LADINIA LIVE - Podcast

Per l 2022 la Conferenza de la Mendranzes de la Provinzia de Trent à smendrà l Fondo per la mendranzes del 20% chest vel dir ence manco ressorses per l Comun General de Fascia che aea cognù enjignèr l Pian Organich dant de saer coluna che fossa stat la ressorses da man de la Provinzia de Trent. De chest e auter en rejonaron col Procurador Beppe Detomas. Conduzion Anna Mazzel

Te chest prum trimester de l'an, l priesc de lum e gas te noscia boletes l ruarà a esser trop più aut de l'an passà. Tel medemo temp, sunsom a la lista del Global Risk Report 2022 - n studie che fèsc na stima sui risesc globai- l'é l cruzie per l davegnir de l'ambient. Fajon lum su chesta doi costions con l diretor del consorzie eletrich de Poza, Dino Detomas. Conduzion Cinzia Pistoia

le 20 de jenà dl 1972, dan da 50 agn, èl jü en forza le secundo statut de autonomia, basa iuridica de livel costituzional por l' autonomia legislativa y les competënzes dles provinzies autonomes de Balsan y de Trënt. Cun le vize-presidënt dla junta provinziala de Balsan Daniel Alfreider, conscideraziuns sön l' autonomia, süa fundamënta storica, l'ancoraje internazional, les batalies por la parific...

L’enejima varianta dl corona virus se slergia ora tla sozietà tucan mpue dut y duc. Cun ciuna cunseguenzes sun l mond dla scola? Ntervista cun la Ntendënta ala Scoles Ladines dla Provinzia de Bulsan Edith Ploner. Conduzion Leo Senoner

L schi alpinism ora di purtois njeniëi toca pra l’esperienzes che for plu jënt priejea y chier. Ma dlongia la belëza y l plajëi de se muever tla natura sulënta, dalonc dal busiamënt turistich, se ascuendel nce risies y pericui da nia sotvalutè. Heidi Rungger de S.Crestina à sperimentà sun si pel cieche l uel dì, ruvè sota na levina. Lecorc y reflescions de na ntraunida aricëula, per fertuna jita o...

Anter la bona intenzions per l'an nef se podessa ence se tor dant de emparèr n lengaz nef o de rejoner miec chel che se sà.... la bombona per chest l'é l liber "Ladin te doi menuc" de Rut Bernardi con si audio lezions sorides e curtes. L liber l'é vegnù dat fora da l'Union di Ladins de Gherdëina. En rejonon con l'autora Rut Bernardi e la presidenta de l'ULG Sofia Stufflesser, conduzion Anna Mazzel

Cun le santù de Santa Guania ai 6 de jenà, festa di trëi resc se rüva les festes da Nadè. In la vëia de Santa Guania vëgnel tignì la benedisciun dl' ega y dl sè. Springè ega santa y sciomentè ciasa y majun doss tignì danciarà mai y desgrazies ia por l'ann. Da Santa Guania pudessel spo gnì la poscignara, la dunacia... N program cun Lois Trebo, espert de usanzes y tradiziuns tla Ladinia. Conduziun A...

La pandemia toca stersciamënter mpue duc i setors dla vita, nscila nce l lëur tl ciamp saniter y de assistënza soziela ala jënt de tëmp. La cëses de paussa ie tuchedes te na maniera mpurtanta y sensibla. Cunsciderazions cun Giovanni Mischi, presidënt dla Ciasa de palsa Ojöp Frëinademetz a San Martin de Tor. Conduzion Leo Senoner

Cun le album nü "Or brüm" è le grup Ganes rovades a so sest Cd de süa carriera: 14 cianties da tröpes variaziuns danter jodleri y pop. Na intervista a Marlene Schuen.

A la fin de l'an tropes l'é la sociazions o istituzions che desc fora n calender per l'an nef. Transdolomites, che se cruzia da egn de mobilità, à dedicà l calender 2022 a la mobilità su ferata con n eie ascort a la mobilità de persones con vèlch empediment uzan fora coscì ence n argoment sozial. En rejonon con Massimo Girardi president de Transdolomites, conduzion Anna Mazzel

Ladinia Live en compagnia dles cianties d' advënt y da nade che le grup musical -cor jonil Kyrios de Badia à imparè ite, registrè y mët a disposiziun de düc ince sön internet (cun video sön youtube y facebook). I kyrios metüs sö tl' ann 1973 pur scumenciativa de Siur Iaco Ploner por portè ite la musiga di jogn tla vita de dlijia è n grup musical dër aprijè che à salpü tres da se renovè ince deache...

La disposizions strëntes dla Union Europeica n cont dla sanità y dl bënstè di tieres toca da daujin nce la realtà di paures de nosc raion. Te cie mesura y co nfluenzea pa chësta normatives la vita y l lëur sun nosc luesc da paur ? Cunsciderazions cun l assessëur regiunel ladin Manfred Vallazza. Conduzion Leo Senoner

Sciöche vigni ann vëgnel metü a jì tl Südtirol na operette tl temp incer Nadè. Chësc ann ele söl program "Wiener Blut", olache al è ince la ciantarina da Al Plan Sofia Pisching da aldì. Conduziun Esther Videsott

"Fora!" l'é l'inom del projet lurà fora dal grop J4J joegn per la jent. L se trata de n jech particolèr olache i jadores vegn serè ite te na cambra e i à 1 ora de temp per fèr fora endoins e fruzeles e poder endò jir fora. De chesta scomenzadiva curiousa e enteressanta ne contarà de più i organisadores, conduzion Anna Mazzel

I Kyrios de Badia, grup musical y cor jonil à tut sö cianties d'advënt y da nadè nöies por ladin, ingleje y tudësch che vëgn man man publicades vigni dumënia d'advënt incina nadè online tla plataforma de video youtube. Elvis Burchia, che è presidënt di Kyrios dal'ann 2020 inca, cunta dl mesaje che i Kyrios ò trasmët cun sües produziuns. N grup nasciü tl ann 1973 che à salpü tres da se renovè y mot...

Na grupa de Gherdëina che fej pert dla lia provinziela de aiut contra l crëibes (“Sùdtiroler Krebshilfe”) à nvià via n servisc de trasport per i amalei de tumor, che muessa fè si terapies ti spediei dla Provinzia. Ntervista cun Tonin Perathoner, respunsabl dla grupa. Conduzion Leo Senoner

Da stëmber inant à le jonn Andrea Tasser surantut l cor dl Dom da Porsenù. Adöm cun sües atres inciaries tl Vinzentinum è la musiga al zënter de süa vita da vigni dè. Conduziun Esther Videsott

L pian de politica linguistica e culturala del Comun General de Fascia per l an 2022 anter l'auter met dant produzions video neves, n software per la traduzions aministratives e per l'Aisciuda Ladina l'é vegnù chierì fora l'argoment "Azes a la oportunitèdes". En rejonon con Evelyn Bortolotti responsabola de l'Ufize Servijies culturai e linguistics del Comun General de Fascia, conduzion Anna Mazzel

Do la sajon ie dan la sajon … L ne n’ie nia passà truep tëmp da canche ie fineda l'atività dl instà, che l Aiut Alpin Dolomites pënsa bel al proscimo inviern. Resumè dl'atività stata y pensieres per la sajon che scumëncia, purtruep inò tl sëni dla pandemia. Ntervista cun Hubert Moroder, diretëur tecnich dl Aiut Alpin Dolomites. Conduzion Leo Senoner

La pandemia mët inò a risch l turism da d’inviern te nosta valedes. A puec dis dala giaurida, pudëssl unì a sl dè restrizions y nchinamei stlutes che cundiziunea duta l’economia de nosc raion. Cunsciderazions cun Andreas Schenk, presidënt dl cunsorz di mplanc portamont de Gherdëina y Mont Sëuc. Conduzion Leo Senoner

Armin Chiocchetti fesc n dotorat de enrescida su la letradura hindi a l’Università de Uppsala te la Svezia olache l vif da zirca 10 egn. Na letradura de denunzia e critica su la situazion sozio-economica de l’India che i lo à ispirà ence per na contìa che è vegnuda publicheda te so liber “L Segnor de Dolèda e autra contìes". Na ciacolèda col joegn linguist, conduzion de Anna Mazzel

Denni Dorigo, raprejentant di trëi comuns de Suramunt - Fodom, Col y Anpezo - pro le cunsëi di comuns dl Euregio cunta dla importanza dal punt de odüda simbolich mo ince pratich suradüt por i jogn di trëi comuns ladins de avëi na curnisc de riferimënt identitara tl Euregio tiroleja cun la poscibilitè de to pert ales scuminciatives culturales y formatives che vëgn organisades te chësc contest. Süa...

Tres n conzert particolèr olache i museconc doventa ence atores vegnarà portà dant "Sonon e conton noscia storia: Mosaich 200 egn de Mùsega". Te chela ocajion ai 13 de november alò da teater Navalge a Moena vegnarà presenta ence l CD nef. En rejonon con Serena Pederiva e Lara Trottner, conduzion Anna Mazzel

A Müstair tla Svizera iel stat n'ancunteda dla comuniteis de mendranza linguistica y culturela dl'Europa. Per i Ladins dla Dolomites àl partezipà na delegazion dla Union Generela. Cunsciderazions de Roland Verra. Conduzion Leo Senoner

Le paisc de Badia pò bëgn gnì consciderè le zënter religius-mistich dla Val Badia, cun i dui santuars de Oies, olache al è nasciü Sant Ujöp Freinademetz y dla dlijia da La Crusc a 2000 metri d'altëza. Mo i urun descurì la dlijia dl paisc - ince sënta dl decanat - dedicada a San Linert y San Iaco, che è n iuvel rich de storia y de ert. Na documentaziun de Lois Trebo. Program de Alessandro Dapunt.