Driesestig

‘n Groot peuselhappie-maatskappy in Japan se verpakking sal nou swart-en-wit wees weens ‘n tekort aan ‘n bestandeel van ink weens die blokkade van die Straat van Hormoes.

Theresa Wernich vertel vir Martelize Brink van Jiaozhou in Qingdao, China, waar sy al drie jaar woon. Seekomkommer en sandwurms is daar gesogte disse.

Ons kyk deur die 100-jarige bril van professor Pierre Volschenk, en hoor wat hy van sommige nuwe kuns dink. Johan Rademan het by sy huis op Gordonsbaai by hom gaan kuier kort nadat hy op 1 Mei vanjaar 100 geword het.

Die sesde jaarlikse Europese seemeeu-kryskampioenskap het onlangs plaasgevind. Deelnemers van 15 lande het in België saamgetrek om te maak soos ‘n meeu.

Chanel Visser vertel vir Martelize Brink van seeperdjieredding, na hulle by die Keurboomsrivier die see in gespoel word weens die geweldige hoë reënval.

In hierdie week se landbounuus hoor ons van ‘n nuwe geval van bek-en-klouseer in die Wes-Kaap; landboumaatskappy NWK open ‘n nuwe tegnologiesentrum; ’n wêreldbekende plaaslike plantpatoloog word vereer; die Suid-Afrikaanse wynbedryf verwelkom China se nul-invoertarief; en die sitrusbedryf toon stabiliteit.

Prof. Pieter Gouws gesels met Martelize Brink oor jou snybord keuse in die kombuis.

Realiteitstelevisiester Queen Mercy Atang het by die Africa Magic Viewers' Choice toekenings in Nigerië opgedaag in ‘n rok gemaak van 500 brode om haar bakkery te bemark.

Hetta van Deventer – Terblanche gesels met Martelize Brink in die DrieSestig speseryroete oor die gebruik van koffie as geurmiddel.

Prof. Michael le Cordeur vertel vir Martelize Brink van die nasionale krisanteskou wat die naweek op Pniel plaasvind.

‘n Duitse toeris is hof toe oor ‘n Griekse vakansie-ervaring wat nie na wense was nie. Hy het min kans gekry om die sonbeddens te gebruik, want ander toeriste het voor sesuur soggengs al hul handoeke op die beddens gesit om hul plek te hou. Op die ou end moes die toeroperateur opdok.

Valpré Huisamen gesels met Martelize Brink in Jonk oor gefermenteerd produkte soos jogurt, kefir, suurkool, amasi en mageu.

‘n 72-jarige Karl Arps van Wisconsin was besig om die tekens van ‘n hartaanval aan studente te verduidelik tydens ‘n KPR-klas, toe hy self ‘n hartaanval kry. Gelukkig kon sy studente tot sy redding kom.

Paulette Govender het besluit om te begin stap ten bate van die geestesgesondheid van gemeentelede in haar kerk in die Paarl. Sy het dalk nie altyd die geld om by te dra nie, sê sy, maar met haar bene is daar nie fout nie. Intussen het sy 'n paar makkers aangemoedig om saam met haar te stap om sodoende geld in te samel vir diegene wat in stilte ly, vertel sy vir Haidee.

André-Pierre du Plessis vertel vir Martelize Brink van Die Promenader, ‘n splinternuwe gedrukte gemeenskapskoerant vir Seepunt.

“Ek sal nooit ’n musiekjuffrou wees nie. Ek sal net drie jaar op ’n plek werk en dan skuif. Ek sal net in stede werk. Ek sal nooit op ‘n klein dorpie bly nie. Ek sal nooit op die platteland aard nie, en ek sal nooit met ’n boer trou nie.” Dit was die onderwyseres Desireé Wentzel se eintlike planne. Tog hét sy toe ’n musiekjuffrou geword. Sy woon al 55 jaar op Bonnievale. En ja, sy hét met ’n boer...

Wanneer nuwe Pokémonkaarte te koop aangebied word, staan mense tou voor die winkeldeur. ‘n Man in Pasadena, Kalifornië, het besluit om só ver voor in die ry in te druk, dat hy sommer gesorg het dat hy die vorige dag in die winkel toegesluit word.

Alwyn Dippenaar vertel van Queensland, Australië, waar hy in die Outback boer. Daar maak hulle beeste met 'n helikopter bymekaar, siende dat die plase enorm is.

Prof. Pierre Voschenk, kunsikoon, leermeester en kunsfilosoof is op 1 Mei 1926 op Paardekop naby Standerton in die destydse Transvaal gebore. Hy is die eerste Suid-Afrikaner wat ‘n doktorsgraad in kuns in Suid-Afrika verwerf het. Johan Rademan het by hom gaan kuier, en gevind dat hy op 100 nog ‘n onblusbare lewenslus het.

In China is 67 000 spook-koekverkopers ontbloot wat deur aanlynbestelplatforms reeds 3,6 miljoen koeke verkoop het. Toe kom die boete...

Werner Smit vertel hoe hy prosteses maak vir diere - van troeteldiere tot kameelperde en renosters.

In hierdie week se landbounuus hoor ons onder meer van ‘n veilingskraal buite Bloemfontein wat sy hekke moes sluit weens ‘n bek-en-klouseer-uitbreking, die Nasionale Oesskattingskomitee se eerste winteroesskatting vir die jaar, die positiewe impak van die hoë pistachiopryse op produksie in die Karoo, en SA Stamboek se jaarlikse elite-toekennings.

Dr. Willem Botha praat verder oor Afrikaanse met ’n Griekse oorsprong, soos Barbara, Helena, Charmaine, Philippus, George, Bartho en Jurie. Hy vertel ook hoekom die Grieke anderstaliges barbare genoem het. Ons hoor ook waar die naam, Ignatius, vandaan kom.

Seoel het Saterdag hulle derde jaarlikse middagslapie-kompetisie aangebied. Honderde mense kom vir dié doel in ‘n park bymekaar. Vanjaar se wenner is in sy tagtigs, en die tweede beste slaper is ‘n 37-jarige kantoorwerker.

Haidee Muller-Isaacs gesels met Leon Oosthuizen oor Wêreld Trekklavierdag wat op 5 Mei gevier word. Hy vertel ook meer van die nuwe kategorie wat geskep is vir vryriet-instrumente by Paarl se Eisteddfod.