Driesestig

‘n Vrou in Auckland in Nieu-Seeland se hart het gaan staan in supermark se parkeerterrein. Sy was tegnies dood, maar het oorleef, en is met ‘n ambulans hospitaal toe. Haar motor het egter vyf en ‘n half ure daar gestaan, en op die ou end het sy ’n boete van $80 dollar gekry.

Marinebioloog Maryke Musson vertel hoe jellievis deesdae gebruik word.

In hierdie week se landbounuus: Bek-en-klouseer-entstofbestellings kan nou op RMIS se platform vir veeartse bestel word; Suid-Afrika is weer ’n netto-invoerder van sekere suiwelprodukte; Kleinhandelverkope van trekkers daal; Suid-Afrika se koring-invoertarief is na nul gewysig.

Prof. Phillip Strydom praat oor Dexterbeeste. Hy vertel hoe hulle in boerdery ingespan word, en die aansprake wat oor hulle vleis gemaak word.

Iemand in Noorweë is nagenoeg R86 000 beboet omdat hulle ‘n boot se mishoring gebruik het om ‘n ysbeer uit hibernasie wakker te maak.

Georgia Abrahams vertel vir Martelize Brink van die Groen Piketberg R366 selfry-toersimeroete. Gaste word genooi om te deel in alles wat die omgewing bied.

Kos- en kultuurhistorikus Hetta van Deventer-Terblanche praat oor die gebruik van lourierblare in kookkuns.

Hulle is almal ouer as sestig, maar oud-skoolhoof Hubert Titus, onderwyser Lukas Minnie en motorwerktuigkundige Leon Hougard het op 28 Junie die pad gevat per fiets vanaf Rundu in Namibië tot in Worcester, hulle tuisdorp. Ons het in Julie met hulle gesels terwyl hulle nog hard besig was om die kronkelpaaie aan te durf. Hulle het intussen veilig op Worcester aangeland. Die span het 2 714 km getrap...

Arbeidsterapeut Lize Visser verduidelik hoe persone ouer as 60 fisieke oefening moet benader.

Trader Joe’s se gewilde speserymengsel, Everything But The Bagel, word in Singapoer en Suid-Korea verbied omdat dit papawersaad bevat. In Seoel sê hulle dat die mengsel positief toets vir morfien en kodeïen, wat opioïede is wat in die papawerplant se sap voorkom.

Wilma Willemse het 'n voorsmakie van die landbouwêreld gekry toe sy by 'n inlegfabriek gewerk het. En toe kies sy ‘n loopbaan in verpleegkunde. Die landboubedryf het egter hard geroep, en op die ou end het Wilma bedank toe sy die geleentheid gekry het om in Amerika op 'n plaas te gaan werk. Sy geniet elke liewe oomblik, vertel sy vir Haidee Muller-Isaacs.

Dr. Henry Abbott vertel van Upington se standbeeld van ‘n kameel en ruiter, wat voor die polisiekantoor staan. Dit bring hulde aan die kameel se rol in die beredepolisie.

‘n Kind wat geweier het om te sit en die veiligheidsgordel vas te gespe, het veroorsaak dat ‘n vlug in Kanada gekanselleer is.

Steven Drotské vertel vir Martelize Brink van Mechelen in België. Hy bring die braai na hulle bierkultuur!

Kortom is een van RSG se gewildste potgooi-besoekpunte, want ‘n groot verskeidenheid kortverhale word Dindagaande om 22:10 daarin voorgelees. Vannaand stel regisseur Johan Rademan ons voor aan Advokaat Piet van Wyk wat in sy bundel, TUSSEN TWEE VURE, sy verskeurdheid as ‘n jong bruin polisieman in ‘n veranderende Suid-Afrika weergee. Die voorleser en bekroonde akteur, Dean Balie, se ouers was beid...

‘n Kragkabel van £430 miljoen het weens klagtes geskuif. Die beplanning was dat dit op ‘n strand deur die simboliese graf van die karakter Dobby uit Harry Potter sou loop.

Veearts dr. Ingrid de Wet beantwoord luisteraars se vrae oor katte en honde.

In hierdie week se landbounuus: Dr. Theo de Jager van Saai en dr. Danie Odendaal van Veearts Netwerk dien nou ook op die Departement van Landbou se Bedryfskoördineringsraad. Die Nasionale Oesskattingskomitee sê die land se verwagte mielie-oes is die grootste op rekord. Gedeeltes van die suidwestelike streek in die Wes-Kaap beleef die droogste Julie nóg. Beoordeling in Agri-Expo se tweede Suid-Afri...

Prof. Phillip Strydom vertel vir Martelize Brink hoe om die verskillende datums op vleisverpakking te interpreteer.

‘n Petrolstasie in die VSA gee mense die geleentheid om te dans, om tot 20% afslag te kry.

Joanie Combrink vertel vir Johan Rademan van Agterplaaas, die RSG-middagvervolgverhaal waarvan sy die regisseur was.

Kos- en kultuurhistorikus Hetta van Deventer-Terblanche gesels oor historiese kosmites, soos dat nachos Meksikaans is.

Niel Germishuys van die Living Large Stigting stap van Swakopmund in Namibië na Mouillepunt in Kaapstad om geld in te samel vir rolstoele.

Op vlerksleeptoepassings kry mense langer as 6 voet by verre die meeste aandag. In Engeland word daar nou partytjies vir enkellopendes gehou, maar jy moet korter as 6 voet wees om in te kom.

Op 1 Oktober 2027 is dit die opening van die Rugby Wêreldbeker-eindtoernooi in Perth, Australië. Die gasheerland se openingswedstryd is teen Hongkong – China. Johan Rademan gesels met die Direkteur van Rugby by Sandy Bay RFC in Hongkong, oud-Vrystater Marno Meyer, wat ook in die afrigtingspan van die Wêreldbekergroep ingesluit is. Die kanse dat selfs Paul Roos Gimnasium en Paarl Gimnasium ook op d...