weder übel no hart

Wie fühlts sich eigentlich ah, wenn me s erscht moll e Medikament gege ADHS nimmt? Das isch d Lara grad am usefinde und verzellt in dere Episode vo ihrne Erfahrige, de (Nebe)Wirkige und wieso dr Prozess, so e Medi verschribe z becho, alles andere als eifach gsi isch. Süscht hei mir wiedermoll eusi Kategorie "Dankbarkeit vo dr Wuche" uflebe lo und usserdem e paar Empfehlige für euch gsamm...

Hallo ihr Liebe Hüt roaste mir Gemischtes Hack (aber nur bitz) und si im gliche Zug selbstreflektiert über eusi eigeni Podcast Leischtig. Usserdem verliere mr no paar Wort über d Hitz und probiere konstruktivi Tipps zu Sport in dene Umständ z geh. Do realisiere mr au wieder moll: Chrafttraining rules. Open-Air zu Bunt. tanze übrigens au. Mir verzelle euch nämlich hüt vo dem Fiebertraumkonzert, wo...

Hüt rede mir über Hoor oder eher dr Mangel drvo und was das mit Krise ztue hett. Drzwüsche kriegeter au paar Empfehlige, wo grad wenn me nid so uf dr Höchi isch, wie Balsam fürd Seele sind. Und denne heimer eus in dr zweite Hälfti vo dere Episode d Serie "Off Campus" vorknöpft. Do simmer denn hoorscharf anere Zwillingskrise vrbigschlitteret, will e Serie, wo für beidi wie Doseravioli per...

Ciao ragazzi <3 Mir hei eus in de vergangene Wuche die letscht Staffle vo Euphoria inezoge und s isch nid ganz eifach gsi. Mir heis für eus, aber vor allem au für euch gmacht. Denn was die Serie definitiv lieferet, isch e Mengi an Gspröchsstoff. Und ihr wüsset, mir liebe das jo, denn so richtig drizgoh. Aber nid nur die öffentlichi Meinig isch gspalte; au mir si eus nid einig in der Bewertig vo...

Liebi Hörendi Wennder euch vo dem Titel nid lönd lo abschrecke, denn werdet ihr riich belohnt werde. Ihr heit eus nämlich für die Episode ganz unterschiedlichi und interessanti Froge gstellt; mir hei sie mit Freud beantwortet und drbi kei Blatt vors Muul gnoh. Ganz nach eusem Summermotto 2026. Vo unerklärliche Crushes über juicy Teigwaresalat bis zum Zelebriere vo fotzige Wörter. Mir liefere d Hea...

Hallo liebi Hörendi Puuuh, mir hei nach dere Wuche so fescht s Bedürfnis nachere Yapping Episode mit dezentem Oversharing gha und genau das isch es worde. Vo überbewertetem Penis-Vagina-Sex, über herzigi, unerwarteti Gschenkli bim Schaffe, Masturbation gege Albträum, bis zu fiktionale Männer, wo vo Fraue gschribe worde si und die echte Männer in Schatte stelle; mir hei für euch abgliferet. Gspickt...

Liebi Lüt Mir rede hüt über DAS Thema, wo eus momentan grad gfühlt überall begegnet: Hochzite! Es isch Früehlig und alli Liebeshungrige chrieche hervor und binde sich vor versammelter Gsellschaft fürs Lebe. Das wird nid nur im persönliche Umfeld spürbar, sondern au popkulturell sit eh und je usgschlachtet. Weddings si zwar e zimli zitloses Phänomen, aber WIE mir mit dem kulturelle Ritual umgönge,...

Hallo liebi Hörendi Es isch Zit für e paar Job-Updates, denn mir hei beidi dr erschti Monet im neue Job hinter eus und chönne scho moll bitz reflektiere, was sich veränderet hett und wie mir das so finde. Mir hei beidi dringend brueflich früsche Wind brucht. D Frog isch nur: Ischs e agnehmi Bise oder e durerüttelnde Tornado? E neue Job afoh isch jedefalls für eus (und wahrschinli auf für die meisc...

Ihr Liebe <3 Hüt rede mir aber wirklich s letschte moll für e laaangi zit über s Thema "Umzug" (we promise). Das Kapitel isch nämlich endlich abgschlosse und d Anna offiziell e BBB - Bad Basel Bitch. Welcome to the Club! Ca. 7 Johr hett eus e zweistündigi Zugfahrt trennt; jetzt sis no 10 Min. Fuessmarsch. Wie mr mit eusere Sorg, dass mr spötischtens jetzt weirdi Twins werde, umgönge,...

Ihr Liebe Nachere Pause letscht Wuche melde mir eus mit paar Updates und mache e aktuelle Mood-Check. Mir si eus beidi grad chli dure Alltag am kämpfe und hei eusi eigene Päckli z träge. D Anna darf momentan 15 Stund vo ihrer Lebenszit pro Wuche im Zug verbringe und bereitet sich ufe Umzug vor, während d Lara grad es intensivers Thema mit ihrer Psyche hett und sehnlichscht uf paar verschriebeni Dr...

Hallo zemme <3 Dr Zuestand vo eim vo de Hosts hett dere Episode möglicherwis e verkaterte und dezent "unhinged" Touch geh. Denn nachere chli wilde Partynacht, viel Tanze und wenig Schlof, hemmer hüt über euse Umgang mit Usgang welle rede. De hett sich nämlich über d Johre gwandlet und isch us verschiedenschte Gründ moll chli meh, moll chli weniger wichtig gsi. Und moll chli meh oder w...

Hallo ihr Liebe :) Weder mir no wahrschinlich ihr hei immer d Kapazitäte für ernschti, schweri Theme. Drum gits hüt e gueti alti Plauderfolg. Mir bespreche irrelevanti und trotzdem wichtigi Theme wie s Reguliere vo dr Airpod-Lutstärki, eusi Blockade bim Wohnig irichte, eusi Meinig zu Kino oder Museum als Date-Idee und was füre Fiebertraum sone Ikea-Trip cha si; vor allem mit raging unmedicated ADH...

Hallo mitenand Hüt gits am Afang e chline Recap zumene Event, wo mir bsuecht hei, wo euses obsessed Fan-Herzli zum höcher schloh brocht hett: e HEATED RIVALRY PARTY. Mir verzelle euch, warum mir's geil finde, wenn's im Nachtclub e Liinwand mit Videoprojektion git, was e Party, wo Kesha und Chappell gspielt wird, miteme Techno Rave gmeinsam hett und wie d Vibes vo de Girls, Gays und Theys...

Hallo ihr Liebe Mir hei eus gar nonig so richtig vom feministische Kampftag UND em Abstimmigssunntig chönne erhole und scho haut dr Timothée Chalamet e Kontroverse use, wo d Gmüeter online ordentlich erhitzt hett - zu Recht? Zum Glück hemmer uf das abe au paar Feel-good-Tipps und chönne euch als wunderbare Eskapismus zwei romantischi Serie ans Herz legge. Und füre chline Dopamin-Kick gits e Song-E...

E fascht 90 Minute lange Deep Dive in e 136-minütige Film finde mr fair, oder? Das isch uf jede Fall genau das, was euch in dere Episode erwartet. Mir hei eus beidi "Wuthering Heights" im Kino geh und tja, mir hei OPINIONS. Und zwar vieli drvo. Wie so ziemlich s ganze Internet, wo vom Jacob Elordi sim Ohreringli, zerdrückte Eier und Outdoor Masturbation träumt. Und vilicht au ihr? Drum h...

...aber ihr münd scho d Episode lose, zum usefinde, was. Und au, warum das sone grossi sach isch. Nebe denne ufregende News heimer aber au nomoll churz Bezug uf die letschti Episode gnoh, will eusi Konversation über Icks schiinbar doch bitz kontrovers gsi isch. Und denn hemmer wiedermoll paar Rubrike bedient und über bold Moves, Dankbarkeite und ADHD-Ussetzer gredet. Das lieferet au d Antworte dru...

Hüt liefere mir euch d Ick-Episode aka d Episode wo du no gar nid gwüsst hesch, dass du sie bruchsch, aber erlüchtet drus use wirdsch goh. Gmeinsam hemmer das Konzept "Icks" usenandergnoh zum usefinde, was es eigentlich genau bedütet und welli Ufgob Icks für eus au inehme. Mir präsentiere euch aso EUSES Verständnis vo dem Phänomen. Ame hilft do aber am meischte, wenn me mit Bispiel schaf...

Hoi zemme Die hütigi Episode isch wieder moll chli e Mischmasch (unterschätzts Wort?!) us verschiedene Theme. Mir rede drüber, was eus grad chli s Lebe schwer macht und wie mr trotzdem uf eusi Gsundheit achte - mit paar unpopular Takes, wo für eus aber e grosse Unterschied mache. Trotzdem sind mir in letschter Zit paar Highlights begegnet und drum heimer au die einti oder anderi Empfehlig für euch...

Sali zeme Dating isch es Thema, wo eifach nie langwilig wird und vo so vill site cha agluegt werde. Mir hei eus drum hüt moll drzue entschide, nach Gründ z sueche, warum die jewils Anderi solids Dating Material isch. Was nacheme witzige Task tönt, isch tatsächlich recht tiefsinnig und schön gsi, will me so s Gegenüber usere ganz andere Perspektive aluegt und beschribt. Und so hetts au paar Überras...

Sali zämme  Wie versproche folgt hüt dr Deep Dive in es popkulturells Phänomen, wo nid nur eus in sin Bann zoge hett, sondern internationali Welle gschlage hett. E agheizti Rivalität, zwei Ishockeyspieler und lots of queer Sex; die Mischig hett e regelrechte Hype usglöst, wo aso wirklich überall spürbar isch. Mir hei eus in dere Episode gfrogt, was d Gründ drfür chönnte si und hei eus ufere inhalt...

Hallo ihr Liebe In dr hütige Episode erwartet euch thematisch wiedermoll e wilde Mix. Mir rede über öpis, wo sehr underrated isch und mir viel z spot als Gamechanger in euses Lebe integriert hei: Fuesspfleg. Nie meh ohni. Aber gern für immer ohni Nagelpilz. Usserdem teile mr e Buechtipp vomene Schwizer Autor, wo grad ufere verdiente Famewelle darf rite (mir GÖNNE) und e Serietipp, wo grad 80% vo e...

Hallo zemme Nachdem mir übers vergangene Wuchenend e Twin-Trip nach Amsti gmacht hei, hett sich's abote, in dere Episode drvo z verzelle. Mir hei nämlich einiges erlebt. Drum nehme mir euch durch eusi High- und Lowlights mit, teile eusi beschte Tipps und gebe euch e Iblick dri, wie mir literally durch die paar Täg gschlitteret sind. Und natürlich teile mr au no im Detail, wie mr eusi erschti...

Hallo zemme Nachdem mir vor paar Wuche anere Lesig vo ihre gsi si und ihri drei bisher erschienene Bücher eus sehr beidruckt und berührt hei, hemmer eus hüt dr Caroline Wahl gwidmet. Sie isch e jungi Bestseller Autorin us Kiel, wo einiges chli anderscht macht und d Literaturszene mit ihrem Debütroman "22 Bahnen" ordentlich ufgmischt hett. Sie hinterloht vor allem mit ihrer direkte, selbs...

Ihr Liebe <3 Für die letschti Episode 2025 luege mr uf das Johr zrug und reflektiere bitz de Fiebertraum, wo’s für eus beidi definitiv chli gsi isch. Zeme mit euch gömmer durch d Highs und Lows, nehme euch mit durch eusi grösschte Challenges, aber au stolzischte Moment. Wills aber au für EUCH e intensivs Johr gsi isch, lese mr no euri grösschte Wins vo dem Johr vor, und was sölli sege: Die hei...

Ihr Liebe <3 Hüt bringe mr die akündigti Filmdiskussion von "Babygirl" (aktuell uf Netflix streambar) mit. Falls dr de popkulturell heiss diskutierti Film also nonig gseh hend, schnappet euch am beschte über d Feschttäg es Spassgetränk of Choice und ziehnd en euch ihne, damit dr au wüsset, was Sach isch. Me chas aber au guet ohni Vorwüsse lose und mir hei probiert, nid allzu hert z sp...