五時就愛走入大自然的鹿港學姊。 一位作家的寫作之路按怎養成？我感覺2007年對吳明益老師是重要的一年，彼年伊同時發表兩本冊，第一本是探索家族史的長篇小說《睡眠的航線》，第二本就是今仔日欲討論的《家離水邊那麼近》。作家對「環境」出發來寫作，拆出兩條寫作路線...

「咱敢閣有因為發覺一件新事物，彼種純粹的快樂？」 阿愷之聲彰化冊店讀書會Live Podcast來到鹿港杉行街的書集喜室 ，主題是「臺灣的自然書寫」，第一本欲討論的冊是玉山社2024年底出版、劉克襄寫作的《流火：鹿野忠雄的臺灣養成》，作者捌講：「這本冊若無完成，伊會死毋甘願。」 出版的冊和人平懸（高）的劉克襄老師，這本冊是伊用盡六十幾年的氣力所完成，到底鹿野忠雄是一條啥款的路？這位1906年出世佇日本東京的少年家，因為...

「白色本來清氣，但佇政治話語，變成國家壓制，抑是反共戒嚴的代表色，相對，流血犧牲是紅色、冒險抗爭的是黑色，色水濫濫參參，成作畫像，但是予人繪的人若無明顯的色彩，毋捌經歷苦難，只有白茫茫的底色。咱的知覺有限、行動有限，平凡過一生的人，咱按怎畫出這種人？更加挑戰的問法是講：這款人，敢有必要畫？」－賴香吟〈後記—白色，看得見嗎？〉本台臺文翻譯 阿愷之聲彰化冊店讀書會Live Podcast來到彰化市的南方書店，主題是...

阿愷之聲彰化冊店讀書會Live Podcast頭一場來到彰化市的南方書店，主題是「文學的白色歷史」，討論的冊是印刻文學佇2025年出版的郭松棻小說集《落九花》，這場作伙講冊的是咱懷念的聲音溪州阿倫。 郭松棻（1938-2005）是誰？郭松棻比阿倫的阿嬤加兩歲，這位出世佇臺北大稻埕的讀冊人，老父是「臺展三少年」之一的畫家郭雪湖。郭松棻自讀臺大外文系的時陣就開始寫小說、分析當時歐洲的哲學辯論，彼个「來來來，來台大；去去去，去美...

彰化天宮壇敢有機會聽著蕭士塔高維契（Dmitri Shostakovich）的弦樂四重奏？聖桑（Saint-Saëns）的動物狂歡節若是加入石虎這款臺灣原生種，用臺語來講生態故事會變啥款？ 真趣味，彰化人總是要來到臺北才有法度熟似，這集阿愷之聲Podcast「洛津浪音樂」邀請半線室內樂團的音樂家孟祥瑜、陳沛梧和臺語編劇黃郁盛，阮欲來討論古典音樂來到彰化的可能。到底半線室內樂是啥機緣來成立？而且為啥這群留美的音樂家會想欲轉來家鄉，面對大...

恭喜洪伯邑老師佇美國University of Washington Press出版新冊《Routes of Taiwan Tea》，阿愷之聲非常榮幸有了獨家訪問作家的機會，這本英文冊將臺灣茶的故事介紹予全世界，正經精彩！ 到底「茶」字這條路按怎開始？洪伯邑老師講，伊佇美國讀地理學博士時，本來指導教授建議伊去中國雲南/西藏邊界的普達措國家公園做研究，誰知影田野調查過程直直袂順，後來竟然佇雲南飲著普洱茶，看著百年老茶樹當中竟然有臺灣人的影跡，實在好奇...

「布克獎對臺灣文學的國際意義就是，咱總算有一個人會使代替龍應台，伊就是楊双子。」－黃崇凱 今年6月7號，阿愷之聲特別計畫「臺灣文學Live Podcast」來到臺南的南渡策室獨立冊店 ，我邀請小說家黃崇凱來討論「歷史的集體記持（記憶）和想像」，到底寫小說的人按怎理解眾人行過的歷史？ 這場對談的後半場欲繼續來討論崇凱的寫作後台，到底伊按揣出臺灣歷史作為小說創作的空縫？而且，小說有法度對吐魯瓦寫到火星、對棒球寫到基督...

今年6月7號，阿愷之聲特別計畫「臺灣文學Live Podcast」來到臺南的南渡策室，非常歡喜邀請小說家黃崇凱來討論「歷史的集體記持（記憶）和想像」，到底寫小說的人按怎理解眾人行過的歷史？ 這場對談的dress code是棒球衫，因為阮攏愛看棒球，甚至現場的錄音師Randy本身就是專門轉播中華職棒，這場的錄音規格有夠懸，現場三百位聽眾朋友就親像來到球場，氣氛歡樂！一開始先對崇凱家鄉雲林講起，一個海線囡仔來到臺北讀大學，城市的文...

「臺灣文學敢有可能變成外國人的文學記持（記憶）？」－莊瑞琳 今年6月6號，阿愷之聲特別計畫「臺灣文學Live Podcast」來到高雄五塊厝的等閑書房，真歡喜邀請了來自高雄的莊瑞琳aka春山出版社總編小瑞，這場的主題是「面對世界的臺灣出版和書寫」，到底出版按怎將臺灣展示全世界？ 後半場，阮欲繼續討論楊双子這位作家，作為一個編輯，小瑞按怎看双子一路以來的成長？按怎對無把握這條寫作路線，行到一個有自信的歷史小說家？《臺...

「編輯是一種一生攏咧和錯誤作伴的工作。」－莊瑞琳 今年6月6號，阿愷之聲特別計畫「臺灣文學Live Podcast」來到高雄五塊厝的等閑書房，真歡喜邀請了來自高雄的莊瑞琳aka春山出版社總編小瑞，這場的主題是「面對世界的臺灣出版和書寫」，到底出版按怎將臺灣展示全世界？ 頂半場先來討論家鄉按怎影響一个人？出世佇內惟的小瑞，高中要盤過愛河來到市區讀冊，當時伊感覺家己來自「高雄的庄跤」。對一位愛讀小說、對文學看見世界的高...

歡迎收聽阿愷之聲Podcast「洛津浪音樂」單元，這集節目非常歡喜會使來介紹一張全新臺語專輯《色緻》，來賓是專輯的創作者aka歌手林理惠、音樂製作人謝明諺，阿愷是這兩位音樂家的迷眾啊！ 這是一張繽紛色彩的專輯，無論是致敬1980年代的fusion編曲、臺語和日文甚至法語的趣味合韻、甚至拍開臺灣歷史的窗，《色緻》就親像「彈珠汽水（Ramune）」輕鬆入口。理惠老師講，專輯的發想是對阿公的記持出發，彼位留學日本的阿公總是日語攪...

► 活動報名｜臺灣文學LivePodcast社區讀冊會 （準備額滿！） https://forms.gle/uNvpRsLNz2w3Mc2d9 歡迎收聽阿愷之聲Podcast「台長時間」，首先來宣傳七、八月份阿愷之聲團隊佇家鄉彰化舉辦三場的「冊店讀書會Live Podcast」，分別是7/11（六）北斗有冊店的「文學的彰化書寫」、7/19（日）彰化南方書店的「文學的白色歷史」、8/2（日）鹿港書集喜室的「臺灣的自然寫作」，三場主題討論六本冊。報名需要100＄，費用會使折冊錢，歡迎...

地理學包山包海，臺語講萬事萬物，阿愷之聲Podcast全新單元「走揣地理路」是和臺灣大學地理系 Geopolitical Ecology Research Platform 生態與地緣政治研究平台 合作製播， 鹿港阿愷相招臺大地理系教授洪伯邑，阮準備用台語講地理學，對臺灣的風土瞭解世界的運作。 第二集，欲來討論「臺語」對田野工作的意義？進前，洪教授和幾落位老師作伙出版兩本田野方法冊《 田野敲敲門 》，到底訪談的鋩角是啥？會曉臺語，對人文地理研究收集...