LCF Inspirasie Stasie

Anton, Dannha en Willem gesels saam oor die nuwe "Conquer" kursus wat volgende week by LCF gaan begin. As jy meer wil weet oor die kursus voor jy inskryf, gaan luister gerus na hierdie potgooi. Willem praat van 'n skakel in die potgooi, die skakel is, https://manne.lifecf.org/sast

Hierdie week gesels ons met Juhan, Nelmari en Kim oor hulle nuwe planne vir die Tienerbediening die res van die jaar. Hulle nooi ouers uit om hulle tieners aan te spoor om deel te wees van die tienerbediening familie.

Conroy deel met ons sy reis om Salvation Works op die been te bring, en sodoende baie manne weer die hoof broodwinners van hulle huise te maak. As jy wil betrokke raak by enige van hulle bedieninge kontak Conroy by 0726620202

Pierre Ronquest van New Found Generation kom gesels oor hoe sy Nie-Winsgewende Organisasie besig is om tieners en ouers se harte weer by mekaar uit te kry. Hy deel ook met ons wat die slaggate is waarin tieners en ouers trap, wat lei tot verhoudingsbreuk. www.newfoundgeneration.org of skakel Pierre by 0718988851

Anton en Anna-lize gesels verder oor die beloftes van God, en die teleurstelling van as mens op 'n belofte gestaan het, en dit lyk of God nie Sy beloftes nakom nie.

Edwin en Hannah stap al 'n baie lang pad met infertiliteit, en daarna moes hulle 'n kanker pad stap. Deur dit alles sien hulle God se hand, en hoe dit hulle 2 dogtertjies oor hulle pad gebring het. Hannah getuig dat sy dit nie anders sou wou hê nie.

Vandag gesels ons saam met Hanro van Heerden oor of hy gevas het, en wat sy persoonlike verwagting is van die komende Pinkster Sondag. Ons moedig die luisteraars aan om met 'n verwagting na Sondagoggend se diens te kom.

Van die lede van die Street Salvation straatbediening, deel van die getuienisse van genesings en bekerings wat gebeur het, wanneer hulle gaan bid het vir mense op straat. Hierdie getuienisse is bewyse dat God enige iemand kan gebruik. Moenie die een misloop nie. Volg die Inspirasie Stasie ook op Instagram; LCF Inspirasie Stasie

Sharon en Anna-Lize bid saam vir die vaspunte in die laaste week van die 21 Dag Vas en Gebed tydperk. Ons moedig ook almal aan om die Pinksterdiens by te woon, met 'n verwagting.

Vandag gesels Arno oor sy persoonlike ervaring van die 21 Dag Vas en Gebed. Arno sê dat kos nie sy grootste opoffering vir die Here is nie, luister saam.

Ons gesels saam met Anton en Natlie oor die Story of Marriage kursus. Anton en Natlie brei bietjie uit oor wat hulle sien paartjies mee sukkel, en wat die kursus behels.

Natlie en Anna-Lize bid saam oor die vaspunte, vir 'n groter geestelike honger, vir die verlore siele en vir persoonlike uitdagings, wat almal in hierdie tyd het. Bid saam met ons!

Pastoor Anton en Anna-Lize deel bietjie van hulle persoonlike ervaring van die 21 dag vas, en bemoedig almal wat deel is om aan te hou vas!

Jenny vertel haar ongelooflike getuienis, van hoe sy in 'n oomblik vrygekom het van 24 jaar se verslawing. As die Here jou vrymaak is jy waarlik vry!

Dannha en Anna-Lize bid saam met en vir LCF vir 'n groter honger vir God, en vir 'n dieper werking van die Heilige Gees in ons elkeen se lewe. Bid saam met ons.

Hierdie week gesels Chantelle met ons oor die impak van die musiek op die kinders wat haar dansskool bywoon, en hoe sy tot die besef, van die impak van musiek en die woorde van musiek, in haar eie lewe gekom het. Lewer gerus kommentaar in die kommentaar boks.

Hierdie week vertel Zaendre vir ons bietjie van haarself en haar reis met kuns en deel so paar interessante feite oor die Leeu wat sy geskilder het. Die Leeu is te koop en kan besigtig word by www.zeandre.com

Conroy deel sy getuienis met ons, van waar hy kom tot waar hy vandag is in 'n neutedop. Hy het 'n groot getuienis, wat net weereens bewys dat niemand buite God se bereik is nie. Indien jy met Conroy in kontak wil kom kan jy 072 662 0202 skakel.

Friedel gesels oor die Fees van Ongesuurde Brood, waaroor dit gaan, en hoekom ons die fees kan onderhou as Christene. Om die fees te onderhou vloei uit 'n persoonlike oortuiging, sê Friedel. Luister gerus verder.

Hierdie week kyk ons bietjie dieper na die eerste hoofstukke van Job, en hoe ons dit kan deurtrek na swaarkry in ons eie lewe. Job is deur baie trauma, en het steeds aan sy geloof aan God vasgehou. Wat kan ons leer uit Job se gesindheid?

Ons het hierdie week 'n sitkamer gesprek met Ockert van Schalkwyk oor diensbaarheid. Diensbaarheid is 'n weie term wat nie net diens in die kerk insluit nie. Kom raak saam met ons opgewonde oor om God te dien, uit gehoorsaamheid en vir ons Koning alleen.

Vandag vertel Mandy Theron vir ons 'n getuienis van hoe sy reageer het op Heilige Gees se stem en gehoorsaam was, en hoe NET EEN gebed 'n huishouding verander het. *Intussen is Mpho uit die hospitaal ontslaan en gesond.

Ons gesels vandag met Carine Zietsman wat al baie jare lank kunsles gee. Sy vertel ons hoe kuns verander het, en dat kuns nie net meer is wat op 'n "canvass" aangebring word nie. Ons gesels saam oor hoe ons as ouers meer bewus, en betrokke kan wees.

Pastoor Friedel gesels verder oor Sondag wat verby is se preek tema Hidrasie. In hierdie potgooi raak ons prakties oor hoe ons ons geestelike dors moet les. Die Inspirasie Stasie is 'n "potcast" vir mede gelowiges deur mede gelowiges om mekaar te inspireer, en 'n vars perspektief op die lewe en omstandighede te gee.