Radiomi aallakaatitassiat, KNR

Ileqoq malillugu Qaqortumi Niuernermik ilinniarfimmi juullilernerani niuffatsitsineq ingerlanneqarmat inuppassuarnik najuuttoqarpoq. Serviceøkonominngorniat aaqqissuussaraat aaqqissueqataasorlu oqaloqatigineqarmat ulapaarfiulluarsimasoq oqaatigaa. Uani tuniniaasunik oqaloqateqartarluni aallakaatitassiaq. Aaqqissuisoq Sika Frederiksen KNR Kujataa

Ukioq 2024 novembarip ulluisa 28-anni Air Greenland-ip timmisartuutaa Tuukkaq timmisartuni angisuuni siullerpaajulluni Nuuk miffissatut siunnerfigalugu Københavnimiit ingerlaarpoq. Ingerlaarneq taanna malinnaavigaarput. Aaqqissuisoq Frederik Lund.

Timmisartut atorlugit nunatsinnut timmisartuussisarnerni Kangerlussuaq ukiorpassuarni nunatsinnut tikittarfiit pingaarsaraat.  Tamanna novembarip 26-anni 2024-mi naggammik pivoq.  Air Greenland-ip timmisartua Tuukkaq naggammik Kangerlussuarmiit qangattarmat pisut malinnaavigaavut.  Aaqqissuisoq Frederik Lund. 

Sapaassuarmi adventip sapaataasa aallartinneranni ukiorpassuarni Inngeratsilerkunni erinarsortartoq pilersitseqataasorlu, Elisa Nuko, meeraaneraniit juullertarnera pillugu oqaluttuartinneqarpoq. Aallakaatitassiortoralugu Andrea Christiansen.

Silaannakkut nunatsinnut angallassinermi Kangerlussuaq mittarfiit pingaarnersaattut atorunnaartussanngorpoq. Air Greenlandip timmisartuutaa Tuukkaq manna tikillugu ileqqorineqartoq malilluggu aqagu marlunngornermi novembarip 26-ani naggammik Kangerlussuliassaaq. Tamatuma kingorna Tuukkaq nalinginnaasumik nunatsinnut angallasseqqileruni Nuuk miffissatut siunnerfigalugu Københavnimiit qangattarumaar...

Issittormiut inuit pinnguaataannik Arctic Sportsimik aallussisut Ikerasammeersut MIO-mit nersornaatisipput, nersornaammut naliliisimaneq tunngavilersortinneqarpoq aammalu timersuummut tassunga attuumassutillit oqaloqatigineqarlutik. Aallakaatitassiortoralugu Andrea Christiansen.

Ilisimassarsiortunut angalaqataasarsimasup Poorsimaap ernutaata Panippak Daorana, aatami Akilinermi panissiaqarsimanera, Avanersuarmiut akilinermiunik attaveqartarsimanerat, silaannaallu allanngoriartornerata sunniutai ilaatigut oqaluttuarai. Aallakaatitassiortoq: Maliinannguaq Marcussen-Mølgaard

Upernaviup eqqaani Innaarsunneersoq Niels Carlo Heilmann-ip nersornaasiinermut aningaasaateqarfianit nersornaaserneqartut ilaat Ole Gabriel Kristensen oqaloqaloqatigaarput. Aallakaatitassiortoq: Dagmar Mørch Dalager

Perorsaasut ilinniarsimasut sulinerminni atukkatik aningaasarsiatillu pilllugit piffissami matumani pisortanut isumaqatiginninniarput. Isumaqatigiinniarnerit ingerlaleruttorneranni oqaloqatigineqassapput Nunatsinni Perorsaasut Kattuffianneersut Arnaq Brønlund aamma Mini Emma Kristensen. Aaqqissuisoq Frederik Lund.

Terkild Huusum-Isaksen-ip aamma Abel Lyngep kingumut qiviarlutik oqaluttuartinneqarnerisa immikkoortuisa aappaat kingullerlu. Tikkikli Abellilu 1970-kkut naajartorneranni 1980-kullu ingerlaneranni Narsarsuaq takornariaqarfissuugallarmat Narsarsuarmi sulisimanertik pillugu eqqaamasalersaartinneqarput. Aaqqissuisoq Frederik Lund. Radiokkut aallakaateqqaarneqassaaq tallimannngorneq 22. november 2024...

Narsarsuaq 1970-kkut naajartorneranni 1980-kullu ingerlaneranni takornariaqarfissuugallarmat takornarianik angallassinermik sullissisuusimasut Terkild Huusum-Isaksen aamma Abel Lynge oqaluttuartinneqarput. Aaqqissuisoq Frederik Lund. Radiokkut aallakaateqqaarneqarpoq tallimanngorneq 15. november 2024.

MANUp silarsuaa pulaterfigalugu ilaatigut angajoqqaajoriaatsit meeqqanullu atuakkat assiginngitsut sammillugit. Ullumikkullu qinngasaarisarneq pimmatiginnittarnerlu sammivarput. Aallakaatitassiortoq: Dagmar Mørch Dalager

Inuusuttunnguulluni George Stagersimasoq massakkullu Kystskipperitut ilinniagalik Pilunnguaq Egede misigisalikkersaartipparput, ilaatigut soqutigisaanik ilinniagaanillu oqaluttuartillugu.  Aallakaatitassiortoq: Pilunnguaq Jørgensen.

Nuummi inngertartoqatigiit nalliuttorsiortut pilersaarutaat pillugit aammalu qilaatersorneq inngernerlu ullutsinni nutaaliaasumi killiffissiorlugit aallakaatitassiaq. Aaqqissuisoq: Andrea Christiansen.

Nipilersortarnerit pillugit eqqaamasanik oqaluttuartitsisarluni aallakaatitassiat qulinganni oqaluttuartinneqartut tassaapput: Ammooraq Egede, Martin Egede aamma Inge Elgaard Egede. Aallakaatassiortoq Frederik Lund.

Sapaatip akunnerata siuliata naanerani Sisimiuni inuusuttuaraq sakkortuumik persuttarneqarpq. Politiit innuttaasunit persutaasooqarnerata nalaani pisunik takunnissimasunit attavigineqaqqupput. Maanna persutaasqartarnera akiorniarumallugu Sisimiuni innuttaasut qisuariaateqarput. Aallakaatitassiortoq Frederik Lund.

Qatanngutigiit Knud aamma Karl Iversen 70-ikkut naalernerani arsaattartuusimasut taamatullu nunanut allanut unammisartuusimasut misigisalikkersaartillugit oqaluasaartippagut. Aallakaatitassiortoq: Uju Petersen.

Contemporary-mik qitillutik sungiusartut qanormita sungiusartarpat? NuQi-mi balletertartut sungiusarnerat malinnaavigalugulu apersorpavut, tassaniulu siungiusaasoq Ruth Montgomery-Andersen qanimut malinnaavigalugu. Aaqqissuisoq: Dagmar Mørch Dalager

Ukiortaaqqammerpat USA-mi kina præsidentitut ivertinneqassanersoq pillugu Amerikkamiut aqagu qinersisussanngorput. Qinersinissaq sutigut nunatsinnut soqutiginaateqarpa? Aamma kalaaliulluni USA-miilluni qinersisoqartussaanera qanoq misigisaqarfiua? Aallakaatitamik aqutsisoq Frederik Lund.

Ilinniartitaanermut Aqutsisoqarfik isumasioqatigiisitseqqammerpoq, peqataasut sisamat tusarniaavigalugillu killiffissiorneqarput. Aallakaatitassiortoralugu Andrea Christiansen.

Nuup immikkoortuani Avannarlerni qanga inuuneq Louise Petersen aamma Ari Martens peqatigalugit eqqartorparput, taamani Avannarlermiut illui, inuttaasalu kikkuuneri ilaatigut sammillutigit. Aallakaatitassiortoq Maliinannguaq Marcussen-Mølgaard

Ilisimatusarnerup silarsuaani aallaakaatitsinitsinni meqqutit sammissavagut. Uani Nukannguaq Mathiessen Inuiaat piorsarsimassusaat oqaluttuarisaanerani Bacheloritut suliaa qanoq imaqarnersoq alapernaaffigalugu sammineqarpoq. Aallakaatitassiortoq: Dagmar Mørch Dalager

Neriuffiit Kattuffiata ukiumoortumik katersuiniartarnera unnummut ingerlanneqartussanngorpoq. Katersuiniarnerup ingerlanneqarnerata TV-kkut aallakaatinneqarnerani aqutsisooqataasussaq Andreas Poulsen aamma Neriuffiit Kattuffianni allaffissornikkut aqutsisoq Bent Mølller oqaloqatigineqarput. Aaqqissuisoq Frederik Lund.

Ullumikkut aallakaatitsinissatsinni noqartarnermut tunngasumik sammisaqassaagut tassani oqaloqatigissavarput, Arnannguaq Rosing Olsen, Arnannguup ernera ataatsimik ukioqarluni ersittumik noqartalernera aallartippoq. Aqqutigisimasaannillu oqaluttuartipparput. Aallakaatitassiortoq: Pilunnguaq Jørgensen