بلا هدف - Bela Hadaf

النهاردة عيد ميلادي ال ٣٠ وحاسه اني زي ما اكون باخد قلم علي وشي, و عندي احساس اني لازم ابقي انجزت اي حاجه بسرعة استر بيها نفسي. اسمعوا حلقة النهاردة المميزة جدا و ابعتولي علي ايميل البودكاست belahadaf.podcast@gmail.com   او اكتبولي في الكومنتات بتحتفلوا بعيد ميلادكم ازاي وعملتوا ايه لما تميتوا التلاتين كانت سهلة وبسيطة ولا كنتوا مخضوضين زيي كده.

اخبار رمضان معاكم ايه, بما اننا داخلين علي اخر رمضان حبيت اكلمكم عن الحاجات اللي بتعصبني من البني ادمين في رمضان و ازاي بنمارس فيها اقصي درجات ضبط النفس. اتمني الحلقة تعجبكم ولو عندكم قصص وحكايات بتعصبكم انتوا كمان تقدروا تبعتولي علي الايميل ده belahadaf.podcast@gmail.com او تكتبوها في كومينت وكل سنة وانتم طيبين.

كل سنة وانتوا طيبين ورمضان كريم, الحلقة دي بتكلم فيها عن انواع التعذيب اللي كنت بتعرض لها وانا طفلة صغيرة وازاي كان بيتعمل فيا مقالب علي السحور في رمضان اسوء من مقالب رامز, وازاي ماما وخالاتي حولونا في رمضان من اطفال الي قطاع طرق.

كل سنة وانتوا طيبين ورمضان كريم, الحلقة دي بتكلم فيها عن فطار اول يوم رمضان والمحشي اللي من غير رز ورحلة البحث عن كنافة سادة. وشوية فروقات بسيطة بين رمضان في مصر ودبي عشان رمضان في مصر حاجة تانيه فعلا. 

الحلقة دي بتكلم فيها عن الويك اند و ازاي بقيت احس انه بقي فيه ضغط رهيب وتوقعات بالعبيط والواحد مبقاش عارف هو بيعمل ده عشان هو عاوزه ولا عشان اللي حواليه بيعملوه. وفقرة مخصصة للشاي الأخضر و اد ايه بقي بيضغط عليا هو كمان.

الحلقة دي عبارة عن شوية فضفضة بعن ايه اللي حصلي الشهر اللي فات و عن الامراض اللي بقت عماله تيجي للواحد وهو لسه بيعيش زهرة شبابه و أجمل ايام عمره

الحلقة دي بكلمكم فيها عن رحلتي القصيرة في الإنترفيوهات واللي كانت في مجالين وهما الطب البيطري والجرافيك ديزاين والمواقف الغريبة اللي حصلتلي. الحلقة فيها شتايم عشان المواقف كانت *** اوي

في الحلقة دي حنتكلم عن جدودي الاتنين ربنا يرحمهم وإزاي أنا وصلت للي فيه دلوقتي عشان كان واحد صاحب مزاج وواحد صاحب مبدأ. 

كل سنة وانتوا طيبين, ان شاء الله 2025 تبقي سنة لذيذة. في الحلقة دي حنتكلم عن كمية التوقعات اللي بنحطها لنفسنا في بداية كل سنة والليست اللعينة اللي بتتملي اهداف غير واقعية بالمرة وبينتهي الحال بالليست دي انها بتتأجل من السنة للسنة.

في الحلقة دي حنتكلم عن الصراع اللي عمره ما حيخلص وازاي كل جيل مش طايق اللي قبله وبيحقد علي اللي بعده وكا واحده اتولدت محشورة بين ال millennials وال gen z ححكيلكم شوية من معاناتي والصعوبات اللي واجهتها. انتوا كمان قولولي في الكومنتات عن الصعوبات اللي واجهتوها كجيل؟!

الحلقة دي شخصية جدا, وانا كنت مأجلها بقالي كتير عشان كنت anxious منها شوية, بس حسيت ان الحلقة رقم عشرة دي حاجة كبيرة وكان هدف حطاه لنفسي من ساعة ما بدأت عشان كده حبيت اتكلم في الموضوع. اتمني الحلقة تعجبكم وقولولي رأيكم تحبوا نعمل حلقات تانيه فيها فضفضه واتكلم اكتر عن رحلتي مع الأنكزيتي ولا كفايه كده؟!

ايه اللي ممكن الواحد يعمله في نفسه لما يلاقي نفسه كويس شوية ومرتاح ايوه برافو يدور علي حاجه ينكد بيها علي نفسه ويعكنن يومه فأنا قررت اروح الجيم. الحلقة دي حتكلم عن تجربتي المحدودة جدا وخبرتي في الجيم اللي لسه مجتش وربنا يستر.

حلقة جديدة تقدر تعتبرها شوية مشاركة للخواطر وبنتكلم عن الناس اللي بتصعب علينا حياتنا واللي واخدين الدنيا سباق ولازم يطلع هو الاول في كل حاجة. الموضوع كبير ولسه ممكن يتقال فيه كلام كتير دي بس كانت نبذة عن الناس اللي بحس انهم بيحزقوا وبيصعبوا الدنيا وخلاص. شاركنا برأيك كده في الكومنتات لو قابلت حد صعب عليك الدنيا بلا هدف

وحشتوني اوي والبودكاست وحشني جدا جدا. البودكاست بقاله شهور واقف, في اخر حلقه اتكلمت اني نازلة مصر اجازة  وحرجع اكمل تسجيل تاني و المفروض الموضوع ده كان ياخد شهر, بس الشهر بقي خمسة تقريبا. تعالي احكيلك ايه اللي حصل من ساعة ما حطيت رجلي في الطيارة, ولمحة بسيطة من الكوارث اللي حصلت في الاجازة وايه اللي اخر رجوع البودكاست كل ده.

في الحلقة دي حنتكلم علي الوظايف والمسميات الغريبة اللي بنقابلها في الشغل, والألقاب الكتير اللي بقت موجودة ومحدش عارف الناس دي بتعمل ايه؟! ما تستناش انك تعرف مني هما بيعملوا ايه بس تعالي نستغرب سوي ونشوف حنتعامل مع الموضوع ده ازاي وربنا يستر.

عيد سعيد وكل سنة وانتم طيبين, ناس كتير بتستني العيد الكبير عشان فقرة العجول الهربانة انا بقي كنت بعيشها لايف ودة كان العادي في حياتي. حنتكلم الحلقة دي عن الفقرة دي وكمان عن العيد في الغربة.

كام مرة حبيت تجرب حاجة جديدة او تغير حاجة في حياتك وطلعلك صوت من الخلفية يقولك "مش عيب كده؟ مش كبرت على الكلام ده؟" في الحلقة دي حنتكلم علي الناس اللي بتحشر نفسها في حياتنا وتقعد تحطلك قواعد وقوانين علي ايه اللي المفروض تعمله وتعمله وانت عندك كام سنة كمان. و هل فعلاً لازم نمشي على نفس الطريق اللي الناس اللي حوالينا اتوقعوهلنا؟ ولا نعمل اللي احنا عاوزينه في السن المناسب لينا طالما مش بنأذي حد؟!

في الحلقة دي حتكلم عن اكونت اليوتيوب بتاعي وعلي كمية الفيديوهات العشوائية والمحتوي اللي ملوش علاقة ببعضه اللي بيظهر عندي في الاقتراحات, في الاكونت عندي دايما حتلاقي كل حاجه, اي ان كان المود بتاعك عامل ازاي حتعرف تلاقي حاجة تتفرج عليها. المشكلة ان ٩٠٪ من الفيديوهات دي والمقترحات اللي بتظهرلي بتكون محتاجة للحرق! يعني، حرفياً، المحتوى المعفن اللي بيجيلي في الاقتراحات مش مفهوم ازاي بيظهر. بس بصراحة، ف...

مين فينا مش بيقعد يتخيل اليوم المثالي بتاعه شكله عامل ازاي لحد ما يا عيني يصطدم بأرض الواقع و بحقيقة كونه موظف ويفوق علي الحقيقة المؤلمة انه corporate slave, عاوزين بقي نفكر بره الصندوق شوية عشان نعرف نحقق احلامنا البسيطة دي. فتعالوا نشوف محاولة بسيطة نحافظ بيها علي علاقتنا وسلامنا النفسي وسط العبط اللي احنا فيه

إزاي أواجه الذكاء الاصطناعي بقدراتي المحدودة كبني آدم؟ في الحلقة دي، حشاركم أفكار بتدور في دماغي عن الذكاء الاصطناعي بس بمنتهى الغباء. بنسأل سؤال مهم جداً وهو: هل الذكاء الاصطناعي فعلاً حيخلينا نقعد في البيت؟! أي حد خايف على شغله أو مش خايف، يسمع معانا. كده كده مش بنقول حاجة مفيدة.