LADINIA LIVE - Podcast

L'Union di Ladins de Fascia endreza en sabeda ai 30 de otober na raida a Persenon, Neustift e Laion per cognoscer miec la storia del prum e soul Prinz Piscop ladin. En rejonon con Nicoletta Riz vize presidenta de l'Union di Ladins de Fascia e Fabio Chiocchetti che à enrescì dò la fegura de Daniel Zen ence per so liber "I Misteri del Cjaslir". Conduzion Anna Mazzel

Con la fin de otober l'é trei egn che nosc raion, aldò de la tempesta Vaia, é mudà. Co el pa jit inant l svilup di bosć? El pa stat fat lèrga a projec neves con chela de valorizèr l teritorie? L'A.P.T. Val de Fascia, dessema a etres enc, porta dant na lingia de scomenzadives per sensibilizèr sentadins e ghesć sul tema de la natura e de la sostenibilità. N rejonon con Marta Covi de l'A.P.T. Val de...

Co vala pa inant cun l turism dal pont de ududa digitel? Cie nuviteis nes pieta pa l’informatica tl manejamënt dl’atività turistica? L program de gestion Tourist Manager 2.0 pieta na gran sauridanza per i fitamajons y i fitacuatiers. Cunsciderazions y aprufundimënt cun Patrick Stuflesser dl cunsorz turistich Val Gardena Dolomites. Conduzion Leo Senoner

Dal' ann 1991 inca ala survì y survësc dütaurela tles misciuns tla Romania y tla Republica Moldova por daidè persones tla meseria emarginades y mituns rom descriminà che ëi vais a scora y se integrëies tla sozietè. Suor Maria Chiara Ellescosta, monia miscionara de Steyl dla provinzia dl' Austria cunta de süa esperienza. "Daidè va bun" dijera "mo le miù è che les persones se toles la responsabilitè...

L Museo Ladin de Fascia met a jir na scomenzadiva per valorisèr i artisc' fascegn tras l'economia. En sabeda ai 16 de otober presentazion del projet con n confront anter artisc' e operadores economics per lurèr fora la mostres del davegnir adum col Museo Ladin. En rejonon con Sabrina Rasom diretora del Museo Ladin de Fascia, conduzion Anna Mazzel

L Guviern dla Talia à prejëntà si program per la proscima sajon da d’inviern, che prevëij nce la giaurida y l’atività regulera di mplanc portamont. Na mpermetuda che dut l turism da mont tòl su cun gran sodesfazion y fidanza. Cunsciderazions cun Andy Varallo, presidënt dl cunsorz Dolomiti Superski. Conduzion Leo Senoner

Bel da picera, tl cör la vocaziun da gnì miscionara. La formaziun pro les monies miscionaries de Steyl y 30 agn de survisc tles misciuns, suradüt tla Romania por daidè la integraziun di mituns rom discriminà dala sozietè. Suor Maria Chiara Ellecosta, chersciüda sö tla vila de Costa tl Comun da La Val à azetè de cuntè de süa esperiënza de vita y dl spirit dles miscionares de Steyl, la congregaziun...

La sociazion Transdolomites met a jir n trekking do l troi de chel che podessa esser la ferata de la Veisc al scomenz de otober. De chesta desche de autra scomenzadives en rejonon con Massimo Girardi, president de Transdolomites. Conduzion Anna Mazzel

L ie inò y purtruep, n ann de scola che scumëncia tl sëni dla pandemia y cun na lingia de restrizions y limitazions scrites dant. Cheder dla situazion y valutazions cun la ntendënta ala Scoles Ladines dla Provinzia de Bulsan, Edith Ploner. Conduzion Leo Senoner

Le convëgn "ladins plö stersc deboriada", organise dala Regiun Trentin/Südtirol tl ciastel Maretsch a Balsan la jöbia 23 de setëmber,cun la colauraziun di trëi istituc culturai dla Ladinia, va ite sön la situaziun atuala di ladins dal punt de odüda storich, iuridich-aministratif y sozio-cultural. Cun Leander Morder, diretur dl Istitut cultural "micurà de Rü" vagnel presentè y comentè i argumënc dl...

Per l cedean de la bibilioteca de l'ICL de Fascia dedicheda a pare Frumenzio Ghetta vegnarà spilenà "DO L VIÈL DEL SAER - Père Frumenzio vel te dir vèlch". En rejonon con l'ideator e ator David Dorich e la regista Ilaria Chiocchetti. Conduzion Anna Mazzel

Dai 21-26 de setëmber pieta Gherdëina inò n program atratif y nteressant per duc i amanc dl film y dl kino. Dlongia la proiezion de films desferënc, uniral nce te chësta edizion metù a ji doi cuncorsc, l "Luis Trenker Award" y l cuncors per l plu bel film curt. Ntervista cun l diretëur artistich dla Dolomitale, Lukas Pitscheider. Conduzion Leo Senoner

I troes da mont l'é n element fondamental del turism da d'istà che i à da esser rencurè e en segureza. Confront su desvalives sistemes de gestion te noscia valèdes anter la provinzies de Trent, Busan e Belun. Rejonon con Giorgio Dorich conseier de procura tel Comun General de fascia che se cruzia anter l'auter de troes da mont, Fortunato Fletscher president de la Lia da Mont Val Badia e Michele Da...

Cun setëmber giata Gherdëina n preve nuef. Sen. Ivo Costanzi de Urtijëi ie unì numinà dal Vescul Ivo Muser a menè la pluanies de Sëlva y S.Cristina. Conduzion Leo Senoner

La fundazion dla familia Costa de Corvara ie ativa dal 2007 cun proiec de aiut umaniter tl’Africa y tl’Asia. Danter l auter nce tl Afghanistan, n Paej che te chisc dis ie al zënter dl’atenzion politica internaziunela per la tëuta dl pudëi da pert di Talibans. Cunsciderazions cun Elide Mussner, coordinadëura respunsabla dla Costa Family Foundation Onlus. Conduzion Leo Senoner

Bilanz, projec e potenziament de l’ativitedes del Comun General de Fascia. En rejonon col procurador Beppe Detomas, conduzion Anna Mazzel

conduziun Alessandro Dapunt

La pandemia à tocià ence l'artejanat olache mencia lurieranc califiché e padesc del smaorament di priesc de la materies prumes che col bonus 110% su la restruturazions à vedù crescer l lurier. Ghest Richard Pollam president de la sociazion artejegn de Fascia, conduzion Anna Mazzel

Rafael Prugger ie diretëur generel dl cunsorz Tecnoalimenti a Milan y mpenià da 30 ani tla nrescida y inovazion scientifica y tecnologica tl setor agro-alimenter. Conduzion Leo Senoner

En piena sajon da d'istà, tropa jent va a fèr raides sù per noscia monts ma vèlch outa, aldò del catif temp o aldò de zeche che no se aea pervedù, l'é de besegn de domanèr l'intervent del Socors da mont. N rejonon con Stefano Coter, capostazion del Socors da mont Auta Fascia. conduzion Cinzia Pistoia

La Comiscion per la cultura de la parochies de Fascia à endrezà nef apuntamenc che met al zenter la parola e la esperienzes de più persones per descorir endodanef na spiritualità. I segnes lascè da la pandemia, l’Enciclica del Papa su fraternità e amicizia ma ence la fegura de Chiara Lubich e chela de Maria de Nazareth te la Divina Commedia l’é valgugn di argomenc sporc. En rejonon con Cesare Bern...

Dal 1 de aost ponta via la terza edizion del Circen Dolomites Festival, l festival olache artisc' de nonzech del zirco internazionèl porta dant per na setemèna evenc e spetacoi ti posć più maraveousc de noscia monts. N rejonon con Thomas Pederiva de Circensema, l grop che à pissà e endrezà chesta scomenzadiva. Conduzion: Cinzia Pistoia

"Una Ladinia possibile", liber nü de Roland Verra publichè dala Uniun Generela di Ladins cuntëgn na analisa sozio-culturala dla situaziun di ladins coche grup etnich y dl status dl lingaz ladin ala lüm di ultims 30 agn de storia. La proposta de mët a jì n forum interladin por definì na plataforma de aziuns culturales mirades a contrastè la situaziun manaciada dl ladin. Conscideraziuns cun l'autur....

Cun l lëur lessicografich dl diziuner Talian – Ladin de Gherdëina, dat ora dal Istitut culturel Micurà de Rù, vënc Marco Forni l pest leterer naziunel “Salva la tua lingua locale” tla sezion “Premio Tullio De Mauro”. Cunsciderazions cun l autëur Marco Forni y l diretëur dl Istitut Micurà de Rù Leander Moroder. Conduzion Leo Senoner

La DoloMyths Run l'é doventà bèleche na mini Olimpiade dedichèda al corer su per mont te cher de la Dolomites. Chest an dut é vegnù conzentrà tel fin setemena dai 16 ai 18 de messèl: 4 garejedes, passa 1600 atlec da 47 nazions. Fajon n bilanz con Diego Salvador diretor del comitat d'endrez, conduzion Anna Mazzel