On the Record - Reporter.lu

D’Lëtzebueger Politik gëtt aktuell vu globalen Krisen bestëmmt: Pandemie, Ukrainkrich an hir Dominoeffekter wei Inflatioun, an héigen Energiepräisser. Wéien Effekt hunn esou Dauerkrisen op eng Demokratie? Doriwwer huet sech d'Isabel Scott mam Christoph Bumb, Chefredakter vu Reporter.lu, ënnerhalen.

D'Luxair stécht an enger déiwer Kris. Grond dofir ass net just d'Pandemie: d'Airline ass säit Joren an enger schwiereger finanzieller Situatioun. Dozou kennt en ugespaant Verhältnis tëscht Personal an Direktioun. Dorëms geet et an der neier Episod vun "On the Record".

Lëtzebuerg kritt eng nei Strategie fir seng humanitär Hëllef, a well sech doduerch un d’Realitéit vun den Dauerkrisen an der Welt upassen. Firwat déi Approche am ONG-Beräich net onëmstridden ass: Doriwwer geet et an der neier Episod vu Reporter „On the Record“.

Steieren a Gerechtegkeet wäerten e wichtege Sujet bei de Walen 2023 sinn. Am Juli hunn sech d'Parteien an der Chamber scho positionéiert. Mee fir wéi eng Reforme gëtt et och eng politesch Majoritéit? Dorëms geet et an der neister Episod vun „On the Record“.

Zu Lëtzebuerg feelt et u Plaz fir Flüchtlingen ënnerzebréngen. De Constat, dee schonn 2015 beim Syriekrich gemaach gouf, bleift haut onverännert. D'Autoritéite sinn an engem Däiwelskrees gefaangen. Dorëms geet et an der neister Episod vun "On the Record".

Säit Abrëll si mam Tankrabatt d’Steieren um Sprit erofgesat. Mee et bestinn Zweiwel, ob déi Mesure hält, wat d’Regierung versprécht. Am Hannergrond streit d’Koalitioun och iwwert den Tanktourismus. Dorëms geet et an der neister Episod vun „On the Record“.

Gëtt et eng „Methode Paulette Lenert“? Wat zeechent de Féierungsstil vun der Vizepremier- a Gesondheetsministerin aus? A wéi realistesch sinn hir Chancen, déi éischt Premierministerin am Land ze ginn? Dorëms geet et an der neister Episode vun „On the Record“.

D'Mëssstänn am "Syndicat Intercommunal de Gestion informatique" (SIGI), déi Reporter.lu rezent opgedeckt huet, hu séier Konsequenze kritt a sollen elo duerch 3 Auditten gekläert ginn. Am REPORTER-Podcast "On the Record" gëtt déi ganz SIGI-Saga opgeschafft.

Fir Léit, déi laang am Chômage sinn, solle Beschäftegungsinitiative wéi de CIGR-Mëllerdall eng Bréck bidde fir op de régulairen Aarbechtsmarché ze kommen. Mee wéi Betraffener Reporter.lu erzielen, stécht dohannert e System, dee senger Missioun net ëmmer gerecht gëtt.

Wee zu Lëtzebuerg Asyl ufreet, muss sech op laangwiereg a komplex Prozeduren astellen. Fir déi divers bürokratesch Hürden ze meeschteren, kennen Flüchtlingen Ënnerstëtzung kréien vun der Hëllefsorganisatioun "Passerell". D'Asbl, déi selwer em d'Iwwerliewen kämpft, kritiséiert datt Flüchtlingen kee gudden Access zur Justiz kréichen: se géifen net vun den Autoritéiten iwwert hir Rechter opgekläert g...

D'Dysfonctionnementer bei der Aktioun SuperDrecksKëscht, déi Reporter.lu d'läscht Joer opgedeckt huet, beschäftege weider d'Politik. An dëser Episod vu REPORTER "On the Record" schafen d'Isabel Scott an de Pit Scholtes e kriteschen Iwwerbléck iwwer déi ganz Affär.

D’Regierung wëll Cannabis „dekorrektionaliséieren“. Wat heescht dat? An ass domat déi eigentlech geplangt Legaliséierung vum Dësch? Am REPORTER-Podcast „On the Record“ versichen d’Isabel Scott an de Pol Reuter Kloerheet an den Dossier Cannabis ze bréngen.

„On the Record“ mam Isabel Scott ass den neie Weekly-Podcast vu Reporter.lu iwwer eng vun eise Storyen an hir Hannergrënn. An der 1. Episod geet et ëm Lëtzebuerger "Consuls honoraires" a Russland an d'Ambivalenz vun der Lëtzebuerger Aussepolitik am Kontext vum Ukrainkonflikt.