RSG Kuns

Het jy geweet daar is ‘n museum by SA Akademie vir Wetenskap en Kuns? Prof. Alex Duffey vertel van die Engelenburg-huis.

Prof. Alex Duffey is verantwoordelik vir ‘n reeks lesings oor veral kuns, onder die vaandel van die SA Akademie vir Wetenskap en Kuns. Hy vertel van die reeks, en die verskeie temas waaroor hy al gepraat het.

Dihan Keun vertel van die kinderproduksie, Kersfees is hier! Die storie van die De Lange-gesin se Kersfees word vertel met die hulp van lewensgrote poppe.

Terrance April gesels met die veelsydige Marianne Thamm wie se vertoning, ROUND OF APPLAUSE - RELOADED, tans by die Pieter Toerien Studio in Johannesburg te sien is. Benewens 'n kykie na Marianne se ervaring op verskedie terreine, praat hulle ook oor die kuns van komedie as 'n medium om aktuele sake van die dag aan te raak.

Die dansfees, BODY MOVES, is tans aan die gang in verskillende sentra in Gauteng, en betrek 'n groot verskeidenheid van professionele en gemeenskapsdansers. Terrance April gesels met Gladys Agulhas oor die projek, en ook haar betrokkenheid by veral dans vir persone met gestremdhede.

Christelle Webb-Joubert besoek die SA Akademie vir Wetenskap en Kuns in Pretoria, waar sy meer uitvind oor die uitstalling, A collection of retired muses / ‘n Versameling afgediende muses deur Ruhan Janse van Vuuren en Bastian van Stenis.

Die kurator van die Rust-en-Vrede galery en Klei Musuem, Hamlin Jansen van Vuuren, vertel van die eerste SA Klei-toekennings se uitstalling.

Komende naweek word die oratorio, ELIA van Mendelssohn, deur 'n koor van Oud-Libertas en soliste onder die leiding van prof. Johan de Villiers op Stellenbosch uitgevoer. Terrance April het met hom oor die werk gesels.

Die Vrystaat Simfonieorkes word vanjaar 50. Terrance April gesels met prof. Frederick Fourie oor die geskiedenis van die orkes, en hulle planne vir die toekoms.

Marie Vogts, geselskapbestuurder van Figure of 8 Dance Theatre, vertel van hulle produksie, Constellations. Sy vertel ook van hulle ontwikkelingsprogram wat vanjaar vir die eerste keer aangebied is.

Kunstenaar Lena Hugo bied weer ‘n oop ateljee aan. Christelle Webb-Joubert kuier by haar om uit te vind waarna besoekers kan uitsien.

Wessel Odendaal van VR Theatrical vertel van die nuwe musiekspel, How to date like a F@#$&*! Grownup.

Dit is weer tyd vir die pantomieme by die Joburg Theatre. Vanjaar is dit BEAUTY AND THE BEAST wat deur Janine Honeymon aangebied word. Terrance April gesels met twee van die akteurs, Jock Kleynhans en Dylan du Plessis.

Ons neem afskeid en bring hulde aan Christo Compion, prof. Hans du Plessis en Danie Odendaal.

Elwin Buchel is al langer as 50 jaar ‘n geneesheer, maar kuns bly sy passie. Hy vertel van sy uitstalling, Back Then, by die Kunsvereniging van Pretoria.

Christelle Webb-Joubert se laaste ateljeebesoek tydens vanjaar se Woordfees in Stellenbosch was by die kunstenaar Marinda du Toit.

Fanie Marais het op 50-jarige ouderdom, ná sy beroep as predikant, besluit om die verfkwas op te tel. Hy gesels oor kuns as terapie en sy solo-uitstalling in Bellville.

Choreograaf en regisseur Janelle Claassen vertel van haar dansproduksie, Splash and Leap, wat te sien is by die Staatsteater in Pretoria. 

Benewens die groot stadsorkeste, is daar ook 'n hele aantal baie bedrywige amateur of ad hoc orkeste wat gereeld musiek aan gehore bekendstel . Een van dié orkeste is die Pretoria Simfonieorkes. Terrance April gesels met die dirigent, Jaco van Staden. Hy tree op as solis in hulle volgende konsert, waarin hy die Franse horing speel.

Jannes Erasmus, medeskrywer, regisseur en akteur gesels oor die musiekspel, Die Afrikaner Maak Só.

Landskapkunstenaar Strijdom van der Merwe se ateljee is die natuur. As deel van sy ateljeebesoek by vanjaar se Woordfees het hy deur middel van foto’s oor sy werk gesels.

By die Woordfees kon feesgangers die ateljees van kunstenaars besoek. Luister na ‘n opname deur Christelle Webb-Joubert tydens haar besoek aan Ingrid Winterbach.

Violis Johanna Roos vertel van die konsert waarin sy en pianis Roelof Temmingh te sien is.

Weet jy watter instrumente deel is van die vryriet-groep? Leon Oosthuizen, president van die Suid-Afrikaanse Vryriet Assosiasie vertel meer. Hy vertel ook van ‘n Duitse akkordeonorkes wat Suid-Afrika besoek.

Sue Diepeveen is die stigter en eienaar van The Drama Factory. Sy vertel vir Christelle Webb-Joubert hoe die teater begin is in 2017.