KulturSharea

Araba Euskaraz Olarizura itzuliko da. Argantzongo ikastolaren alde egingo dute datorren urteko Arabako ikastolen aldeko jaia.

Hatortxu Rock jaialdia ohiko formatura itzuliko da abenduaren 18an, Atarrabian.

Bilboko antzerki taldeak drama eta umorea uztartuko ditu pil-pilean dagoen belaunaldien arteko talkaren inguruan hitz egiteko. Taula gainean Javier Barandiaran, Maren Basterretxea eta Miriam Martxante ikusiko ditugu. Iñaki Ziarrusta antzerkigileak zuzendu du obra.

Gaur zabalduko da Ahotsenean parte hartzeko izen ematea. Sortzaileek norbere arloari dagokion hiruna plaza izango dituzte euren lan berriak aurkezteko.

Asel Luzarragak ‘Uzta garaia’ gazteentzako eleberria kaleratu du. Idazleak “disidentzia pilula txikiak” jarri ditu bidean gazteek ere euren buruari galderak egin eta oinordetzan hartu duten munduaren arrakalei errepara diezaieten.

Maite Larburuk (Hernani, 1979) Krak izeneko diskoa kaleratuko du bihar. Bakarkako bigarren lana du musikariak eta "disko-mosaiko" bat dela nabarmendu du, "helburu anitzekin eta kolaborazio desberdinetarako sorturiko musika zatiz osatuta dago". Horietako bat dugu Axut! antzerki kolektiboaren Amua antzezlanerako idatzitakoa.

Gaur abiatuko da Literaturia jaialdia Zarautzen. Igandera arte liburu-azoka, aurkezpenak, solasaldiak, eta errezitaldiak izango dira bertan eta Itzala, hitzaren ahala izango da aurtengo leloa.

Uxue Alberdik eta Araiz Mesanzak ‘Hili’, heriotza hizpide duen album ilustratua kaleratu dute. Alberdik umetan izandako eta gaur egun dituen hainbat burutapen eta galdera, eta baita seme-alabei eta beste haur batzuei entzundakoak ere biltzen dira lan honetan.

Durangoko Azoka abenduaren 3tik 8ra bitartean egingo da aurten. Gerediaga Elkarteak aurrez-aurreko Azoka baten aldeko apustua egingo du, Landakon erakusmahaiak jarriz, bisitariak gonbidatuz eta urteroko sortzaile eta kulturzaleen arteko harremanak berreskuratuz, beti ere momentuko osasun neurrietara egokituz eta segurtasuna bermatuz.

Komikia eta feminismoa uztartzeko asmoz, Tupust! kolektiboak izen bereko antologia feministaren lehen alea argitaratu zuen duela bi urte. Emakumezko sortzaileei ikusgarritasun handiagoa ematea zuen xede egitasmoak eta bide beretik jarraituz, bigarren argitalpena kaleratu dute orain. Kolektiboak autoedizioaren aldeko apustua egin du oraingoan eta lehen argitalpena osatzen zuten istorio guztiak ni-a...

Anari Alberdi kantariak Nacho Vegas asturiarraren Vinu, cantares y amor kantuaren bertsioa egin du, euskaraz. Bideoklipa Zarauzko Putzuzulo gaztetxean grabatu dute Alberdiren eta Iker Treviñoren zuzendaritzapean.

Mintzola Ahozko Lantegiak eta Mikel Laboa Katedrak bi ikerketa deialdi jarri dituzte martxan. Urriaren 20ra arte aurkeztu ahal izango dira proiektuak eta lanak. Biek dute euskarazko ahozko kultur sorkuntzari buruzko ikerketa zientifikoa bultzatzeko xedea.

Asanblada, queer edota heteropatriarkal hitzak, besteak beste, gehitu dira Euskaltzaindiaren Hiztegira. Akademiak 592 forma berri jaso ditu azken sei hilabeteotan, eta moldaketa zein berrikuntza guztiak hiztegiari erantsi dizkio.

Karrika Arteak jaialdia egingo dute Hendaian larunbatetik astelehenera bitartean

Hika Teatroak eta Oinkari dantza taldeak 'Gazte' kale ikuskizuna estreinatuko dute, gaur, Hondarribian.

‘Batuz aldatu’, hizkuntza politiketan eragiteko adostasun soziala aurkeztu dute. Euskararen erabilera erosorako baldintzak sortzea da helburu nagusia.

Kerobia taldeak hiru kontzertu eskainiko ditu azaroan, 20. urteurrena ospatzeko. 20an izango da aurrenekoa Galdakaoko Torrezabal kultur Etxean, bigarrena 26an eskainiko dute Iruñeko Baluarte jauregian eta, amaitzeko, azaroaren 27an Azpeitiko Soreasu antzokiko agertokira igoko dira.

Nafarroako emakume bertsolarien ahotsak disko batean bildu dituzte. Bertso idatziei bultzada emateaz harago, Nafarroako emakume bertsolariei ahotsa ematea du helburu proiektuak, elkarren arteko sarea sendotuz.

Asel Luzarraga idazleak Malthusen ezinegona eleberria aurkeztu du gaur Donostian.

Haur eta gazteak euskal literaturara erakartzeko lehen liburu azoka egingo dute urrian, Saran. Antolatzaileek ezinbestekotzat jo dute eskola komunitatearen presentzia azokan eta euskal lurralde guztietako eskolak parte hartzera gonbidatu nahi izan dituzte.

Gatom rap abeslariak ‘Bass Country’ izeneko disko laburra aurkeztu du. Reggae doinuetan oinarritutako lau kanta biltzen ditu lan berriak. Abestiekin kolektibotasuna bultzatu eta jendartearen eraldaketa sustatu nahi izan du abeslariak.

Bost urteko etenaldiaren ostean, Iheskide taldea bueltan da 'Tinko gurean' izeneko disko berriarekin. Elorrioko musikariek, orain hirukote formatuan, zortzi kantuz osatutako lana kaleratu dute. Disko laburra, azkarra eta energiaz beterik datorrela diote.

Ekida egitasmoak ‘Manifestua’ ikuskizuna taularatuko du Elorrion, Gasteizen, Azkoitian eta Berriozarren. Literatura, musika eta eszenografia uztartuz, kantuen eta poesiaren bidez hausnarketa politikoak plazaratzea eta arteak eta artistek duten eginbeharri buruzko galderak egitea da ikuskizunaren asmoa.

Artedramak ‘Keinu’ antzerki ikastaroak antolatu ditu Gernikan. Ziomara Hormaetxek, Maren Basterretxeak eta Eneritz Artetxek eskainiko dituzte saioak maiatzeko hurrengo hiru asteburuetan.

‘Hari izpia hartzen’ jardunaldiek euskal kulturak Nafarroan dituen erronkak izango dituzte aztergai. Aurten bi saio antolatu dituzte: maiatzaren 28an, Atarrabian, eta uztailaren 1ean, Leitzan. Lehenengoan ikusgaitasunaren eta prestigioaren gaiak jorratuko dituzte, eta bigarrenean, berriz, lurraldea eta kulturaren arteko lotura.