Hjábörn veraldar

Veraldar hjábörnin Metsölu-Valdi og Tímalausi Tóti hafa skipt úr kynbótakaffi yfir í prestakaffi og tala nú, óbættir hjá garði, um bannfærðar bækur, áfengisfíkn, drykkjuvísur, bókamarkaðinn og ýmislegt annað sem enginn nema þeir sjálfir hafa áhuga á að hlusta á. 

Tvö hjábörn veraldar, Valdimar Tómasson, sonnettuskáld með meiru, og Þórarinn Þórarinsson, atvinnulaus blaðamaður, freista þess að stíga tilgerðarlega og sjálfhverfa öldu hins grunnrista hlaðvarpsmeginhafs í podcasti sem sækir yfirskrift sína til Bólu-Hjálmars.