Driesestig

Koshistorikus Hetta van Deventer-Terblanche praat oor bonekruid.

‘n Dorp in die Filippyne bied 1 peso (sowat 32 Suid-Afrikaanse sent) aan vir elke vyf muskiete of larwes wat ingehandig word, lewend of dood, in ‘n poging om dengue-koors te bekamp.

Kunstenaar Gerhard Human vertel vir Martelize Brink van kunsafdrukke, en wat hy by die Cape Town Art Fair uitstal.

Met die weerpatrone wat al hoe meer onvoorspelbaar lyk, kan die Nelsona Mandelabaai-metro nie 50% waterinkomsteverliese bekostig soos wat nou die geval is nie, sê die Baaise ingenieur David Raymer. Hy is al meer as 30 jaar in die watervoorsieningsbedryf, en hy glo daar moet ’n oorwig kundiges en minder politieke verteenwoordigers op waterbestuursrade dien.

Dieetkundige Valpré Huisamen praat oor die karnivoordieet, en hoe om tekorte in die dieet te oorkom.

‘n Amerikaanse man het amptelik die grootste baksteenversameling. Die oudste steen dateer uit 100 na Christus.

Haidee Muller-Isaacs vind meer uit oor die Hangkliphotel op Pringlebaai, wat die gemeenskap saambring. Woensdagaande is dit bring-en-braai. Dit gaan oor families wat saamwerk, wants dis nie een mens se "day job" nie. Tot die oumas loop rond om te bedien.

China se Chengdu-sneeudorp sit met eier op die gesig nadat hulle watte gebruik het om sneeu na te boots in foto’s vir sosiale media. Dit volg ná buitengewone warm weer gesorg het dat die verwagte sneeu nie in die toersimedorp geval het nie.

Janes Struweg vertel vir Martelize Brink van die lewe in Stavanger in Noorweë. Hy sê dis ‘n mooi land met ‘n baie aktiewe bevolking, en die kos is baie soos boerekos.

Laurette Swanepoel van Twin Trees vertel hoe hulle die vervalle gedenkwaardige gebou in Groot Brakrivier gerestoureer het.

Tydens die Anglo-Boereoorlog van 1899 tot 1902 is ongeveer 25 000 Boerekrygsgevangenes en vreemdelingvrywilligers na kampe in Indië, Ceylon, St. Helena en Bermuda gestuur. Daar het min opgetekende persoonlike ervarings van dié reise bewaar gebly. Die kunstenaarsboek, NA BERMUDA, wat deur Franci Greyling saamgestel is, is ‘n uitbeelding van die krygsgevangenes se reiservarings na dié eilandgroep in...

‘n Bakker in die VSA is hof toe siende dat sy dorp kla oor die kunswerk teen sy bakkery se dak. Hy sê dié handewerk van hoërskoolleerders is kuns, terwyl die owerhede dit meer as ‘n naambord beskou.

Dr. Martine Jordaan praat oor verkleurmannetjies en die interessanthede oor hulle verkleuringsvermoë.

Motorredakteur Marnus Hattingh het Kaapstad se Noordelike voorstede en Tygervallei se woonstelle verruil vir Pringlebaai se grondstrate sonder straatligte. Hy is nie 'n dag spyt nie. Hy ry sy toetsmotors deur Clarence Drive, draf agter in die berge en is die plaaslike drafklub se “trail”-kaptein. Hy swem in die Palmietrivier, en jaag bobbejane uit kombuise voordat daar in die koskaste gekrap is.

Elke Brink van PSG Wealth R21 op Stellenbosch verduidelik hoe ‘n optimale aftreestrategie lyk.

Die VSA en Kanada se onmin het die sportveld bereik. In ‘n yshokkiewedstryd tussen die twee lande het daar die naweek drie gevegte binne die eerste nege sekondes uitgebreek!

Eintlik is hierdie storie te goed om waar te wees. Twee en twintig jaar gelede is die Baaise musikant, Cedric Lewis, se elektriese kitaar, ’n Fender Telecaster, gesteel. Toe kry hy die oproep wat sê: Ons het jou kitaar, kom haal dit. Mariska Spoormaker het by Cedric gaan kuier.

Koshistorikus Hetta van Deventer-Terblache praat oor die Koerdiese Liefdesappel, en die simboliese betekenis van kos.

‘n Vrou in New York se versoek vir haar 104de verjaarsdag was ‘n besoek aan die tronk. Sy is toe daar “ingeboek”, maar is darem baie goed behandel.

Haidee Muller-Isaacs gesels met Lucrecia Petersen, 'n dosent in oudiologie, oor Wêreld Gehoordag, en sy gee 'n paar wenke oor oorgesondheid.

Magda van Dyk vertel vir Martelize Brink dat sy al drie keer liedjies laat opneem het ter nagedagtenis aan haar hondekinders.

Dieetkundige Valpré Huisamen praat oor die rol van aanvullings vir hartgesondheid.

Honderde wetstoepassers en weermaglede in Italië is ingeroep om die aanhangers van ’n TikTok-smaakmaker weg te hou van ’n ski-dorpie. Dit volg nadady haar 2 miljoen volgelinge aangemoedig het om die dorpie in te val. Sowat 10 000 van haar aanhangers het twee weke gelede amok gemaak by ‘n ander ski-oord.

Nelis Engelbercht vertel vir Haidee Muller-Isaacs hoe hy die lewe as skaapboer op Garies opgegee het vir die stadsliggies, en om sy groot passie, fotografie, na te jaag.

Mannas Fourie vertel vir Martelize Brink van mynredding in Suid-Afrika - van wat die wet sê tot wat opleiding behels.