Radiomi aallakaatitassiat, KNR

Kangerlussuarmi pissutsit allanngulernerani allamut nuuginnassallutik aaliangiutereernikuungaluarlugu Kangerlussuarmi najugaqaannarnissartik piffissaq kingulleq aaliangerpaat, ilaatigut Kangerlussuarmi inuunerup nuannarinera peqqutigalugu. Ilaqutariit Steenholdt-Sørensen pulaarnerani tamakku eqqartorneqarput. Aallakaatitassiortoq: Dagmar Mørch Dalager

Donald Trump jr, ippassaq Nuummut tikippoq, tikinnera nunatsinnut, inuinut aammalu politikkikkut qanoq sunniuteqarsinnaanersoq politikkikkut inuiaqatigiinnilu malinnaasut isummersortinneqarput. Aaqqissuisoralugu Andrea Christiansen.

Aallakaatitassiortoq: Jens Klaus Lennert

Naalakkersuisut siulittaasuata Múte B. Egedep ukiortaami oqalugiaataa pillugu nunatsinni kattuffiit siulittaasui sisamat isummersorput. Peqataasut tassaapput; Dina Olsen, Elna Heilmann, Jess G. Berthelsen aamma Gerth B. Lynge. Aaqqissuisoq Frederik Lund. (Radiokkut aallakaatinneqarfissaa siulleq: Arfinininngorneq januaarip sisamaat 2025, nal. 10.00).

Oqaatsit pingasut, tassalu upperneq, neriunneq asanninnerlu - itisilertippagut. Pulaartoraavut: Palasi Ivalo Reimer, meeraaqqanut katsorsaasoq Dorthie Kanuthsen kiisalu imminut toqunnissamik pinaveersaartitseqataasoq Aqissiaq Nuka Semsen. /Lis Lindenhann Jokumsen

Ullorissat inissisimanerat najoqqutaralugit siulittuisartut astrologit 2023-mut horoskopiliaat tigulaariffigalugit aallakaatitassiaq. /Stina Skifte.

Ullorissat inissisimanerat najoqqutaralugit siulittuisartut astrologit 2023-mut horoskopiliaat tigulaariffigalugit aallakaatitassiaq. /Stina Skifte.

Nunatta avannaarpiaaniit tunu tikillugu ullukinnersiornermi ilaqutariinni ikinngutigiinnilu ileqqut ingerlanneqartartut aallakaatitassiarineqarput. Aallakaatitassiortut radiormiut.

Campus Kujallermi decemberip qulingani Adventure Guidetut Service økonomitullu ilinniakkaminnik naammassillutik allagartartaartut malinnavigaagut. Oqalugiarnerit erinarsoqatigiinnerit allagartartaartullu ilaanit oqaloqateqarnerit ingerlanneqarput. Aallakaatitassiortoq: Sika Frederiksen

Aallakaatitassiani marluusuni tusarnaarneqarsinnaavoq ukiut 40-ut sinnilaarlugit napparsimaveqarfimmi sulisuusoq, Uani aallakaatsitami Najaraq Kristiansenip Qassiarsummi juumuutut atorfeqarnermini misigisani ilaatigut eqqaartorumaarlugit. Najaaraq Kristiansen Qaqortumi angerlarsimaffianut pulaarlugu oqaluttuartipparput. Aallakaatsitassiortoq: Sika Frederiksen KNR Kujataa

Alluitsumi 1937-mi inuusup Grethe Marie Lyngep meeraanermini uteriitsuunini juullimi pulaartimi oqaluttuaanut ilaasaaq. Unnia inuusartaarsimasoq allap pissarigaluagaannik. Aallakaatitassiortoq: Sika Frederiksen, KNR-Kujataa.

Qatanngutigiinni arfineq marluusuni kisiartanngortup Bibi Bjergip Qassimiuni meeraanermini eqqaamasani nuannersut puiukkiussimavai. Inersimasunngorami ukiut 30-it sinnerlugit misileraavimmi Upernaviarsummi uinilu Pouli najugaqarput. Aallakaatsitassiortoq: Sika Frederiksen, KNR-Kujataa

Ukiumi qaangiiutilersumi radiokkut aallakaatitassiat ilaat tigulaariffigisarlugit kingumut qiviarnermi eqqaamaneqartussat ilaannik tusagassiineq. Aaqqissuisoq Frederik Lund.

Juulliaraq aqaguppoq tamannalu sioqqullugu pisiassat kingulliit isumagisassallu allat ullumikkut angumeriniarneqartussaapput. Aaqissuisoq Frederik Lund

Ukiup matuma naalernerani nunatsinni pissutsit qiviarlugit aallakaatitami peqataavoq Gerth B. Lynge, taanna Nunaqavissut Sulisitsiisut Kattuffianni siulittaasuuvoq. Aaqqissuisoq Frederik Lund.

Morten Boller nuliassaalu Adi Biilmann Kangerlussuarmi inuunerminni pisartut nuannersut oqimaannerumaallu assigiinngitsut ilaatigut eqqaamasalersaarutigaat. Taakkuuppummi Kangerlussuarmiit Nuummut nuuttut, nuunnerallu qanimut malinnaavigaarput. Aallakaatitassiortoq: Dagmar Mørch Dalager

Lars Lund aappani Tupaarnaq qitornatillu pingasut Island-iå avannaani savaatilinngornermik kingorna aappassaa Island-imi juullisiorput. Island-imi nunaqalersimanerat juullisiortarnerallu pillugit Larsi oqaloqatigalugu aallakaatitaq. Aaqqissuisoq Frederik Lund. (Radiokkut aallakaatinneqaqqaarpoq 25. dec. 2024.)

UNESCO Aasivissuit-Nipisanni Park Rangeri Christian Pihlblad Jeremiassen ukiuni marlunni atorfeqarnermini suliarisartagai Kangerlussuup nalaani nunaminertanik nakkutilliisarnera ullunilu makkunani inissisimanerat pillugu pulaarparput. Aallakaatitassiortoq: Dagmar Mørch Dalager

Juulleriartornerani pisut ilagaat Sisimiuni Minngortuunnguup Atuarfiani atuartut sammmisaqartinneqarnerat. Tamatuma malitsigisaanik atuartut tallimanngormat siuliani saqqummiisinneqarlutillu tuniniaapput ilaallu soorlu kalattoornermik takutitsillutik. Aaqqisssuisoq Frederik Lund.

Astrid Kreutzmann meeraallunili sisorarneq sammisarilersimavaa, taamatullu sisorarnermik unammisartuusimalluni. Astrid timersortarneranik oqaluttuartipparput. Aallakaatitassiortoq: Uju Petersen

Silaannakkut angallasseriaatsini pissutsit nutaanngornerat Air Greenland-ip qanoq nalimmassarfiginiarneraa tusarniassavarput. Aamma Nuummi mittarfiup nutaap atorneqalerneraniit sapaatit akunnerini marlunngulersuni Air Greenland-ip aqqusaagai suusimanersut tusarniarumaarparput. Aaqqissuisoq Frederik Lund.

Aallakaatitassiortoq: Sika Frederiksen

Sapaammi adventip sapaataasa aappaanni Kangerlussuarmiu nunatta pissarititaanik atorluaasartoq Anna Karina (Kuka) Hoffmann, Kangerlussuarmi juulleriartortarnera pillugu oqaluttuartinneqarpoq. Aallakaatitassiortoralugu Dagmar Mørch Dalager.

Qilaatersortartoq Elisabeth Petrussen Rosing Katuami Katuarpalaami peqataaqqaarnini qanoq namminerminut sunniuteqarsimanersoq aallakaatitami sammineqarpoq, taassumallu saniatigut Kangerlussuarmi qilaatersornermik aallutaqarnera aamma eqqartorlugu. Aallakaatitassiortoq: Dagmar Mørch Dalager

Itillermiu Pele Enoksen, Niels Carlo Heilmann-ip aningaasaateqarfianit nersornaaserneqarsimasoq oqaloqaloqatigaarput. Aallakaatitassiortoq Maliinannguaq Marcussen-Mølgaard