Bitola my birthplace - Битола мој роден крај

Географски и традиционално битолската чаршија гравитирала кон втората голема црква во градот, "Св. Богородица".

Ако има место каде што егзотичниот културолошки ракопис на Османлиите е особено видлив, тоа е Битола. Град што изобилува со културно наследство од тој период во форма на џамии и безистени.

Црквата Св "Димитрија" има искучително долга историја, а иконостасот во овој храм се смета за ремек-дело на македонската копаничарска традиција.

Хераклеја Линкестис беше важен римски град кој го поврзувал Константинопол со Рим. Денеска не потсетува дека многу генерации живееле од тогаш и дека се е минливо, вели историчарот на уметност и археолог, д-р Роберт Михајловски, од Мелбурн.

Низ вековите на нејзините сокаци никнувале најубавите како од чипка везени неокасични градби, одекнувале шопеновите сонати и балски рефрени, вревеле возбудените играчи на бељот, шушкале фустаните на далеку прочуените битолски убавици...

Неколку децении по заминувањето од Битола, двајца родени битолчани се навраќаат на овој чудесен град, за овој пат да го видат со очи на странци и одново да паднат на шармот на оваа неокласична македонска убавица. Внимателно еден по еден ги откриваат напластените историски и духовните слоеви на старомодната дама со раскошен дух, што од антика до денес, крие низа археолошки тајни.