Ligwalagwala FM Current Affairs

Bafundzi bamatekuletjeni walomnyaka bayacala namuhla kubhala luhlolo lwabo lwekugcina lwanga-2026. Sicocisana nelisekela lendvuna yelitiko letemfundvo  lesisekelo, Dr Reginah Mhaule.

Sihlalo we-ANC kuvelonkhe Gwede Mantashe, udvube waphuma kulenkomfa yavelonkhe ye COSATU, asola lombutfo webasebenti ngekuphambuka kumihambo yelidlelandzawonye. Mantashe bekahola litsimba le ANC lelihambele lengcungcutsela, lebanjelwe e Kempton Park, eJozi. Mantashe utfukutseliswe kutsi ucelwe kutsi akhulume kucala bese kulandzela i SACP ne SANCO, utsi kuyinjwayelo kutsi i ANC ikhuluma ekugcineni....

Inhlangano yemmango i Healthy Living Alliance (HEALA) yetfule umkhankaso wemalanga langu-90 wekugcugcutela kuvikelwa kwempilo. Lenhlangano ibita indvuna yetempilo kutsi icedzelele luhlelo loluhamba kancane lwekutsi kudla lokutsengiswa kulelive kubhalwe ngaphandle kutsi kucuketseni.  Simeme lomelele lenhlangano iHEALA, Zukiswa Zimela.

Lokhulumela iCOSATU Zanele Sabela utsi akusiwo umtsetfo kutsi nakunengcungcutsela yeCOSATU kugcina iANC kukhuluma nasekulitfuba lekukhuluma kwemadlelandzawonye. Sabela bekaphawula ngekudvuba kwasihlalo weANC Gwede Mantashe, lowalile kutsi kucale iANC kukhuluma phambi kweSACP ne SANCO.

Emaphoyisa akuleli seketfule ngalokusemtsetfweni umkhankaso wavelonkhe wekucinisekisaa tekuphepha ngesikhatsi semaholide ekuphela kwemnyaka. Lomcimbi bewubanjelwe KaBokweni dvute ne White River kulesifundza se Mpumalanga. Intsatseli yetfu Motsebi wa Monareng uyasibikela...

Loyo bekalisekela lankomishana wemaphoyisa lobekamiswe kwesikhashane  emsebentini, Shadrack Sibiya, sewesulile emsebentini. Emaphoyisa atsi ummeli wa-Sibiya, nguye lobanikete lencwadzi yekubonga umsebenti namuhla ekuseni ngalesikhatsi kucala siwombe sekumcondzisa tigwegwe. Kepha kubuka kutsi ingabe sisho kutsini lesincumo  asamukele solwati ngetebugebengu, Dr Mxolisi Mathebula..

Inkantolo yemtsetfosisekelo namuhla beyilalele sikhalo se ANC kulandzela kutsi inkantolo yelukhetfo ivumelane neIEC kutsi iANC yehluleka kuhlangabetana nemmncamlajucu wekubhalisa emakhansela ayo langu 181 kubomaspala labasitfupha. Ummeli we ANC Advocate Daniel Burger uvete kutsi yonkhe imininingwane lebekufanele bayitfumele ka IEC online bayitfumela kunesikhatsi. Sibahle Motha na Dan waka Dlamini...

Kubulewe luswane lolunetinyanga letine kwatsi unina wagagadlelwa lekusolwa kutsi  kwentiwe ngumfundisi akanye nemkakhe. Letehlakalo setetfuse umphakatsi wase Atteridgeville. Sidvumbu salomntfwana sitfolakele ethuneni lelingashoni dvute nemfula i Hennops River leliviki leliphelile ngaLwesitsatfu. Nonhlanhla Ntshingila na Dan Dlamini bayasiibikela...

Emaphoyisa akuleli seketfule ngalokusemtsetfweni umkhankaso wekucinisekisa wetekuphepha ngemaholide akhisimusi KaBokweni dvute ne White River kulesifundza se Mpumalanga. Kwenaba ngalendzaba sicele umphatsiswa welitiko letekuphepha kwemphakatsi, kuvikeleka nekuchumana e Mpumalanga Jackie Macie .

Sekusele emaviki langephasi kwalamane ngembi kwekutsi lelive libambe lukhetfo lwabohulumende basekhaya. Tinhlangano letincane takulesifundza seMpumalanga setiphume ngetinkhani kuyokhankasela bavoti. Michael Mdluli uyasibikela.

Umholi wenhlangano yePatriotic Alliance (PA), Gayton Mckenzie utsi lenhlangano ifisa kutfola kusekelwa kakhulu ngumango wesive semakhaladi esifundzeni sase-Nshonalanga Kapa. Andile Mbanjwa uyabika...  

Mengameli we African People's Convention (APC), Themba Godi utsi lenhlangano itawungenela lukhetfo etifundzeni letisikhombisa kuletiyimfica talelive. Ngalesikhatsi akhuluma e Driehoek ngase Mahikeng e North West, kumkhankaso walenhlangano Godi ugcizelele kutsi lenhlangano ifuna kutivuselela e North West. Tebogo Phakedi na Bongani Mondlane basihlanganisele  lombiko.

Mengameli we-ANC kuvelonke Cyril Ramaphosa utsi unelitsemba lekutsi lenhlangano yakhe itawuphuma nesikhuni sivutsa kulomasipala wase-Mangaung kulandzela kungasebenti kahle kwayo elukhetfweni laphambiilini. Abigail Visagie na Zandile Nkosi bayasibikela.

Libambela leNdvuna yemaphoyisa, Njingalwati Firoz Cachalia utawetfula ngalokusemtsetfweni umkhankaso wekucinisekisa tekuphepha kulamaholide letako ekuphela kwemnyaka. Lomkhankaso utawetfulwa KaBokweni kulesifundza seMpumalanga namuhla. Sicocisane  nalokhulumela emaphoyisa esifundza Khenel Mavela Masondo

Tinhlangano temphakatsi tenta lubito kumalunga emphakatsi nebatali kutsi banikete bafundzi bakamatikuletjeni litfuba lekubhala luhlolo lwabo lwekugcina ngephandle kwekutsi  baphatamiseke. Sicocisane nemeluleki wengcondvo, Zandile Shabangu, 

Umholi we-PAC Mzwanele Nyhontso uvakalise luvo lwakhe ngalemibhikisho legcine inebudlova lekhonondza ngekugcwala kwebantfu labangenamaphepha ekuba kulelive. Busi Bopela na-Fortunate Nkambule basihlanganisele lombiko.

Bahlali base-Malahleni kulesifundza se Mpumalanga bavakalise kukhatsateka ngekwenyuka kwebugebengu nekuyekela kwebafundzi etikolweni. Michael Mdluli usihlanganisele lombiko.

I-Sun Party, Sizwe Ummah Nation ngulelinye yetihlangano letitingenele lukhetfo lwabohulumende basekhaya, lolutawubanjwa mhla titine ku-Lweti. Sikhulumisana nemholi walenhlangano Cassim Mphadi Fakude.

Inkantolo yemtsetfo-sisekelo itfole kutsi incenye letsite yemtsetfo wesehlukaniso iDivorce Act ishayisana nekusebenta kwemtsetfo. Kuva kutsi kusho kutsini loku, simeme ummeli wetemishado, Zola Mbhatha 

Litiko lekuhlaliswa kwebantfu libambisene nemtimba lobuke tindzaba teticashi lisemkhankasweni wavelonke wekufundzisa kabanti ngemalungelo eticashi. Kulomnyaka lomkhankaso ubuke kakhulu emalungelo ebafundzi labacashe etindzaweni letahlukene tekuhlaliswa kwebafundzi. Kutfola kabanti ngalomkhankaso, sichumana nelibamba lemcondzisi lobuke tindzaba tekucashisa etikweni letekubusa ngekubambiisana, kuhla...

nhlangano i-Bophuthatswana Civil Movement (BCM) itsi ngetulu kwekutsi inebalandzel labanyenti esifundzeni sase North West kepha itawuphindze iichudzelane elukhetfweni kumasipala wase-Tshwane.  Siphiwe Mkhize na- Fortunate Nkambule bayasibikela.

Kulesigaba setfu semabhuku namuhla sicubungula libhuku lelibhalwe ngu Dr Vathiswa Papu-Zamxaka lelitsi " Greatness Undeniable". Dr Papu-Zamxaka ukhuluma ngempilo yakhe nekutsi wabeketela njani kuze afinyelele emphumelelweni. 

Lena yinyanga yekucushisa ngekubaluleka kwekunakekela emehlo. Lucwaningo lolwentiwe yinhlangano yetemphilo  emhlabeni luveta kutsi balinganiselwa ku 75%  bantfu lebalaphekako nangabe sebabona lufifi. Njengoba kuyinyanga yekunakekela mehlo, simeme dokotela wemehlo, Emma Mahlangu.  

Namuhla umhlaba wonkhe ubungata lilanga lekucushisa ngekubaluleka kwekunakekela kugula lokweyamene nekukhungatseka engcondvweni. Kubuka kabanti ngetindlela tekunakekela nekuvikela kubanjwa kugula lokweyamene nengcondvo, simeme i-Clinical Psychologist lephuma etikweni letemphilo eMpumalanga, Girly Twala

Litiko letasekhaya seliwuhocisile umyalelo lowakhishwa mhlaka 28 September lebewutsi emahhovisi ebakhoseli kuleli, kutawufuna achubeke nekwemukela ticelo talabo labafuna kukhosela eveni. Lelitiko litsi lomyalelo ukhishwe lihhovisi lemcondzisi jikelele angakayatisi indvuna yelitiko letasekhaya. Kutfola kutsi sishoni lesinyatselo sekuhocisa lomyalelo sikhulumisana nasati setemtsetfo, Abigail Ngobeni...