Noss chors

Chantaduras e chantadurs han rimnà tuns e suns da chor. Il chor mischedau Rueun-Siat datti dapi l'onn 2006. Quest chor sa deditgescha adina puspè a projects da chant cun tempra innovativa. Tar lur project actual cun concerts als 14 e 15 october 2026 chanta il chor sursilvan differenta musica da film.

Da musica tradiziunala a melodias pli modernas: Marco Nay ha rimnà chanzuns preferidas. Noss emprendist Marco Nay, che abita a Danis/Tavanasa, ha tschernì ina selecziun da chanzuns da chor che han per el ina muntada speziala. El preschenta differentas melodias e raquinta da regurdientschas e colliaziuns cun las chanzuns.

Chantaduras e chantadurs han creà in'emissiun plain variaziun. La Cumbricula è ina furmaziun vocala pitschna cun chantaduras e chantadurs da l'Engiadina. Quest chor è vegnì fundà la fin da la stad 1998, là sut la direcziun da Jachen Janett. Oz è Selina Bontognali la manadra musicala da quest chor. L'emsemble sa deditgescha a litteratura a capella da tut different gener.

Il chor da project dal Surses ha rimnà chanzuns preferidas. Cantastic è in chor da project dal Grischun Central. Il chor sa deditgescha a chanzuns da fitg different gener - i vegnan chantadas chanzuns popularas sco era arranschaments da pop. La manadra musicala da questa furmaziun è Maria Capeder.

In'ura cun in massa tuns rumantschs. Kontra.cant è in ensemble vocal grischun ch'è vegnì fundà il 2012 da Flavio Bundi. Oriundamain è el naschì per in project da chant da Nadal. L'ensemble da project sa cumpona da chantaduras e chantadurs motivads da differentas regiuns dal Grischun.

Il musicist e dirigent, oriund da la Surselva, ha rimnà chanzuns. Willi Derungs ha tranter auter fundà il Canto Classico, l'Orchestra Classica ed il Novocanto. El sa deditgescha a musica da la renaschentscha fin a la musica contemporana ed ha er adina puspè dà paisa da preschentar ovras betg uschè deresadas ed enconuschentas.

Chantaduras e chantadurs han rimnà chanzuns. Il chor cecilian Glion è vegnì fundà l'onn 1893. Il chor che sa deditgescha principalmain a musica sacrala enramescha onn per onn numerusas festas ecclesiasticas.

Differentas chantaduras han rimnà chanzuns da tut gener. Frestg, orientà al tun e multifar - quai è il Damenchor Chursüd. Cun ina gronda purziun passiun e plaschair dechantan las dunnas sper chanzuns popularas era litteratura spirituala e classica da chors da dunnas sco era chanzuns da pop e rock e sa laschan gugent en sin in u l'auter experiment musical.

In'ura cun ina massa chant da chor viril. Il chor viril Breil è in chor viril da tradiziun da la Surselva cun ragischs fin l'onn 1901. Suenter il focus inizial sin chant sacral sa deditgescha il chor oz surtut a musica da chor profana, surtut era a chanzuns rumantschas. Cun numerusas preschentaziuns e la tgira dal possess da chanzuns regiunalas è el fin oz ina part impurtanta da la vita culturala...

Chantaduras e chantadurs han rimnà da tuttas sorts chanzuns. Consonus vokalensemble è in ensemble vocal svizzer che realisescha projects cun chantaduras e chantadurs cun experientscha. La furmaziun interpretescha musica da chor en tuttas colurs. Il dirigent da quest chor è Mauro Ursprung ch'è creschì si a Cuira.

Noss chors porta ils giavischs musicals dal Chor mischedau Vignogn. Cun grond engaschi e plaschair chantan las dunnas ed ils umens da Vignogn e conturn en il chor. Dapi radund dus onns diregia Annette Stopp il chor. Ella deriva da la Bassa ed ha emprendì rumantsch. Ils giavischs musicals da chantaduras e chantadurs portan in'ura curturella e divertiment, magari er in zic nostalgia.

Il chor maschadà da Danis-Tavanasa festivescha quest onn giubileum da 20 onns. Sper il concert per l'onn da giubileum cun novas chanzuns rumantschas han chantaduras e chantadurs dal chor Uvriu giavischà chanzuns da tuttas sorts. Ordlunder hai dà in'emissiun da chant da tuttas coluras, spartas e geners. In'ura divertenta che fa buna luna e porta curturella.

Chantadurs e chantaduras han rimnà chanzuns en tuttas colurs. Il Cor masdà Tschlin datti dapi la fin dal 19. tschientaner. Enfin oz enramescha la furmaziun differentas occurenzas dal vitg cun tuns vocals.

Il Chor da giuvenils grischun ha rimnà chanzuns plain variaziun. L'emissiun porta da tuttas sorts chanzuns - chant popular rumantsch, musica da pop sco era tuns classics.

Chantaduras e chantadurs preschentan intginas chanzuns preferidas. Durant in emprova en connex cun lur project actual «VIASPRAS ROMONTSCHAS» ha il Chor mischedau Suraua era rimnà giavischs per l'emissiun «Noss chors». L'ura porta ina massa chant rumantsch.

Il chor da project da Cuira e conturn ha creà in'ura cun musica en tuttas colurs. En connex cun lur project «CHURMIXT GOES POPSONGS» - ina cooperaziun cun «Jazz Chur» ha il chor da project da Martina Hug mess ensemen in'ura cun chant tenor lur gust.

Chantaduras e chantadurs expriman lur giavischs musicals. En questa ura Noss chors udis chanzuns da tut ils geners. Bleras chanzuns rumantschas chantadas da chors indigens, tut tenor il gust da chantaduras e chantadurs dal Chor mischedau Sevgein. I vala la paina da tadlar.

Chantaduras e chantadurs han creà in'ura cun chanzuns da tuttas colurs. Da chant popular rumantsch enfin tar tuns d'autra tempra porta quest'emischiun da tuttas sorts.

L'emissiun porta ina massa chant rumantsch, ma er intgins tuns en autras linguas. Las chantaduras ed ils chantadurs dal «Chor mischedau Surrein» han rimnà inqual giavisch musical - musica vocala da tutta tempra.

Giancarlo Lozza, il president dal «Chor viril Surses», preschenta ina schelta da sias chanzuns preferidas. L'emissiun porta varsaquantas chanzuns per chor viril. Sper chanzuns fitg enconuschentas datti d’udir era intginas melodias main derasadas.

L'emissiun porta tuns da differenta tempra en differentas linguas. Las chantaduras ed ils chantadurs da Ftan e conturn han giavischà da tuttas sorts chanzuns - chanzun enconuschentas ed intgins tuns main derasads.

Il Chor da giuvenils da la Georgia «Tutarchela» preschenta sias chanzuns preferidas. A chaschun da dus concerts cuminaivels cun il «Vokalensemble incantanti» ed il chor da giuvenils da la Gerorgia «Tutarchela» èn vegnids rimnads giavischs per l'emissiun «Noss chors». Bun divertiment cun la schelta dals giuvenils georgians!