ناقر و نقير

كل سنة و إنتوا طيبين! السنة اللي فاتت سجلنا حلقة إتكلمنا فيها عن خططنا ل2024، تعالوا نشوف حققنا إيه و إتعلمنا إيه في السنة العجيبة دي، و إيه طموحاتنا للسنين اللي جاية. يا رب تبقى 2025 سنة سعيدة علينا كلنا.

إحنا جتتنا نحست من الترندات، من ساعة ما وعينا على الدنيا و كل شوية نلاقي شوطة شكل، سواء في الأكل أو الهدوم و طبعاً دلوقتي في السوشيال ميديا بوجه عام. إسمعوا الحلقة ٣ من الموسم ٢ من پودكاست "ناقر و نقير" و قولوا لنا رأيكوا.

مين فينا بيخش الدنيا بدماغه و مش فارق له حاجة؟ و مين بيخطط و بيتوقع كل حاجة، و بالذات أسوأ الفروض؟ الحلقة الثانية من الموسم الثاني بنتكلم فيها عن التوقعات قصاد الواقع. إسمعوها و قولوا لنا رأيكوا.

الحلقة الأولى من الموسم الثاني من پودكاست "ناقر و نقير". بعد إنقطاع بتاع ٩ شهور كدة، رجعنا نسجل تاني، لكن المرة دي كمان ڤيديو على YouTube و بنحكي لكم إيه سبب الإنقطاع دة، و إيه خططنا المستقبلية ل"ناقر و نقير"

بمناسبة عيد ميلاد لينا، الحلقة المرة دي عن أعياد الميلاد، و ذكرياتنا زمان لما أهالينا ربنا يبارك لهم كانوا بيحبوا يفرحونا كانوا بيعملوا لنا إيه... إسمعوا الحلقة ال١٢ و قولوا "كل سنة و إنتي طيبة" للينا

الحلقة دي عن السفر، يعني، أيام ما كان الواحد في مقدرته إنه يسافر و يصرف من حر ماله و الكلام دة، ياااه، أيام و الله. إسمعوا الحلقة رقم ١١ و قولوا لنا رأيكوا.

و في تاسع أيام السنة، قررنا نعمل لكوا حلقة ال"نيو يير". كل سنة و إنتوا طيبين جميعاً و إن شاء الله سنة سعيدة عليكم و على حبايبكم أما الحب، يا روحي عليه.

داري على شمعتك تقيد. هو دة صح؟ و هل نعمل كدة مع أقرب الناس؟ إسمعوا الحلقة و قولوا لنا رأيكوا في الحلقة التاسعة من "ناقر و نقير"

بعد غياب طويل، بنحاول نرجع لكوا بحلقة في وسط الظروف الصعبة اللي إحنا فيها دي. إعذرونا لو الحلقة دي مش بنفس الروح بتاعة الحلقات اللي فاتت، لكن غير كدة هتبقى فعلاً بجاحة

ها؟ لأ بجد ليه؟ الحلقة دي عن ذكريات الطفولة و التليفزيون و المدرسة و شقاوة زمان

العيد دة حرام، بس هاخده أجازة! حلقة عن تحليل و تحريم الأعياد و المناسبات و تعاملنا معاها

الحلقة المرة دي عن الأكل و عن عاداتنا المنيلة بنيلة في الأكل. بس هو حلو أوي الله يسامحه

الحلقة دي عن الBloggers و بالذات بتوع الأكل و الچوسي و ال٩,٥ من ١٠

الحلقة المرة دي عن المعتقدات الغلط اللي بتخلينا ناخد قرارات عبيطة في حياتنا و نرجع نندم عليها.

التطرف و العنصرية مفيهمش هزار... بس هنعمل إيه؟ أدينا بناخد الموضوع بحبة هزار يمكن دة يوصل الكلام أحسن

مين فينا مش بيعاني من المرقعة؟ دة فيه مننا اللي بيصاحبها و مخليها أسلوب حياة. تعالى إسمع رأينا في المرقعة، و إزاي بتأثر على حياتنا، و نتعامل معاها إزاي. إسمع، و إنبسط