KulturSharea

Eztena arte eszenikoen jaialdia Errenteriako kaleetara aterako da aurtengo edizioan. Hiru egunetan zehar ikuskizunak, performanc kolektiboak eta astean zehar antolatu diren tailerren erakustaldiak ikusi ahal izango dira. Emanaldi guztiak herriko kaleetan eta agertokietan egingo dira, hala nola, Gamon Zumardian, Lekuona Fabrikan, Niessen kulturgunean eta erdiguneko kaleetan.

Nerea Balda idazleak ‘Azpimarrak’ eleberria plazaratu du

Euskaldunen jatorria, historia ta irria dugu Ion Martinez Txikiren azken ikuskizuna, duela egun batzuk estreinatu zuen Donostiako Tabakaleran, Poltsiko antzerkia jaialdiaren barruan.

Euskaldunen jatorria, historia ta irria dugu Ion Martinez Txiki-ren azken antzezlana, duela egun batzuk estreinatu zuen Donostiako Tabakaleran, Poltsiko Antzerkia jaialdiaren barruan. Donostiarrak, 20 urte pasatxo agertokietan egon ostean, hauetatik jaistea erabaki du behin betiko, halaxe iragarri zuen igandeko estreinaldian. Obra berriarekin bira egin ondoren utziko ditu eszenatokiak komikoak.

Euskal Herriko mintzalagunen festa nagusia egingo da maiatzaren 27an, Donostian. Aurten bigarren urtez jarraian, mundu osoko kideekin hartu-emana izango da San Telmo museoako elizan egingo den Mintzodromoan. Hortaz, munduko Mintzalagun eta euskaltzale guztiei dei egin nahi izan diete antolatzaileek.

Maiatzaren 6an abiatuko da Señora Sariketaren hirugarren edizioa. Bilbon eta Erratzun izango dira kanporaketak eta finala maiatzaren 27an jokatuko da Oñatin. Guztira, hamabi bertsolarik hartuko dute parte, emakumeen eta hegemonikoak ez diren gainontzeko genero identitateen ikusgarritasuna bilatzen duen lagunarteko txapelketa honetan.

Thusiak eta Piszifaktoria Ideien Laborategiak ‘Hau ez da gerra bat’ antzezlana estreinatuko dute maiatzaren 10ean, Gasteizen. Estreinaldia baino lehen Bunker, antzezlanaren hitzaurre bat izango dena, taularatuko dute Gasteizko Hibridalab zentroan. Ekimen honek antzezlanean kontatzen diren istorioak osatzeko eta pertsonaiak sakonago ezagutzeko balioko du.

Lekuona Fabrika ezagutzeko bisita gidatuak jarriko dira abian apirilaren 22tik aurrera. Dejabu antzerki Konpainia eta Mmej arkitektura bulegoa aritu dira elkarlanean proposamen honen diseinurako, arte eszenikoak eta arkitektura elkarrizketan jartzeko nahiak bultzatuta.

Haizea Cosgaya izan da Kaixomaitia.eus Kontaketa Erotikoen hirugarren lehiaketaren irabazlea ‘Hats Lurrina’ ipuinarekin. Zigor Saizar izan da bigarren sailkatua Urbasako Dama kontaketarekin eta aurten ere, hirugarren postua lortu du Ernesto Prat Urzainkik Distopia Bertikala lanarekin.

Bidasoko Euskara eta Kulturaren azokarako proiektuak aurkezteko epea zabalik da. Azokak euskararen erabileran eta transmisioan eragiten duten arlo desberdinetako proiektuen erakusleihoa izatea du asmo. Proiektuak aurkezteko epea apirilaren 14ra arte egongo da zabalik. Azoka maiatzaren 6an egingo da beran.

‘ZirTok’ umore errimatuaren lehiaketa antolatu dute TikTok sare sozialean. Lehiaketan parte hartu nahi dutenek apirilaren 1etik aurrera izango dute euren bideoak TikTok-era igotzeko aukera, izan banaka, binaka edo taldeka eta umore errimatuko bideo laburrak izan beharko direla nabarmendu dute antolatzaileek.

Doinuele, euskara hutsezko plazen sarea jaio da. Itzaletik ikusgarritasunera ekarri nahi dituzte plazak, urtean zehar euskal irakurle eta musika zaleari ibilbide bat proposatuz Euskal Herrian barna, euskara hutsez egiten diren ekimenak isolatuak ez direla erakutsi eta elkarri josiz haiek indartzeko.

Gabriel Aresti gogoratzeko egun osoko egitaraua prestatu dute Bilbon

Euskarazko pelikularik ikusiena izan da ‘Irati’ bere estreinaldian. Guztira, 112 kopia banatu dituzte Estatu espainiarrean, erdiak baino gehiago jatorrizko bertsioan, euskaraz, proiektatu dira.

Iñaki Irasizabalek ‘ Otsoa etorriko da’ eleberri laburra kaleratu du. Idazle durangarrak genero beltzera jo du berriro ere liburu hau ontzeko

Nerea Ibarzabalek eta Higinia Garayk ‘Jakelinen egunerokoa’ aurkeztu dute. Kimu ipuin bildumaren argitalpen berria da honakoa eta Ikaselkar hezkuntza-argitaletxearen eskutik ikusi du argia.

Bertsozale Elkarteak urteko bertso bilduma paperean kaleratuko du aurtengoan ere. Bertako kideek nabarmendu dutenek bazkideek doan eskuratu dezakete bilduma jada. Horretarako, www.bertsozale.eus atarian argitaratutako formularioa bete beharko da otsailaren 13a baino lehen, eta Bapatean 2022 etxean jaso nahi dela adierazi.

Jexuxmai Lopetegik ‘Ez da horren sinplea’ diskoa kaleratu du. Zarauzko musikariak Mikel Lazkano eta Harkaitz Canorekin batera aurkeztuko du bere azken lana gaur arratsaldean Garoa liburu-dendan.

Anje Duhaldek ‘Muga bat beti hor’ kanta eta bideoklipa aurkeztu ditu. Xabier Amurizaren hitzekin sortu du musika Arrangoitzeko kantariak berak, eta puntako hainbat musikari bidelagun dituela aurkeztu du abestiaren bideoklipa.

Lutxo Egiak eta Iñigo Cobok irabazi dituzte XX. Cafe Bar Bilbao Teatro Laburreko sariak. Denetara 18 gidoi jaso dituzte edizio honetan. Hauetatik zortzi euskaraz izan dira. Antolatzaileen arabera, aukeraketa zaila izan da aurkeztutako gidoien kalitate onagatik.

Maurizia Aldeiturriaga oinarri duen ‘Aire!’ dokumentalerako diru bilketa kanpaina azken txanpan sartu da. Crowdfunding kanpaina urtarrilaren 17an amaituko da filma aurtengo maiatzean estreinatzea aurreikusten dute.

Loraldiak euskarazko sormen digital beka berrian izena emateko epea ireki du. Bi dira deialdi honen helburuak: euskarazko sorkuntza digitala sustatzea eta sortzaile digitalen lana ezagutzera ematea eta ingurune digitalean euskarazko eduki gehiago egoteko aukera eskaintzea.

Errenteriako Jantziaren zentroak Eulalia Abaitua argazkilaria omentzeko asmoz, ‘Baserritarrak’ erakusketa zabaldu du. Erakusketa Kapitain-etxearen sarreran kokatu dute eta bertan hamasei jantzi daude ikusgai, guztiak erreprodukzioak dira.

Dena prest da igandeko Bertsolari Txapelketa Nagusiko finalerako. 13.000 lagunek jarraituko dute finala bertatik bertara. Iganderako sailkatu diren zortzi bertsolariak Aitor Mendiluze, Alaia Martin, Amets Arzallus, Beñat Gaztelumendi, Joanes Illarregi, Maialen Lujanbio, Nerea Ibarzabal eta Sustrai Colina dira.

Euskalgintzaren Kontseiluak Idurre Eskisabel idazkari nagusi berria izango dela iragarri du. 12 urteko ibilbidearen ondoren, Paul Bilbao ordezkatuko du Kontseiluko ardura nagusienean. Abenduaren 6an Durangon irudikatuko da kargu hartzea, erakundearen 25. urteurreneko ekitaldian.