Driesestig

Veearts dr. Ingrid de Wet praat oor die versorging van honde en katte se pels - van skeer en borsel tot sjampoe.

Om sy toekenning as groenste munisipaliteit in die Oos-Kaap te vier, het die Kouga-munisipaliteit besluit om erkenning te gee aan belangrike groen rolspelers in die onderskeie gemeenskappe. Mariska Spoormaker het ná die funksie gepraat met Christa Venter, bestuurder omgewingsake en herwinning van die Kouga-munisipaliteit.

Ina Goosen vertel vir Johan Rademan hoe Landbouweekblad se Hoekie vir Eensames gesorg het dat sy en Willem ontmoet het.

By Fujairah in die Verenigde Arabiese Emirate is daar ‘n installasie op ‘n deel van die hoofweg, wat maak dat jy ‘n stuk van Beethoven se negende simfonie speel as jy oor die rubberstroke ry.

Prof. Nina Schumann is die stigter en tans artistieke bestuurder van die Stellenbosch Internasionale Kamermusiekfees. Sy vertel van die afgelope twee dekades se sukses.

Isabella Niehaus het pas ‘n tweede jaar in ‘n ry die Gourmand-prys vir die beste veganistiese kookboek ter wêreld gewen. Sy vertel van haar gunsteling spesery.

'n 19-Jarige Amerikaner wat poog om alleen na al sewe kontinente te vlieg, is deur owerhede in Chili aangehou nadat hy na bewering sonder toestemming in Antarktika geland het.

Anienke Jordaan het eers in die noorde van Australië in Darwin die inheemse mense en hulle kuns leer ken, voor sy in Wes-Australië, buite Perth, as jong veraarts gaan werk het. Sy het die kookabaras, kangeroes en koalas net so laat staan om haar drome in die platteland van Suid-Afrika te kom uit leef. Johan Rademan het met haar op Prins Albert gesels.

Dieetkundige Valpré Huisamen verduidelik wat “binge”-eet is, en hoekom dit anders as ooreet is.

Martelize Brink praat oor trauma wat van generasie na generasie oorgedra word in jou DNS.

Erns Grundling is lief vir reis, letterkunde en die teater. Dit het uitgeloop op die produksie, AANSKOU DIE MENS, met Johann Nel (stem) en sy broer Winand (orrel).

Wynand Visser praat oor die belangrikheid daarvan dat 'n elektriese installasie geaard moet wees, en hoekom jy moet aandag gee wanneer jou krag gereeld uitskop.

Politieke kommentator Jan-Jan Joubert werk aan sy doktersgraad by die Universiteit van Leiden. Hy vertel vir Martelize Brink van die lewe in Nederland.

Haidee kuier by 'n reusagtige wolsalon in die Paarl, waar Stefan Gerber haar meer vertel oor die proses om wol direk van die plaas af skoon te maak, nes ‘n haarsalon. Sy vind ook meer uit van die wolfees op Middelburg in die Oos-Kaap.

‘n Nuwe KI-toepassing help jou om jou kat se “taal” beter te verstaan.

Prof. Louis du Preez vertel van 'n gratis toepassing vir padda-identifikasie.

Dertig jaar gelede het Pierre Malan se vriende gesê hy is mal toe hy ’n wattel-oortrekte plaas tussen Kariega en Thornhill gekoop het. Maar, Pierre, toe nog ‘n musiekdosent in die Baai, het ‘n Protea-droom gehad wat hy nie sou laat vaar nie, het Mariska Spoormaker gehoor toe sy die plaas Berg en Blom besoek het.

Willem en Christolene Agenbag se liefdespad het op 23 Junie 1973 begin op ‘n pawiljoen by ‘n rugbywedstryd.

Selfs Wes-Kapenaars ry soontoe om dit te beleef. Mariska Spoormaker het die bykans 40 kilometer grondpad met sy passe en afgronde na die plaas Nooitgedacht hoog in die Kougaberge aangepak, na die kerkbasaar wat al 80 jaar lank gehou word.

Kos-en kultuurhistorikus Hetta van Deventer-Terblanche praat oor speserye wat ekstra geur aan sop gee.

‘n Man in Singapoer is tronk toe nadat hy $39 000 se geskenkgeld by ‘n bruilof gesteel, en gou-gou die meeste uitgedobbel het.

Die viermalige Wêreldbekerkampioene, die Springbokke, pak die Barbarians die naweek vir die eerste keer op tuisbodem. Die span word op uitnodiging saamgestel, en Robbie Deans van Nieu-Seeland is die afrigter. Wanneer jy vir die Barbarians uitdraf, is hardlooprugby jou voorland. ‘n Hele paar internasionale spelers is in aksie teen die Bokke, en Johan Rademan het die sportskrywer en joernalis, Alber...

Dieetkundige Valpré Huisamen praat oor die alkaliese dieet, en wanneer dit gevaarlik kan wees.

‘n Hotel in China moet hulle praktyk stop, waar rooipandas op versoek vir jou in jou bed kom kuier.

Eryn Marais gesels oor haar stoeisukses. Dié 16-jarige stoei as nasionale onder-17 onder 69 kg kadet, asook vir die nasionale onder-20 span in die onder 72 kg afdeling.