Luganda Radio Podcast

Bino byebimu kubigambo ebizibu ebirabikira mu katabo Bazibumbira n'ennyinyonnyola yaabyo.

Bazibumbira ka tikiti keyagula ekisaazi kekaawangula ssente empitirivu. Naye abantu kyebabeeredde e'mpiri, Kaawonawo ne Ddina bebasooka okumuwandiikira nga bamulagira abawe ku ssente ezimu ku zeyali afunye.

Bazibumbira yefunira Nakitto era yagenda naky'aala naye bweyakomawo okwetegeka okugenda okunona omugole, embeera yakyankalana era teyasobola kuddayo.

Nga amaze okutuuka ewa Kojja we, Bazibumbira yasobola okufuna omulimu ku kibuga naye era tewaabulayo birumira.

Bwonyigiriza ennyo enyindo, ogireeta omusaayi. Ddina yaliisa nnyo Bazimbumbira akakanja akaamuleetera nokumuviira mu lusambaggere.

Amandaazi Bazibumbira geyalya ne mukwano ggwe Pikipiki gaamuletera n'okubejjagala naye okumaliriza nga ebyensasula bibasudde mumatigga, Pikipiki yekebera buli wamu naye ssente nga taziraba.

Essanyu lyokugenda mu kulambula kwasuza Bazibumbira akukunadde, era webwakerera nga yetegese okugenda alabe ebifa mu kibuga, Kyataamanya nti ayinza okugwa mubuzibu olw'amandaazi.

Nga amaze okusimattuka ekkomera era nga omusomesa we asobodde okumatiza Kaawonawo amuzze mu ssomero, Bazibumbira atandika obulamu obupya ku pulayiveeti gy'ebamutwaala.

Ate Bazibumbira waayita mmeka nga kaddulubaale tamusudde mu ntata?, Wuuyo mu nkomyo abasibe n'abaserikale bamuzeeko bamulambuzza ekkomera. Naye era olukisakisa luno lwayamba, musomesa we namusobozesa okufuluma entaana y'okunsi.

Mu kitundu kino tulaba Bazibumbira nga agudde mu buzibu obw'amaanyi n'abakyaala b'omukulu. Anti bagamba enjovu weziranira, obusubi bwebubonaabona.

Nga bavudde mu gguudo eddene. Batuuka ewa Walumbe.

Erigga n'ekisodde nga bamaze okubiwona ate besolossa mu gguudo eddene era nga tebalaba gyerikoma.

Ate okutuuka ku liri erigga eryakula nga basobola okulisala? Bagezaako okuyita ku biyinja ebyaali bitindiddwa naye mwana muwala neyesolossa mu mazzi kata entamu agivuunike.

Bannaffe essanyu ly'ajula okubatta nga batuuse kukizinga okujjudde ebibala ebiwooma okufa, ate nga tekuli bibatawanya. Era basuubira nti banaasisirako awo akabanga naye nno waaliwo Amajankunene Gaakwo agaali gateetaagako bagenyi.

Nga bamaze okulengera olukalu basuubira nti binaaba byangu, naye nga bwebagamba nti obwato bufa magoba, misana okufuuka kazigizigi n'ekibuyaga gyebyaava ku nnyanja eyali eradde tewali yamanyaayo. Otemya nokuzibula nga eryaato lyafuuse dda kyaato.

Eryaato lyabataasa naye okugenda okwejukiriza nga omu kubo bwazibya tasula. Era terwaala nga abasibula. Wakati kuguyanja gaggadde, tebaalina kyakukola kirala kyonna okujjako okumuziikira ddala okwo kuguyanja.

Awo kulubalama webaali bakubye olusiisira tezaalwa nesituusa agasajja agalabe n'egalwaana nabo era okugenda okwengendereza nga abasinga balusuddemu akaba nga kwotadde n'eyali omukulu wabwe eyali amanyi ennyo gyebaali balaga.

Enjala yali ekulumyeko okubula okukutta? Munnaffe enjala yamuzirisa era tebaba bazirakisa abatuuka n'emmere eyali egaze nokugaga, yali tadda ngulu.

Lugendo ki oluwanvu lw'ewali obaddeko nga negyolaga tomanyiiyo? Omuwandiisi atulaga eggendo eritali lyangu omwami lyeyesaamu nga atolose ewa Lukuusi.

Tuddayo mu lubiri lwa Lukuusi omuwandiisi natulaga engeri abajaasi bwebesuulamu akambayaaya nebataamira Lukuusi olwo buli omu nabuna emiwabo era nga amagezi agaali gasinga kw'aali kubomba.

Ewa Lukuusi, ggwe ow'emeeme entono tosobolayo. Anti oli omwami abonyaabonya buli amuliranye era ewuwe wajjudde biwoobe n'amiranga. Bwotukaayo otandikira kubibonerezo era omalira mu kaduukulu.

Akaalo Ntaana kalimu bingi omuwandiisi byatulaga okuviira ddala mu lumbe abalya mmere gyebakubira emiranga n'ebirabo byebawa omugenzi omuli okumusumika embugo. Omuwandiisi era atulaga emikolo emikulu egikolebwa mukuziika.

Olugendo lw'okuzaawa olutegeera? Omuwandiisi muntiisa enyingi atutwaala ku saawa y'omusanvu natulaga eddakiika ezisembayo nga entamu evuunikwa okwolekera enviiri gyezittira nga omuddo.

Bazibumbira akabaluwa keyafuna okuva ewa Nalumansi kamusuula mu ntata. Essomero lyonna litabuka lwakulowooza nti Bazibumbira yali ayize empisa yokukwana abawala.

Omuwandiisi atutwala mu ssomero eppya Bazibumbira mwagenda okusomera era atunyumiza obukambwe obuli mubasomesa era mpozi nokulekayo okusoma ebyo ebyaffe wabula ate okuyiga ebyomunsi zebweeru.