Kompas

Tenita Kidelo hoor by FasFacts van hulle skoolbesoeke. Elisna Kelly begin met ‘n reeks insetsels oor boelie.

Tenita Kidelo praat met Bertram Loriston van die Wes-Kaap Onderwysdepartement oor die aanvullende eksamen waarvoor matrikulante kan aansoek doen.

Tenita Kidelo gesels met Eulanda oor hoe belangrik dit is om jouself te ken in die hedendaagse samelewing. Hulle gesels ook oor Eulanda se liedjie, Phatty boom boom, en die impak wat dit op jong mense gehad het.

Tenita Kidelo gesels met Percy de Villiers, 'n jong man van Oudshoorn wat deesdae in Bloemfontein bly, oor sy suksesse.

Tenita Kidelo praat met Hanneli Davids oor haar werk as ‘n jeugontwikkelaar en die besigheidsbedryf.

Tenita Kidelo en haar gas Lara-Mari Geldenhuys gesels oor die lewe as ‘n eerstejaarstudent. Tenita gesels ook met ‘n paar graad 11’s om uit te vind of hulle gereed is vir hierdie belangrikste jaar van hulle skoolloopbaan.

Tenita Kidelo praat met Christene Bosman-Vosloo oor die belangrikheid van introspeksie en retrospeksie.

Tenita Kidelo gesels met die 14-jarige Carmi Philander oor haar eerste publikasie en haar liefde vir kreatiewe skryf. Tenita gesels ook met ‘n paar matrikulante om uit te vind hoe hulle die tyd omkry tydens die wagperiode.

Tenita Kidelo kyk terug op die jaar wat was, en bespreek die onverwagse draaie wat 2020 gemaak het en gesels oor wat voorlê in 2021.

Tenita Kidelo gesels met Ferdi van Dyk van die Universiteit Stellenbosch  oor studentelewe en internskappe. Helen-Rose van Wyk deel haar eerstejaarservaring as onderwyser, en gee wenke vir pas afgestudeerde onderwysstudente.

Die matriekeindeksamen is amptelik verby, en die gewag tot Februarie vir uitslae kan vir baie angswekkend wees. Tenita Kidelo praat met Ricardo Rossouw, 'n maatskaplike werker, oor tienerselfdood, depressie en angs.

Ná ‘n lang en deurmekaar skooljaar, word leerders se prestasies steeds gevier. Tenita Kidelo praat met 'n groep toppresteerders van Hoërskool Montana in Worcester om te hoor hoe hulle kop bo water gehou het in 2020.

Tenita Kidelo gesels met Shawna-Leze Meiring oor die belangrikheid van Kerstradisies. Die Empangeni-orkes sorg vir musiek, en die aspirant digter,  Sue-Relle Maasdorp, bring die Kersgees terug. En Angelique Montshiwa dra die boodskap van Kersfees oor.

Tenita Kidelo gesles met Ivana Ceaser oor die onverwagse draai wat 2020 met haar gemaak het. Jan Hendrik kuier ook saam, en Zandri van Kathu deel haar opgewondenheid oor Kersfees.

Die feeseisoen kan baie sleg wees vir jou beursie. Tenita Kidelo kyk na die belangrikheid van 'n begroting hierdie tyd van die jaar, en hoe om goeie finansiële besluite te neem.

Tenita Kidelo praat met Zelda Hitchcock, ‘n lewensredder, oor seeveiligheid. Die paralimpiese swemmer, Franco Smith, het wenke oor swembadveiligheid.

Tenita Kidelo gesels met die 19-jarige Godwin Taweni van Richie in die Noord-Kaap oor sy vele prestasies.

Geronimo en Valentino De Klerk van Elsiesrivier vertel van die inisiatief wat hulle in hulle gemeenskap begin het om werkloosheid onder die jeug te verminder.

Tenita Kidelo kyk na die belangrikheid van vaardigheidsopleiding. Romario Cloete vertel ook van die vaardighede wat hy as student aangeleer het.

Tenita Kidelo met Kidelo kyk na padveiligheid en hoe veilig jongmense op die pad is.

Tenita Kidelo gesels met Ehan W. Smith wat ‘n studiebeurs onvang het om by die New York Film Academy te gaan studeer. Sy maak ook ‘n draai by Leyhana Isaacs om te gesels oor haar prestasie as toppresteerder.

Tenita Kidelo praat met Ronnellie Niewenhuis van Africa Skills oor vaardighede en loopbaankeuses vir skoolverlaters. Die grafiese ontwerper Isabel Botha kuier saam.

Tenita Kidelo praat met Neville Goliath van die Wes-Kaap Onderwysdepartement oor hoe om veilig te bly gedurende die skoolvakansie.

Tenita Kidelo praat met Neville Goliath van die Wes-Kaap Onderwysdepartment oor die impak van psigososiale ondersteuning in tye van krisis soos Covid-19.

Tenita Kidelo is by die Hoër Meisieskool La Rochelle om die prestasies van Ané, Lisa en Miela te vier.