Züri Podcast Derby

Nach de lange Natipause bhaltet de FCZ gäge de Meister Thun drü Pünkt im Letzigrund. GC verlüürt am Tag druf am gliiche Ort 0:2 gäge de Meisterkandidat YB. Mir redet über d'Spiel und über die bevorstehend Cuprundi. Und mir fröged eus, was de neu GC-Trainer taugt.

Starche Start, vill Ballbsitz – und trotzdem nur es 1:1 in Sion. Warum de FCZ us über ere Stund Überzahl z wenig macht und sini Flankene im Niemandsland landed. GC gaht gliichziitig in Luzern 1:5 under und entlaht zum Wuchestart de Zeidler. Wer tritt sini Nachfolg a? Das und meh diskutieremer ide hütige Folg.

Mir händ drü Spiel zum Bespräche – und mached das i aller Herrgottsfrüehni a dem Mittwochmorge. De Michel hät drum rhetorisch Schwierigkeite und de "Juan de Alcudia" isch frisch zrugg us de Ferie. Da verdaut sich au die Niederlag am Vortag grad es bitz liechter.

GC spielt über wiiti Strecke s’bessere Derby, vergit aber Chance um Chance. De FCZ macht us wenig viel, gaht zweimal in Füehrig und schafft’s trotzdem nöd, de Sieg über d’Ziit z’rette. Mir reded über en überragende Sämi Krasniqi, dä Hack im Totalusfall-Modus und dä Doron Lichtenstein zwüsche Talent und Übermuet – und natürlich über die entscheidendi Frag: Hät GC zwei Pünkt verlore oder de FCZ zwei...

De FCZ verlürt gege YB 2:4, zeigt aber gueti Ansätz – vor allem im Mittelfeld. Hine und vorne fehlt aber massiv Qualität. GC holt gege St. Galle de ersti Saisonsieg und chunnt mit Ruggewind is Derby. Usserdem: Perea isch suspendiert, de Fazliji-Transfer platzt, de Comenencia bliibt – aber bi GC wird de Kader no chli usgmistet. Und jetzt s’Derby. Mir händ kei Ahnig, was passiert.

De FCZ holt sich in Lausanne en wilde 3:2-Sieg. Dä Umeh rennt mit de Kadenz vonere Nähmaschine zum Siegtreffer, während eus d’Defensive trotz drü Pünkt wieder einiges zum Diskutiere git. Usserdem Transferbewegig: dä Comenencia vor em Abgang zu Brest, Betim Fazliji neu bim FCZ – und generell d’Frag, was mit es paar Batzeli meh uf em Transfermarkt eigentlich möglich wär. Bi GC wird’s weniger lustig:...

De FCZ verlürt de Klassiker im Letzigrund mit 1:2 gäge Basel – und natürlich git’s nach dere Partie meh als gnueg zum Diskutiere. Mir reded über de früeh FCZ-Füehrigstreffer, de Check vo Malachowski gäge dä Kamberi, de VAR-Penalty nach em Hack-Zupfer und de vermeintlichi FCZ-Elfer i de Nachspielziit. Aber Achtung: es baasleret diesmal überdurchschnittlich oft. Jetzt inelose.

GC macht gege Regensdorf churze Prozess und günnt erwartigsgmäss mit 5:0 gäge Club mit 5 Ligene unterschied. De FCZ muess sich gege Tugge dütlich meh bemüehe und rettet es 2:1 über d’Ziit. Tugge spielt 3 Ligene tüüfer als Züri. Mir reded über die Cup-Uftritt, über die drü Zuezüg bi GC und de einti Abgang bim FCZ sowie die usbliibende Transfers. Und wie immer: Zürcher Fuessball, zwei Meinige und gn...

Euse Podcast wird wieder zur Therapiestund. D'Grasshoppers verlüred gege Servette mit 2:1. Es isch aber nöd alles so schlecht wie de Rase i de Romandie: GC zeigt gueti Ahsätz und spielerisch Fortschritt. Pünkt gits defür trotzdem nöd – und gfühlt simmer scho wieder zmitzt im Abstiegskampf. De FCZ wird in Lugano vo de Bianconeri grad mit 5:0 deklassiert. Viel Chance het mer nöd gha und au bim F...

De FCZ holt sich zum 130. Bestehe mit em 2:1 gege Servette de erscht Saisonsieg. Spielerisch isch no längst nöd alles rund gloffe, aber Marcel Koller rüttlet sini Mannschaft i de Pause wach und wechslet mitem Spadanuda und Bangoura schliesslich de Sieg ii. Mir reded über d'Energie vode Teams, de Spielverlauf und d'Leistig vo einzelne Spieler. GC führt gege Lugano zur Pause no mit 1:0 – und verlürt...

D'Summerpause isch verbii – endlich wieder Clubfuessball! ⚽ Mir sind zrugg mit de erste Folg vo de neue Saison und redet über d'Saisonstarts vo de beide Zürcher Clubs. GC holt zum Auftakt en Punkt, während de FCZ nach ere guete Leistig in Sanggallä am Schluss 2:1 verlüürt. Mir redet über eusi erste Iidrück vode beide Teams und redet über Transfergerücht und News. 🎙️ Züri Podcast Derby gaht i die...

Für d’Schwiizer Nati isch hüt s’ganze Land früeh ufgstande: Public Viewings voll, Kafimaschinenä am Aschlag und au de Jan und de Michel händ direkt nach em Nati-Sieg ufgnoh. Mir reded über de souveräni 2:0-Erfolg gege Algerie, über eusi Schwiizer Fussballkünstler, Manzambi, Ndoye, Embolo & Co. und ordned ii, warum die Nati plötzlich richtig turnierriif würkt. Usserdem lueged mir uf d’WM allgem...

Mir lueged mit de Züri-Brülle uf d'WM. D'Schwiizer Nati lieferet Gspröchsstoff und mir läbed d'Emotione vode WM im Public Viewing. Nachem Sieg gege Kanada und em Gruppesieg, teiled mir Gedanke zu Schwachstelle und Stärchene vode Nati a dere Wältmeischterschaft. De Michi Frey verlaht GC trotz Vertrag und de Perea weckt Interesse bimene griechische Verein, wo am FCZ wohl nöd gnueg Ablösi...

Obwohl de FCZ hüt id Saison gstartet isch, isch bi beidne Zürcher Verein Summerpause-Vibe agseit. Kei Transfernews, kei Kandidate wo mer will verpflichte und au suscht nöd so viel Neus. D'GC-Community spielt eus defür es paar überraschendi Spieler-Potential ine und de FCZ staht wohl churz vorem Tsawa-Verchauf. Während d'WM in vollem Gange isch, ruumt d'FCZ U19 de Schwiizer Meistertitel...

D’Saison 25/26 isch dure – und de Zürcher Fuessball het meh Frage als Antworte glieferet. FCZ im Umbruch, GC im Überlebensmodus. De FCZ landet uf Rang 10, hät im Winter en Totalumbruch vollzoge und startet jetzt mit em Marcel Koller in en neue Abschnitt. GC rettet sich zum dritte Mal in Serie über d’Barrage und hofft mit em Peter Zeidler uf meh Normalität. Mir lueged zrugg uf Trainerwechsel, Kader...

Alle guten Dinge sind Drei - GC rettet sich i de dritte Barrage in Folg! Mit em 2:1 nach Verlängerig gege Aarau bliibed d’Hoppers erstklassig. Mir reded über en wilde Barrage-Abig mit Zvonarek-Führig, Filet-Traumgoal, Lee-Rot, Obexer-Kick, Abrashi in Vampir-Optik, Ngom-Penalty und eme Letzigrund, wo für GC-Verhältniss richtig voll gsi isch. Usserdem thematisieremer e neue Initiative "Vo Hoppe...

Zum reguläre Saisonfinale git’s im Zürcher Fuessball nomal gnueg Stoff: GC überrascht in Lausanne mit ere stark verjüngte Mannschaft, holt en 3:1-Sieg und tankt vor de Barrage immerhin chli Selbstvertraue und schont Stammchräft. En Muetmacher für hüt Abig, wo sich erstmals zeige wird, ob die Rechnig für GC chan ufgah. Bim FCZ staht gliichziitig s'Abschiedsspiel vom Yanick Brecher im Zentrum. N...

Am 37. Spieltag gahts für d'Hoppers namal um alles. Es Unentschiede langed zum d'Barrage sichere aber es chunt anderst. Das Spiel wird zur Achterbahn der Gefühle wo de Michel und Jan live im Letzi erlebed. De FCZ het d'Saison gfühlt scho abgschlosse und freut sich uf d'Summerferie. S'Gliiche gilt für de FC Luzern - das Spiel haut niemert us de Socke und d'Niederlag interess...

Euse Podcast als perfekti Matchvorbereitig für hüt Abig: Mir lueged zrugg ufs Zürcher Derby vom Weekend, wo vor beeidruckender Kulisse im Letzigrund stattgfunde hät. FCZ-Sieg, GC-Frust, Derby-Wahnsinn und es Stadion, wo wieder emal komplett uf Betriebstemperatur gsi isch. Und mir stimmed eu ih uf die heissi Schlussphase vo dere Saison: No zwei Spiel — de FCZ schiebt jetzt ä ruhigi Chuglä und GC be...

D'Grasshoppers überrasched nöd und verlüred mit 0:2 geg Servette. De FCZ chunt nöd über es 2:2 geg Winti und de Zürcher Fuessball macht momentan eifach kei Freud. Bi GC gits unglaublich viel Baustelle, nöd nur ufem Platz sondern im gsamte Konstrukt vo de GFAG. Eh Challenge League tauglichi Leistig - und das sit Mönet! De FCZ schaffts nöd sich ih de Tabelle abzsetze und mir bespreched, welli Sp...

Bim FCZ startet d'Amtsziit vom Carlos Bernegger mit eme Totalabsturz. Vor em Spiel seit de Interimstrainer, de FCZ stöchi im Vordergrund – und stellt denn so drastisch um, als müesst er sich selber es Denkmal setze. Brecher zrugg im Goal, Tsawa als Rechtsverteidiger, Kény irgendwo zwüsche Zehner und Offensivexperiment, Hack komplett dusse und Vujevic ine. Nach 21 Minute isch s'Spiel prakti...

De Grasshopper Club verspielt vor respektable 4'000 eigene Fans uf de Lausanner Pontaise d'Chance uf de Cupfinal. Ufem extra defür produzierte Cup-Pulli chan mer jetzt e 2:0-Niederlag gege de Unterklassig iiträge lah. Puri Frustration bi GC und sine Ahänger nach ere indiskutable Leistig. Beunruhigendi Vorzeiche au für die wahrschinlich bevorstehend Barrage. Bim FC Züri zieht mer d'Riss...

De letscht Spieltag vo de Regular Season 2025/2026 gaht id Gschicht ih - zumindest für de Gernot Messner wo sin erste Sieg als Cheftrainer chan fiire und sich nach Schlusspfiff vo de Fotografe au dementsprechend ablichte laht. Bim FCZ hingege isch nur am Dennis Hediger sis Hemd gspannt, de ganz Rest ufm Platz isch müed und schlaff. Mir reded wie immer über eusi beide Teams und wunderet eus über di...

Ostermäntig, 22 Grad und Sunneschii. Es git nöd viel, wo eim jetzt no d'Stimmig cha vermiese - usser du bisch GC oder FCZ Fan. Zum Glück gits au scho vorem Stadion Bier. GC spielt en desolate Fuessball und de Alain Sutter machts mitm Esel-Verglich nur no schlimmer. De FCZ grundsätzlich stabil und mit guete Ahsätz, findet aber sin Meister ide starche Ostschwiizer. Mi reded über de nächsti Kader...

D'Jubiläumsfolg vom Züri Podcast Derby Kei Niederlage für d'Zürcher Fuessballvereine. Dank Natipause. GC zelebriert sich scho als Cupfinalist und de FCZ gewährt 200 Freispiel, leider aber nöd im Stadion. Mir lueged no chli ufd Nati wiiteri Internationali Begegnige und au de Jan hät jetzt langsam aber sicher au chli Vorfreud ufd WM.