Kompas

KRAGKAMP - Episode 6: Die deelnemers begin met die derde uitdaging, kook en kombuisetiket. Arehan Brand en Mar-li van der Merwe kry ‘n resep by RSG se Martelize Brink, en sy deel ook wenke om te verseker dat jy skoon en netjies in die kombuis werk.

Arehan Brand gesels met André Louw, ‘n geskiedenis-vakadviseur by die Kaapse Wynland Onderwysdistrik, oor die inhoud van vraestelle, hoe om die opstel- en brongebaseerde vrae te beantwoord, en die algemene foute wat leerders soms maak.

Arehan Brand gesels met Lynn Kruger, ‘n Godsdiensstudie-onderwyser aan die Hoërskool Elswood, en Ethan Carolus van Hoërskool Bishop Lavis, oor hierdie vak se twee eindeksamenvraestelle. Hulle bespreek belangrike konsepte, temas en inhoud.

Oktober is Borskanker-bewusmakingmaand. Chrislynn Sias gesels met Debbie Gebhardt oor hulle niewinsgewende organisasie, Check Now, Prevent, en die innoverende manier om jou te herinner om jou borste te ondersoek. Rodney Goliath, beter bekend as Rotas the Rapper, gooi weer ‘n rymkletsdraai om te vertel van sy nuwe mixtape.

Craig besit sy eie haarsalon aan die Wesrand. Hy vertel hoe wonderlik sy werk is, en motiveer jongmense om hard te werk. Hy gesels oor hoe hy sy besigheid en gesinslewe balanseer.

KRAGKAMP - Episode 5: Die deelnemers vertel hoe hulle voel noudat hulle weet dat daar punte op die spel is met elke uitdaging. Arehan Brand en Mar-li van der Merwe vind uit of enigiemand al strategies begin beplan, en die laaste vier deelnemers se mode-en-stileringsuitrustings word deur Marciel Hopkins bepunt.

Mar-li van der Merwe gesels met Alexa van Wyk, vakadviseur vir Wiskundige Geletterdheid in die Wes-Kaap, oor belangrike aspekte wat matrieks sal help met hulle voorbereiding vir die eindeksamen.

Arehan Brand gesels met Pieter Kirsten, vakadviseur vir Natuurwetenskap en Tegnologie by die Wes-Kaapse Onderwysdepartement, oor klaskamerbestuur. Hy verduidelik hoe om die onderwysproses in die klaskamer meer kreatief en aangenaam te maak vir leerders.

Arehan Brand gesels met Natasha Swart van Kathu in die Noord-Kaap oor haar studies in veeartsenykunde en diereversorging. Sanet Badenhorst gesels ook oor haar passie vir digkuns, skryf en kitaarspeel, en haar besluit om op 27 haar Wiskunde te verbeter.

Juandre Visser, ‘n graad 11-leerder,  presteer op alle vlakke – kultuur, sport en akademie. Hy is ook onderhoofseun vir 2023. Juandre gee wenke aan leerders om hulleself te motiveer vir die pylvak van die jaar. Hy gesels ook oor tydsbestuur, en hoe dit jou kan help om gemotiveerd te bly.

KRAGKAMP - Episode 4: Arehan Brand en Mar-li van der Merwe gee die tweede uitdaging aan die deelnemers – mode en stilering. Voormalige Mej. SA-finalis en Boer Soek ‘n Vrou-aanbieder, Marciel Hopkins, gee raad en terugvoer aan die deelnemers oor die uitdaging.

Mar-li van der Merwe gesels met Glen Samaai, adjunkhoof-onderwyskundige vir Geografie in die Wes-Kaap en skrywer van Graad 10-12 handboeke, om leerders goed toe te rus met die nodige inligting en vaardighede ter voorbereiding van die eksamen. Hortoloog en grondkundige Enzo Jansen vertel wat sy beroep behels.

Arehan Brand gesels met Ismail Taladia van die Wes-Kaapse Onderwysdepartement, wat werksaam met die vakke, Lewensoriëntering en Lewensvaardighede. Hy deel wenke oor die praktyk van selfgereguleerde en gemengde leer, en hoe leerders dit tot hulle voordeel kan benut vir eksamenvoorbereiding.

Candice Baron deel haar gesondheidsreis met servikale kanker, en Glenda Tutt vertel van die gebruik van menstruaiebekers.

Top Dogs is ‘n landswye nie-winsgewende organisasie wat honde oplei om terapiehonde te wees. Hulle gebruik die honde in hospitale, ouetehuise en kinderhuise, en selfs universiteite om die studente se stresvlakke te verlaag.

KRAGKAMP - Episode 3: Arehan Brand en Mar-li van der Merwe gee die eerste uitdaging aan die deelnemers. Die bekende Suidooster-akteur en sosiale media boffin, Dean John Smith, gee raad oor selfbemarking, en assesseer ook elke deelnemer se vordering. Wie sal die mas opkom, en wie gaan faal?

Mar-li van der Merwe gesels met Keenan Moses, vakadviseur vir Rekeningkunde in die Wes-Kaap, oor wat Matrieks kan verwag in die eksamen. Lohandi Whitmore, ‘n geoktrooieerde rekenmeester, vertel wat haar beroep behels.

Arehan Brand gesels met drie leerders aan die Hoërskool Durbanville wat onlangs vir die eerste keer die Suidstreek Afriforum se Dink of Sink-debatskompetisie gewen het. Anne-ne Venter, Megan Lourens en Jacobus Smuts vertel van hierdie prestasie, en die landsfinaal wat voorlê in Oktober.

September is bewusmakingsmaak oor polisistiese ovariale sindroom. Marlise September, ‘n neonatale verpleegster, vertel van die siekte en deel haar eie reis met endometriose. Ivor Swartz, ‘n motiveringsspreker en televisieaanbieder, praat oor geestesgesondheid, veral depressie onder mans.

TikTok is die gewildste sosiale mediaplatvorm onder jongmense. Mart-Leen Oosthuizen gesels met Jezelle Catherine, ‘n Suid-Afrikaanse TikTok-ster wat 7,5 miljoen volgers het. Hoe is die lewe van ‘n TikTok-ster?

Episode 2 van RSG se tiener-realiteitsreeks, KRAGKAMP. Arehan Brand & Mar-li van der Merwe stel jou aan die volgende groep deelnemers bekend wat hul vaardighede en kragte wil slyp. Is die volgende tienerheld in hierdie groep? Hulle is Lisa Maree (14) van die Hoërskool Outeniqua, Solakha Noyi (15) aan die Hoërskool Wittedrift in Plettenbergbaai, Jody Lackay (15) aan die Hoërskool Wellington, en Lua...

Athina Jansen gesels met Wendy Solomons, Toerisme-vakadviseur in die Wes-Kaap, oor wat Matrieks kan verwag in die eindeksamen.

Mar-li van der Merwe gesels met Mathilda Botha, die senior-kurrikulumbeplanner vir Kodering en Robotika in die grondslagfase in die Wes-Kaap, oor hoe om rekenaargeletterdheid by jong leerders te ontwikkel.

Is jou liggaam gereed vir die somer? Die warm seisoen is vinnig besig om ons te bekruip, en nou is die perfekte tyd om jou kop, liggaam en kas skoon te kry! Hoeveel oefening is genoeg, en hoe neem ‘n mens volhoubare gesonde eetgewoontes aan?

Roman is ‘n jong onderwyser wat vyf jaar lank in China skoolgehou het om studielenings af te betaal. WHy vertel van sy avonture daar.