Driesestig

Willem van der Colff vertel vir Martelize Brink van die lewe in Oekraïne, waarheen hy in 1995 verhuis het en in die bediening staan. Met die uitbreek van die oorlog het die gesin Suid-Afrika toe getrek, maar hy gaan twee maal ‘n jaar vir drie maande op ‘n slag terug Oekraïne toe.

Die legendariese oud-balletdanser, dr. Eduard Greyling, stry 'n tweede stryd teen kanker. Dié keer is hy oorgehaal om die siekte wéér te klop met immunoterapie. Die behandeling is egter peperduur, maar daar is altyd hoop, vertel hy vir Haidee Muller-Isaacs.

In China is daar aanlynplatforms waar ouers ‘n gade vir hulle kinders kan soek. Die ouerpare gesels eers met mekaar, dan hoor die kinders van die reëlings.

Maryke Musson vertel vir Martelize Brink van Antarktiese diere wat die Auid-Afrikaanse kus besoek, soos die krapeter-rob wat onlangs in die Strand gesien is.

Charlene van Graan en Bianca Grobbelaar vertel vir Martelize Brink van Natrossie, ‘n inisiatief op Kylemore waar 'n groep nasorg-mammas handgemaakte seep vervaardig en vleg in die vorm van ’n druiwetros.

Dr. Willem Botha praat oor die oorsprong van name soos Wilhelm, Wim, Wimpie en Wilhelmina.

In Chili verouder hulle wyn onder in die see. Die wyn lê vir 8 maande tot ‘n jaar sowat 10 tot 20 meter onder die golwe. Die temperatuur daar is deur die jaar konstant 11 grade Celsius.

Eben Cruywagen vertel van die uitdaging om Eitemal se JAFFIE, ’N ESELROMANNETJIE te verwerk vir radio, en hoe die karakters uit die boek ‘n ander vorm moes aanneem.

Kos- en klutuurhistorikus Hetta van Deventer-Terblanche vertel van soet antieke wors, en dat die woord, poeding, van die Latynse woord vir wors kom.

Amanda Strydom vertel vir Martelize Brink van haar KKNK-herrineringe en -hoogtepunte, en wat sy vanjaar daar doen.

In New York wou die Departement van Motorvoertuie ‘n stop sit aan ‘n oupa se gebruik van sy kampeerwa se nommerplaat, PB4WEGO. Op die ou end het die staat se goewerneur ingegryp.

Toe die Good Hope FM-sportaanbieder en Expresso-vervaardiger, Lorenzo Darries, in 2023 met eindstadium hartversaking gediagnoseer is, was hy nie verbaas om te hoor dat hy 'n nuwe hart sal moet kry nie. Dis immers 'n familiekwaal. Met die hedendaagse tegnologie kon dokters 'n plan maak terwyl Lorenzo op 'n hart wag, en hy het 'n linkerventrikulêre hulpapparaat gekry. Dis 'n meganiese pomp wat ingep...

Aiden Lottering praat oor hipnose, waarmee dit kan help, en die wanpersepsies.

‘n Sewejarige in China het op ‘n video gesê hy sal soveel keer touspring as wat die video “likes” aanlyn kry. Binne ‘n dag was daar al 1,8 miljoen mense wat van die video gehou het!

Petro Uren het as sesjarige by die Herberg Kinderhuis op Robertson beland. Vandag werk sy vir die einste kinderhuis as fondswerwer. Sy glo dat kinders wat in kinderhuise is met absolute deernis en menswaardigheid hanteer behoort te word. Sy is passievol oor haar werk om hulle lewe te verbeter.

Dr. Mandie Uys praat oor die 2 500 jaar oue boek, Die Kuns van Oorlogvoering deur San Tsu, wat steeds voorgeskrewe leesstof is in die Amerikaanse weermag en Japanese sakeskole.

‘n Administratiewe fout by ’n koffeiwinkel het Sophie Downing van Nottingham op papier 100 000 keer ryker as Elon Musk gemaak! Sy het darem nie die glips uitgebuit nie.

Jeanine Maricic vertel vir Martelize Brink van die Wit Stad, Belgrado in Serwië.

Melanie Verwoerd praat oor menopouse, hoe min inligting daaroor in Afrikaans beskikbaar is, en die Grys & Gatvol-potgooi op hierdie tema.

‘n Anonieme skenker het 21 kg goud vir Osaka se Waterburo gegee, met die wens dat die waterinfrastruktuur verbeter word.

Veearts dr. Ingrid de Wet beantwoord luisteraarsvrae oor hulle troeteldiere.

‘n Huis vol teologiese boeke, wat ‘n tuiste in ‘n gerestoureerde kerkie op Williston gevind het, is een manier om kosbare skatte uit die boekdrukkuns, verpulping te laat vryspring. Pierre-Jean Gerber het aan ‘n blink plan gedink om teologiese boeke te bewaar. Johan Rademan het op Wellington tussen olyfbome met hom gesels.

Dr. Willem Botha praat oor Germaanse name soos Carel, Carlos, Kallie, Charl, Karla, Carola en Charlotte.

Die eienaar van ‘n hond in Italië is in die moeilikheid oor rommelstorting. Die hond geleer is om sakke vullis langs die pad neer te sit.

Worsstop is ’n kuns, en daar is baie resepte vir worsmengsels. Willem Viljoen, aanbieder van Vastrap op RSG, verklap ‘n paar geheime oor sy liefde vir wors, en hoe hy selfs sy pa, Ollie Viljoen, vereer met Ollies Sausages. Johan Rademan het met Willem gesels, en dit is amper asof verskillende musiekstyle aansluit by die verskillende worse wat hy maak.