Eth maitin d'Aran

Era actualitat dera Val d'Aran en aranés. Es investigacions deth grop de topògrafs Sostremetries an presentat eth listrat de tucs de mès de 3.000 mètres deth Pirenèu e passe des 214 de 2025 as 220 actuaus. Tanben, eth Conselh Generau d'Aran acuelh era jornada "Apropant era IA ath territori. Innovar ena economia de montanha".

Era actualitat dera Val d'Aran en aranés. Es bòsqui madurs deth parc nacionau d'Aigüestòrtes son es de mès quantitat e qualitat de Catalonha. Eth Meteocat a començat es pròves entà installar tres naui radars meteorologics en Pirenèu. Tà acabar, era crotz der Aneto, a tornat aguest dissabte ath punt a on ara hè 6 mesi siguec arrincada.

Era actualitat dera Val d'Aran en aranés. Eth Conselh Generau d'Aran destinarà ua naua partida de 1,4 MEUR entà tornar a licitar eth darrèr tram deth projècte transGarona enquia Pònt de Rei. Tanben, Union de Pagesi demane ath Govern qu'actualitze es barems d'indemnitzacion per animaus mòrti pes atacs d'ossi.

Era actualitat dera Val d'Aran en aranés. Era Constitucion Espanhòla ja compde damb ua version en aranés. Eth Conselh Generau d'Aran a intervengut en campanau dera glèisa de Sant Fèlix entà netejar-lo e protegir-lo. E, entà acabar, parlam de Tots Sants o de Martror.

Era actualitat dera Val d'Aran en aranés. Eth Royal Cycling vò dar un pas mès enlà damb era metuda en marcha d'ua equipa junior que facilite era progression des joeni e les permete contunhar competint sense auer de marchar de casa. Seguint damb espòrts, era UE Bossòst guanhèc 0-3 en son darrèr partit de Liga.

Era actualitat dera Val d'Aran en aranés. Eth Musèu dera Val d'Aran a organizat un cors de guides de patrimòni aranés, ua iniciativa destinada a apregondir ena coneishença dera istòria, era lengua, es tradicions e eth patrimòni culturau deth territòri aranés. Tanben parlam sus era estrea dera sèria 'Matar a un oso', inspirada ena mòrt der os Cachou ena Val d'Aran.

Era actualitat dera Val d'Aran en aranés. Aué parlam des auenci tecnologics en encastre dera prediccion de lauegi e ac hem damb Jordi Gavaldà e Montse Bacardit, tecnics deth Centre de Lauegi dera Val d'Aran, e que ara hè uns dies assistiren en Canadà en ua des cites internacionaus mès importantes entàs professionaus dera nhèu e es lauegi.

Era actualitat dera Val d'Aran en aranés. S'a estreat ua naua linha d'autobús qu'unís Vielha e eth Pònt de Suert damb quate expedicions per sentit es dies laborables. Ath delá, en Catalonha i a dus cents pòbles totauments abandonadi e mès de set cents non arriben as 30 abitants. De toti aguesti, mès d'ua trentia son ena demarcacion de Lhèida.

Era actualitat dera Val d'Aran en aranés. Aguest dimenge se disputarà era Copa deth mon d'esquí aupin en Sölden, enes Aups. Ua competicion damb 3 representants der Estat Espanhòl. Ath delà, es pagesi reclamen ara Generalitat mès indemnizacions deuant es atacs d'ossi ath bestiar.

Era actualitat dera Val d'Aran en aranés. Era sason de cròs ena Val d'Aran comence aguest dimenge 25 d'octobre damb era prumèra pròva en les Les. Ua corsa que forme part deth Circuit de Cròs Val d'Aran. Tanben repassam era actualitat dera UE Bossòst, qu'a jogat partit de Copa Departamentau damb un contundent 0 a 5.

Era actualitat dera Val d'Aran en aranés. Des deth 5 d'octubre qu'a començat era campanha contra era gripa e era covid entàs collectius de risc. A compdar deth 26 d'octubre se daurirà eth calendari de vacunacion entara rèsta de collectius. Tanben eth Conselh Generau e er Ajuntament de Vielha, an començat es òbres de melhora deth camin dera Ribèra de Vielha.

Era actualitat dera Val d'Aran en aranés. Bossòst siguec scenari aguest dissabte dera dusau edicion dera Recreacion Istorica sus era Operacion Reconquista, enguan damb era inclosion deth relat des hèts damb eth personatge de Sonia Malkine, ua agent d'enlaç que trabalhec entàs guerrilhers espanhòus e qu'auec un papèr fonamentau ena invasion ena Val d'Aran.

Era actualitat dera Val d'Aran en aranés. Aué parlam damb era joena advocada aranesa Onditz Pereira Nart, especialista en dret concursal e bancari.

Era actualitat dera Val d'Aran en aranés. Aué era despedida de Jòse Badia que dempús de lèu 39 ans se jubile. Tanben parlam dera II Recreacion Istorica Aran 1944 que se hè aguest dissabte en Bossòst damb era participacion de mès de ua seishantea de persones e hèm ua uelhada ara actualitat esportiua damb es resultats e compromisi des equipes de fotbòl aranesi.

Era actualitat dera Val d'Aran en aranés. Era Generalitat de Catalunya a crompat era bastissa dera anciana casèrna dera Guardia Civil plaçat ena zòna d'aparcament de Baqueira 1500. Tanben escotam un extracte dera recreacion Operacion Reconquista d'Espanha que se higuèc en Bossòst e, ta acabar, parlam damb Abel Moga que tornarà a competir en Freeride World Tour 2027.

Era actualitat dera Val d'Aran en aranés. Damb motiu deth Dia Mondiau dera Salut Mentau parlam d'Amentaran, ua asociacion de salut mentau que trabalhe entà sensibilizar, acompanhar e contribuir a melhorar eth benèster des persones que conviuen damb un problema de salut mentau. Tanben Biel González Fuentes premanís era dusau sason de biathlòn.

Era actualitat dera Val d'Aran en aranés. Aran Amassa demane mès ajuts entàs families que deishen as mainatges e mainades en minjador escolar de Vielha. Ua mocion que a estat aprovada per unanimitat en passat plen der Ajuntament.

Era actualitat dera Val d'Aran en aranés. Coincidint damb es hèires de tardor, recuperam un fragment d'Era Fira darrèra de Vielha, ua òbra de Pepita Caubet qu'adaptèrem tara ràdio en 1990. Tanben parlam deth Memorial Javier Casas, que tornarà a amassar eth ciclisme aguest dimenge e repassam eth prumèr partit de Liga dera UE Bossost.

Era actualitat dera Val d'Aran en aranés. Era Associacion Contra eth Càncer en Lhèida hè dues setmanes inauguraue un nau espaci de pòsa entà pacients oncologics e familhaus en Espitau Universitari Arnau de Vilanova. Tanben parlam deth començament des corsi en aranés.

Era actualitat dera Val d'Aran en aranés. Era Val d'Aran començe aué 3 dies d'Hèires Ramadères. Era prumèra qu'ei era de Les aué dimars, e la seguiran deman era de Salardú e dijaus acabaram damb era de Vielha.

Er airau d'urgéncies der Espitau d'Aran ei un des milhors de Catalonha segontes er informe PLAENSA 2026. Tanben, aguest mes d'octobre, era revista Descobrir dedique eth sòn dossièr centrau a explicar era esplendor des paisatges d'Aran ena tardor.

Era actualitat dera Val d'Aran en aranès. Es trebalhs entà netejar eth lhet der arriu Garona ath sòn pas per Vielha començaran aguest mes d'octobre. Tanben, parlam damb Montse Solà sus er èxit des videos de Casa Turnay en es hilats sociaus. En Esterri d'Anèu començen aué es TRETZAUS Jornades entara Excelléncia.

Era actualitat dera Val d'Aran en aranés. Hè uns dies era Val d'Aran acuelhie era Transcatalònia, ua expedicion scientifica dedicada ar estudi deth solèr. Tanben, Mari Boya artenhec era siesau posicion aguesta passada dimenjada ena Formula 2 e, en fotbòl, derròta dera UE Bossòst per 0-5 deuant dera US Colomieres.

Aué parlam damb Amador Marqués, deputat en Congrès e portavotz deth grop socialista ena Comission d'Educacion. En aguesta entrevista, abordam era crisi migratòria e eth creishement dera extrèma dreta, atau coma es discorsi d'òdi e eth papèr dera religion ena politica. Tanben parlam der aranés en Congrès e enes mieis de comunicacion publics.

Era actualitat dera Val d'Aran en aranés. Era Val d'Aran serà scenari aguest propèr iuèrn deth rodatge d'una pellicula ambientada en sègle XVII. Ara cerquen figurants e an un casting dubert enquia aué dimarts. Tanben parlam damb Gerard Sanz sus es nauetats literaries d'aguesta tardor.