Driesestig

Medieval Murder Maps, ‘n Projek wat met digitale hulpbronne na moord en verdagte sterftes in 14de eeuse Londen, Oxford en York kyk, sit nou die stukkies van die legkaart uit verskillende bronne aanmekaar om insigte te kry oor die maniere waarop mense geweld uitgevoer het, en die maniere waarop mense hulle daaroor bekommer het. Só kom fassinerende feite en karakters na vore.

Aan watter eienskappe moet ’n hond voldoen om ’n polisiepatrolliehond te kan wees? Mariska Spoormaker het dit met adjudantoffisier Damian Theron van die polisie se honde-eenheid in Gqeberha bespreek, nadat sy patrolliehond, Night, wat in April vanjaar ernstige steekwonde opgedoen het met die vastrek van ’n verdagte, weer aan diens is, en reeds ’n verdagte help aankeer het.

Martelize Brink gesels met Alita Basson van HTS Drostdy en Anja van Jaarsveld van Melkbosstrand Hoërskool oor die opwindende sport van toutrek, en wat dit so uniek maak. Hierdie twee talentvolle jong sportvroue is op pad om Suid-Afrika te verteenwoordig by die Wêreldkampioenskappe in Engeland. Anja is lid van die 480 kg o/19 dogters Protea-toutrekspan, en Alita is onderkaptein van die 520 kg o/19...

Francis Marais vertel vir Martelize Brink sy was nog op hoërskool toe sy en Ivan mekaar op ‘n blinde afspraak by ‘n garagepartytjie ontmoet het.

Die Britse polisie het gewaarsku teen rockfeesgangers wie se selfone dink hulle is in motorongelukke, oor die manier hoe daar gedans word. Vorige jare is daar oor die rockfeestyd tot 700 meer noodoproepe gemaak as gewoonlik.

Haidee Muller-Isaacs kuier by ’n kleikafee, waar oud en jonk kreatief kan raak. Sy vind toe uit die mense wat hulle kinders bring, is meer ernstig oor die verfstorie as hulle kroos.

Kos-en kultuurhistorikus Hetta van Deventer-Terblanche praat oor swart knoffel.

Armin van As vertel van Amerikaanse vlagvoetbal, wat ‘n nuwe sport by die 2028 Olimpiese Spele is.

Duitse toeriste het Dinsdag ‘n sopnat ontvangs op die lughawe in Windhoek gekry toe ‘n brandslang handuitgeruk het.

’n Gebed en ses smeerwortelplantjies 24 jaar gelede, het Sanet Mey van Patensie op ’n plantheelkundige trajek gesit waarvan sy nie kon droom nie. Mariska Spoormaker het by haar gaan kuier.

Motorjoernalis Marnus Hattingh vertel van motortegnologie wat help om die reën- en sneeuweer te hanteer. Hy gee ook bestuurswenke.

Dieetkundige Valpré Huisamen praat oor onderbroke vas, en wie dit liewer nie moet doen nie.

’n Laespoed-jaagtog het Sondagoggend in die VSA afgespeel. Verskeie polisievoertuie kon nie die graafmasjien stop wat soms so vinnig as 4,8 km per uur in die hoofstraat af gekruie het nie!

Hulle het pas teruggekeer van die eiland Malta in die Middelandse See. Hulle tree gereeld individueel of met wereldklasorkeste op in stede soos New York, Londen, Parys en Berlyn. Maar hulle is stewig gegrond in Suid-Afrika waar hulle in die mooi plattelandse dorpie, Prins Albert, tydens Gamka Klassiek opgetree het. Johan Rademan het met die ensemblekunstenaars van die Take Four Klavierkwartet gese...

Madelaine Fourie praat die gebruik van houtvesel in onder andere viskoseproduksie waarmee klere gemaak word.

Maatsoektoepassing Tinder het nou die opsie om lengte as maatstaf te stel om moontlike pasmaats te kry.

Magdaleen Mouton vertel vir Martelize Brink dat Ghana altyd warm is. Sy woon in Kumasi, die land se tweede grootste stad. Jy kan nie daar finansiering vir ‘n motor kry nie. Jy moet kontant koop.

Haidee Muller-Isaacs stap saam met botanis Rupert Koopman deur ‘n voorstedelike park wat met renosterveld beplant is. Hy vertel hoe plaaslike inheemse plantegroei aangewend word op ‘n manier wat goed is vir sowel die mens as die natuur.

Maryke Musson praat oor die impak op seelewe met besoedeling wat veroorsaak dat daar minder lig in die oseane is.

‘n Bruid in Viëtnam het 100 sivetkatte as deel van haar bruidskat ontvang. Dié katte word gebruik in die maak van die wêreld se duurste koffie, Kopi Luwak.

Ester van der Westhuizen-Coetzer praat oor kleinflaminke en die situasie by die Kamfersdam, waar besoedeling veroorsaak dat hulle nie tans daar broei nie.

Dit is ‘n eksotiese vrug, maar dit is ook ’n mens. Die naam is Alex, draakvrug van die Gamtoosriviervallei, maar ook die werker wat dié spesie gevind het. Mariska Spoormaker het gaan kuier by die plaas Ferndale, en wou eers by Jackye Riddle, Suid-Afrika se eerste draakvrugboer, weet hoe sy 18 jaar gelede met draakvrug begin boer het.

Gayle Britz-Williams vertel vir Martelize Brink Hoe sy Mary-Jane aanlyn gesien het, mekaar die volgende dag ontmoet het, en vyf dae later voorgestel het hulle trou.

In verskeie stede in Iran is daar ‘n verbod op honde as troeteldiere. Jy word in hegtenis as jy met ‘n hond gaan stap, of selfs een in ‘n voertuig het.

Carel en Rentia Nel het in 2024 ‘n 16 000 km draai deur Afrika gegooi. In die Noord-Ooste van Kenia het Rentia ‘n kameelherder met ‘n sonpaneel en selfoon gesien. Mariska Spoormaker het gehoor dié prentjie het ‘n jaar later ‘n baie interessante verwikkeling tot gevolg gehad.