MDR Serbja – druha snědań

Póndźelu zahaji so beachvolleybulowa tura Satkule - prěnje dohlady dźensa dóstanjeće. Nimo toho: móžeš sej na kraju scyła hišće jednorje taksi skazać? Tute prašenje so wotmołwi a tež, što ma z markowym prawom EU na sebi.

Serbske lochkoatletki běchu wuspěšne. Zazběh do pjateho lěta Kulturneje zahrody w Budyšinje je sobotu wjace hač 100 ludźi dožiwiło. Staro-abatisa Benedicta Wawrikec je swoje 88.narodniny swjećiła.

W poslednjej druhej snědani za tutón tydźeń zaběramy so z prašenjom, hač je hudźenje z instrumentom we wěstej měrje sport. Nimo toho předstajimy wam najnowše wuspěchi při lěkowanju ćežkeho raka.

Dźensa na dnju Božeho ćěła zaběramy so z narodnej drastu a smy z prawymi ekspertkami porěčeli. Nimo toho předstajimy wam serbskeho profesora a poběchmy na chórowej probje w Budyšinje.

Smy pobyli w Pozdecach a smy sej tam wobhladali, kak so sački tykaja. Nimo toho smy sej w Čornym Chołmcu chór z nowym mjenom naposkali.

Wo nakupach w interneće, wo NDRskim času w šuli a wo wuznamjenjenju ,,Drasta lěta 2026" dźensa rěčimy.

W Kamjencu su najprjedy raz tola trochu wolóženi - wšako so porodowa stacija najprjedy raz hač do kónca lěta wobchowa. My smy dźensa rano w chorowni swj. Jana pobyli. Wěnujemy pak so tež dalšim temam!

Prjed hač Ralbičanski dworowy wobchod póndźelu wotewrja, smy hižo raz z nakupowanskim korbikom tam pobyli. Swětoznaty spěw "Imagine" Johna Lennona bě so před 55 lětami nahrawał - my so bliže z nim zaběramy.

Zela, kotrež nětko na łukach abo na zahrodźe rostu, tyja našej strowoće - my so dźensa z nimi zaběramy. Pobychmy tež na wčerawšim wurjadnym posedźenju budyskeho wokrjesneho sejmika.

W zwisku z aktualnymi pruwowanjemi je nas zajimowało, kak nastawaja pruwowanske nadawki w serbšćinje. Nimo toho hladamy k susodam, kelko tam jězbna šula płaći a hač móžeš tam jednorje tak pruwowanje za nje złožić.

Swjatki - to je za katolskich Serbow putnikowanje do Róžanta. Za cyłu šwitu serbskich młodostnych pak rěka to na prěni wulki festiwal popoweje a elektroniskeje hudźby. W druhej snědani wěnujemy so woběmaj temomaj.

Gmejnska rada we Worklecach je wčera nadawk za ponowjenje dróhi z Noweje Wjeski do Róžanta přepodała. Techniska uniwersita Drježdźany je pola Nowoslic započała z točenjom dźěry do zemje.

Dźensa mamy zaso aktuelne informacije ze Zhorjelca. Nimo toho nas nowosće Załožboweje rady zajimuja. Koncept LND a digitalizacija.

W Njebjelčicach ma so hač do nazymy nowy wjesnjanosta abo nowa wjesnjanostka wolić. Diana Fryčec-Grimmigowa je sej wulku wuběr rostlinkow w Koćinje wobhladała.

Aktualnosće dla pohladamy dźensa spočatnje do Zhorjelca, hdźeš je so wjaceswójbny dom sypnył. Potom pak wróćo, do Konjec, hdźeš so stary konsum přetwari. A rěčimy tež wo njewšědnych hobbyjach młodostnych - a wo wjedru.

W Jaseńcy su so kapony w spěwanju wubědźowali, tam běchmy za Was naměstnje. Wubědźowali su so tež sportowcy - wuslědki kaž kóždu póndźelu tež zhoniće. A nimo toho słyšiće krótki wurězk z wčerawšeje njedźele.

Předstajimy wam serbske spěwy, kiž lětace stworjenčka tematizuja. W socialnych syćach smy so was prašeli: Štó słuša k serbstwu? Wotmołwy słyšiće w druhej snědani. Z punkanjom so tež zaběramy.

Smy pobyli na posedźenju Njebjelčanskeje gmejnskeje rady, hdźež su wo wjacorych temach diskutowali. Zaběramy so z njewšědnym padustwom - a tež z prašenjom, hač da je meja měsac lubosće.

Słyšimy južno-Korejske zynki a z tym wobraz dalokeje Azije. Pohladamy tež do Pólskeje hdźež bydli po trochowanjach wjace hač 20.000 Romow. A tež w Słonej Boršći smy pobyli.

W Kulowje maja wotnětka energijowy atlas - w druhej snědani zhoniće, što to dokładnje je. Wobhladamy sej po zwučenym wašnju tež sportowe wuslědki kónca tydźenja a słyšiće wurězk z wčerawšeho wusyłanja.

Zjimamy za was zwjazkowy finale "Młodźina trenuje za olympiju" w Berlinje. Tohorunja w Berlinje zeńdu so čłonojo towaršnosće GEMA zo bychu wo nowych směrnicach rozsudźili. Do Bangladesha tež skrótka raz pohladamy.

Damy wam update z Berlina, hdźež Worklečenjo w zwjazkowym finalu "Młodźina trenuje za olympiju" wo dypki wojuja. Smy tež pobyli na fachowym zetkanju wo předšulskim kubłanju w Drježdźanach.

Worklečanska wyša šula je sej z wolejbulowym mustwom U18 do Berlina dojěła - w finalu "Młodźina trenuje za olympiju" hraja přećiwo dobyćerjam z druhich zwjazkowych krajow. Słyšimy tež tróšku comedy a naš rěčny kućik.

Po amokowej jězbje zhubištaj w Lipsku wčera čłowjekaj žiwjenje a tójšto dalšich je so zraniło - my wšitke informacije a začisće zjimamy. Zaběramy pak so tež z Chróšćan kołčom a z rejowanjom.

Čerstwy hromak z pola, lód ze swójskeje mlokarnje a wonka w słóncu na zelenej łuce spokojne howjada - tak wupadaše to wčera w Koćinje, hdźež smy pobyli. Rěčimy pak tež wo wójsku a wobhladamy sej sportowe wuslědki.