Kompas

Om die wêreld plat te reis, is elke jongmens se droom. Talle doen dit deur middel van au pairwerk en skool gee in die buiteland. Tenita Kidelo gesels met Amelia Cyster wat as au pair gewerk het in Nederland, en vind uit hoekom hierdie so 'n gewilde opsie onder jongmense is. Sy gesels ook met Vonny oor skoolgee in China, en die uitdagings wat daarmee gepaard gaan.

Tenita Kidelo hoor hoe ouers hulle kinders tuis kan ondersteun om getalvaardighede te verbeter.

Die einde kwartaal is in sig, en dit beteken die tyd kom al hoe nader na die groot keuse wat graad 9 leerders moet maak. Tenita Kidelo praat met Eurica Beukes oor die belangrikheid van vakkeuse, en hoe om die regte vakke te kies.

Tenita Kidelo gesels met twee jonng redenaar oor hulle prestasies, en loer in by Jerome Coetzee van Bishop Lavis, wat besig is met sy Meestersgraad.

Groepsdruk, en veral die druk van sosiale media, is 'n onderwerp wat baie onder die jeug bespreek word. Tenita Kidelo praat met lewensafrigter Earl Corneluis en Ivana Ceaser oor die druk wat sosiale media op jongmense plaas, en hoe hulle daarvan kan ontsnap.

Tenita Kidelo praat met Deidre Marais, 'n onderwyser by Liebenberg Primêre Skool, en Andre Pekeur, 'n vakadviseur in die Overbergdistrik,oor die vakke, Skeppende Kuns en Sosiale Wetenskappe.

Zaida van der Berg vertel vir Tenita Kidelo hoe om getalbegrip by jong kinders te ontwikkel.

Dit was 'n ongewone jaar vir skolesport. Tenita Kidelo gesels met drie graad-12-leerders oor hulle sporthelde, en wat hulle die meeste van die sportjaar gemis het. Sy loer ook by Teswin Alexander in wat onlangs sy kontrak by die WP Rugby-akademie geteken het.

Tenita Kidelo praat met jongmense oor Suid-Afrika se hoë werkloosheidkoers en die afleggings wat baie maatskappye nou gedwing is om te maak.

Tenita Kidelo praat met Eric Jacobs, 'n kuber-ambasadeur van die Wes-Kaap Onderwysdepartement, oor kubberveiligheid vir leerders.

Tenita Kidelo en Salome Madden doen Wiskunde-hersiening met die fokus op rye en reeks.

Tenita Kidelo gesels met Talitha Kruger, wat onlangs twee goue toekennings verwerf het in die Talent Africa Nationals se afdeling vir fotografie. Sy gesels ook met Jonadrie van Aardt, wat gekies is as die eerste Nuwegesig in die tydskrif, Sarie, se kompetisie.

Tenita Kidelo kyk na verhoudings en dating apps. Lisa van Rooyen, beter bekend as Lisa met die rooi hare, vertel waar haar liefde vir recap-videos oor Boer soek 'n vrou begin het.

Carin van Graan, 'n Wiskunde Gelettertheidonderwyser by die CBC St. Johns Skool in Parklands, doen hersiening van tariefstelsels.

Tenita Kidelo praat met dr. Heinie Brand, Christo Davids en Magdeleen Benn van die CTLI oor professionele opleiding van onderwysers, Kaapse onderrig en die Leierskapinstituut.

Tenita Kedilo gesels met Franco Smith, 'n siggestermde swemmer, oor sy liefde vir swem en die toernooie waaraan hy al deelgeneem het. Sy gesels ook met Ziyaad Jefta,'n kunstenaar, oor hoe sy verkeerde studiekeuse hom uiteindelik in die regte rigting gedruk het.

Maryna Tarentaal, 'n slagoffer van geweld, deel haar verhaal met Tenita Kidelo. Tenita gesels ook met jongmense om uit te vind hoe hulle voel oor geweld teen vroue en kinders, en wat hulle dink hieroor gedoen moet.

Tenita Kidelo praat met Donovan Mackier, 'n vakadviseur by die Kaapse Wynland Onderwysdistrik, oor Mental Maths en gee wenke vir ouers en leerders wat Wiskunde makliker kan maak.

Tenita Kidelo praat met Elmarie Petersen, 'n vakadviseur by die Metro-oos Onderwysdistrik in die Wes-Kaap, oor hoe onderwysers leerders by praktiese demonstrasielesse kan betrek tydens die COVID-19-tydperk.

Tenita Kidelo gesels met Brendon Robinson, beter bekend as DJ Ice Flake, oor sy loopbaan, en loer in by twee orkeslede van Empangeni High, Erin en Shani.

Tenita Kidelo praat met Schalk Cadel van Edulex oor die gratis afstandonderrig wat hulle aanbied vir Gr. 10, 11 en 12 leerders. Sy gesels ook met Siphue Phillips van Hoerskool Pearson in Port Elizabeth, wat onderwysers beïndruk het met sy werketiek.

Tenita Kidelo praat met Almaret du Toit oor die belangrikheid oor fonologiese bewustheid by kinders.

Tenita Kidelo praat met Zaida van der Berg, 'n bestuurder vir vroeë kindontwikkeling by die Wes-Kaapse Onderwysdepartment oor die impak van Covid-19 op kinders en hoe om dit aan hulle te verduidelik.

Candice Amon vertel van gratis aanlynkursusse wat beskikbaar is vir jongmense, en die 14-jarige Chrystan Wagenstroom gesels oor haar nuwe aanlynbesigheid wat sy tydens die grendeltydperk begin het.

Tenita Kidelo praat seksuele identiteit, seksuele oriëntasie en die LGBTQ-gemeenskap met Roche Kester van OUT. Hulle kyk ook na van die wanpersepsies wat daar oor die kwessie is. 'n Jong gay man deel ook sy verhaal.