Ligwalagwala FM Current Affairs

Balimi bavakalise kukhatsateka kulandzela kukhushulwa kwentsengo yemafutsa etimoto. Kutfola kabanti ecingweni sikhulumisana nalongamele inhlangano yebalimi i National African Farmers Union kulesifundza se Mpumalanga, Jabulani Mahlangu 

Inhlangano yematekisi i National Taxi Association (NTA) itsi itawuhlangana nahulumende namuhla kutewukhulumisa ngetiindlela tekulekelela bosomatekisi ngetimali kuze bakhone kubukana nalokwenyuka kwentsengo yemafutsa etimoti. Simeme lokhulumela lenhlangano iNTA,  Theo Malele

Kulindzeleke kutsi bantfu bakulelive batsenge babukane nekukhuphuka kwentsengo yaphetholile nedizili kusukela ekhatsi kwalamabili ebusuku.  Kubikwa kutsi loko kubangelwa kumba ecolo kwawoyela longakahlutwa kanye nalokushuba kwesimo emkhatsini kwelive laseMelika kanye ne-Iran nalokuphatamiseka kwekuhanjiswa kwemikhicito ku-Strait of Hormuz. Naledi Mabitsela-Ngcobo naZandile Nkosi basihlanganis...

 Inhlangano yaMhlabuhlangene ngekubambisana neAfrican Peer Review Mechanism kulindzeleke isungule sikhungo lesitawucinisekisa kutsi iAfrica ayakhon kubhdala kahle tikweleti tayo. Simeme umhlatiyi wetepoliitiki Njingalwati Bhekithemba Mngomezulu.

 Likhomishana letebatsengi (National  Consumer Commission, NCC) likhiphe satiso sekubuyiselwa emuva kwetimoti teluhlobo lwema-Volkswagen Amarok letitsengiswe kulelive, kulandzela kutfolakala kwekutsi kukhona lokungasebenti kahle kuma-airbags. Kuva kabanti kuloludzaba sicele lokhulumela iNCC,  Phetho Ntaba.

Sekucalile lokuhlungwa kanye nekuphekwa ngemibuti kwemajaji lekulindzeleke ayosebenta enkantolo lebuyeketa emacala kulelive. NgeMsombuluko kuphekwe ngemibuto yekulungela umsebenti emajaji lasihlanu lafaka ekhatsi Gerald Bloem, Mokgere Masipa, Ingrid Opperman, Mmathebe Violet Phatshoane na Esther Steyn.  Sibahle Motha naVusi Shongwe bayasibikelaa

Namuhla umhlaba wonkhe ugubha lilanga labothishela. Simeme lisekela lemengameli wenyonyana yabothishela iNATU, Mandla Mabuza.

Umkhakha wetekuvakasha uvakalise kukhatsateka kukhatsateka ngesehlakalo sekudubulana kwema-zamazama eMashoboto kulesifundza seMpumalanga. Sikhulumisene nalomunye webaphatsi ku-Kruger Lowveld Chamber of Business and Tourism, Oupa Pilane. 

Abakayitfoli ibheyili labasolwa lebabekwe licala lekugubha igolide ngalokungekho emtsetfweni e Mashoboto dvute nase Ngodwana. Laba labayimfica baboshwe ngemphelasonfto lesibuya kuyo. Labanye  basolwa  labali-10 baboshwe ePilgrim's Rest ngetinsolo tekugubha igolide ngalokungekho emtsetfweni. Sikhulumisana wetekuphepha kwemphakatsi, kuvikeleka nekuchumana e Mpumalanga Jackie Macie ..

Kutawutsi nakudzabuka nga-Lwesitsatfu intsengo yaphethiloli itawube seyikhuphuke ngemali lesemkhatsini kwa R3.12 cents ilitha na R3.33 cents ilitha. Idizili itawukhula emkhatsini kwa R2.84 cents ilitha na R3.24 cents ilitha. Kutfola kabanti kutsi ingabe ishoni lentsengo yemafutsa etimoto futsi umuntfu wakuleli yini langayenta kubukana nalesimo sikhulumisana nemcwaningi wetemnotfo ka SABC Velemseni...

Inhlangano yabomake be-ANC ngekubambisana netinhlangano tetenkholo, beyibambe umkhuleko wekulwa nebudlova betebulili e-Alberton Civic Centre, Ekurhuleni.  Zara Groenewald naVusi Shongwe bayabika

Licembu i-Labour Party letfule ngalokusemtsetfweni umhlahlandlela walo kumasipala waseNkomazi kulesifundza i-Mpumalanga. Kukhuluma kabanti ngalomhlahlandlela sikhulumisana nemengameli wsikhashana ku-Labour Party, Joseph Mathunjwa.

Inhlangano i-Africa Mayibuye Movement ngulenye yetinhlangano letinsha lebuke kuchudzelana elukhetfweni lwabohulumende basekhaya kumasipala wase-Nkomazi. Simeme lomelele lenhlangano kulomasipala waseNkomazi, Isaac Sithole kutosichazela kutsi baayintjintja njani imphilo yebantfu bakulomasipala.

Kulandzela kwandza kwaletehlakalo tekubulawa kwabomake nebantfwana kulelive, inhlangano yabobabe lebitwa nge-MEN-UP kulesifundza seMpumalanga, seyihlele umkhuleko letawubamba lapha edolobheni iMbombela. Kuyiva kahle lendzaba asemukele  lomunye webacondzisi be-Men Up Lucky Masango

Takhamuti tase-Shiyalongubo dvutane nase-Barberton kulesifundza seMpumalanga, tikhala ngemigcwaco lengahambeni, kuswelakala kwagezi kanye nemanti. Titsi nakuna imvula bafundzi abakhoni kuya esikolweni. Motsebi wa Monareng uyabika...

Umndeni walodzadze loneminyaka lengema-23 nakutsatfu budzala lobulewe nalekusolwa umyeni wakhe lebesekahlukene naye ngalesigameko, utsi ulele ngelinceba njengobe nalomenti walesehlakalo uyatiwa. Boitumelo Mashita ungumake welishumi nakubili kubulawa kulendzawo yase-Ekurhuleni. Refilwe Mekoa naMillicent Phakathi basihlanganisele lombiko..

Kutawube kubanjwe umhlangano lomkhulu wekufundzisa kabanti ngetinhlangano letingasebenteli inzuzo nekutsi tisitakala kanjani nangabe tifuna kusekelwa ngetimali, iMpumalanga NPO Expo. Kepha kutfola kabanti ngalomhlangano simeme lomunye webahloali bawo lekungumcondzisi we-Touch A Million, Shirley Khoza.

Belaphi bendzabuko batsi kubalulekile kutsi sisulu seludlame lwetebulili, sekugagadlelwa kanye nalobunye bugebengu, sitfole lusito lekugezwa kuze sincamule loyo mkhokha. KLucaciseleka kahle ngaloludzaba simeme umelaphi wendzabuko lophuma  kuSADC Institute of African Medicine, Abraham Mnguni. 

Umyalo wekuvikela pheceleti i-protection order, ngulenye yetinsita temtsetfo letihlose kuvikela bantfu labahlukunyetwako kuleli noma labangenamandla ekumelana netibheva. Nanobe kunjalo, kubonakala kwandza kukhatsateka kulabasikati labatisulu teludlame lwebulili kutsi i-protection order kulesinye sikhatsi ayibavikeli kubalingani babo ngobe bahlukunyetwa ngisho baliphetse leliphepha lasenkantolo. Si...

Emaphoyisa  atsi kubalulekile kutsi bantfu babike masinyane nangabe basola kutsi kunemuntfu wabo lolahlekile. Lokhulumela emaphoyisa esifundza seMpumalanga,  Khenela Mavela Masondo utsi ayikho lentfo yekutsi kufanele ulindze ema-awa langu-24 ngembi kwekutsi ubike emaphoyiseni ngemuntfu lolahlekile. 

Namuhla sibuka libhuku lelibhalwe nguNokubonga Masilela lelinesihloko lesitsi "Faith Through Storm, the promise I made to my Father."  

Kungalingani kwebantfu kulelive leNingizimu Africa kuyachubeka nanoma sekuphele iminyaka leminyenti kwabekwa imigomo lekuhloswe ngayo kwehlisa leligebe lelikhoma emkhatsini walabadla lizambane lapondo nalabaphuyile. Umbiko we Oxfam South Africa mayelana nekungalingani kwebantfu kulelive, uveta kutsi bangu 1% kuphela bantfu labaphetse umnotfo longu 56% lomusha lowakhiwa kulelive kusukela ngo 2019....

Sekusele sikhatsi lecishe sibe yinyanga kutsi kubanjwe lukhetfo lwabohulumende basekhaya kulelive njengaloku lutawubanjwa mhla titine ku-Lweti. Tinyenti tinhlangano letitawubanga emawadi kubomasipala labahlukahlukene. Sicocisana nemholi we Build One SA (BOSA), Dr Mmusi Maimane.

Sekutfolakele sidvumbu sesibili semuntfu lomba igolide ngalokungekho emtsetfweni dvute ne N4 e Mashobote e Schoemanskloof kulesifundza se Mpumalanga. Umphatsiswa welitiko letekuphepha kwemphakatsi, kuvikeleka nekuchumana e Mpumalanga, Jackie Macie utsi sebacele kutsi batfunyelelwe emasotja kutobelekelela ekulweni nalenkinga.

Kubanjwe inkomfa lebonisana ngetindlela tekuvikela bantfwana etehlakalweni teludlame nekuhlukunyetwa e White River kulesifundza se Mpumalanga. Kutfola kabanti simeme indvuna yelitiko letekutfutfukisa tenhlalakahle,  Dina Pule.