AGS Dinamika Preke

Hierdie lewe het ? manier om jou lewe in een oomblik skeef te trek. Onverwags en vanuit nerens kan ons lewens verander. In sulke tye het ons die wete dat ons ? Hemelse Vader het wat altyd daar is vir ons.

Wanneer ons verskonings maak is ons fokus net op onsself, op ons eie vermoë, MAAR mag ons die fokus skuif na God toe want HY IS BY ONS! Dit is SY KRAG nie ons krag nie. Ons kyk na die storie van Moses die "Verskoning Koning" en hoe al sy verskonings hom sy geneesing gekos het.

Wat is jou verwagting vir die lewe of die toekoms? Het jy nog ? verwagting of kyk jy maar wat gebeur? Ons verwagting moet in die Here wees. Daar is ALTYD hoop!

Wanneer mense aan jou en my dink: Is ons die weerspieëling van wat Jesus gedroom het Sy volgelinge moet wees? Kom ons leef met waagmoed soos Hy wil hê.

Die Here het vir ons die Heilige Gees gegee met Pinkster sodat ons as mens deur Hom 'beheer/gelei' kan word. Die natuurlike uitvloeisel en gevolg van die Heilige Gees in ons lewens is ALTYD liefde!

Al voel jy niemand sien die dinge wat jy doen, jou opofferings, jou struggle raak nie, deur Rut se storie vind ons uit dat God ken jou Storie! God sien jou raak & Jy maak saak vir Hom!

Die Here het ‘n baie spesifieke plan en droom oor elke mens so ook oor Dinamika. Die belangrikste is om dit te doen en wees wie die Here ons geroep het. Dit gaan ALTYD oor die Here se eer.

Die Here wil dit wat IN jou pad is UIT jou pad sleep sodat jy OP die pad na Sy wil kan kom. Die lewe is te kort om te talm of langs die pad te gaan stil staan, daar is werk om te doen vir ons Koning.

Ons almal beleef sekere dinge in ons lewens wat maak dat ons net erens wil wegkruip, wegkom en dan maar hoop dinge sal verander. Dis amper soos om in ? grot weg te kruip. Dis nie waar die Here jou wil hê nie. Daar is altyd hoop!

Daar is baie dinge wat ons lewens verander, maar ‘n Ontmoeting met Jesus los jou nooit weer dieselfde nie. Saulus se ontmoeting met Jesus het sy hele lewe verander, alles wie hy was, is deur ‘n nuwe filter gesit.

Wat is op jou skouers? Ons dra swaar pakkies op ons skouers en dit maak ons moeg. Laste en jukke was nooit bedoel vir jou skouers nie, Jesus se skouers het reeds al jou pakkies gedra! Jou skouers is gemaak om God se troon te wees!

Jesus se Opstanding is die fondasie van ons geloof... En sonder dit, beteken Christenskap niks! Ons kan so dankbaar wees vir dit wat Jesus kom doen het, en dat HY LEEF!

Ons geestelike "lockdown" is verby! Jesus het die deur oopgesluit na die troonkamer van ons Vader. Die voorhangsel is van bo na onder geskeur toe Jesus Sy laaste asem uitblaas! Dit is volbring! Die prys is betaal vir ons vryheid, vergifnis en vrede met God.

Palm Sondag is die begin van Jesus se laaste week voor Sy kruisiging op Goeie Vrydag. Al die detail rondom die gebeure wys net weereens hoe God in beheer is van alles - ook van jou lewe!

Ons het al almal klippe gekou in die lewe. Klippe kan groei; wat as ‘n klein klippie in jou skoen begin, kan as ‘n rots in jou hart eindig. In plaas daarvan om klippe in jou hart te dra, kies liewer om te staan op die rots van die eeue. Ps. 95:1 sê: “Laat ons juig oor die rots by wie ons redding vind”.

Jesus het gekom met die NUUT... maar hou ons nie dalk teveel vas aan die OUD nie? Jesus die VOLHEID van God het alles namens ons gedoen sodat ons naby aan God kan wees.

Ons kan so maklik dink ons lewens is lank. Die Bybel leer ons om ons dae te tel en te doen wat ons moet. Daar is minder dae oor as wat ons dink, kom ons los ons merk, kom ons raak mense se lewens aan met Sy liefde.

Dis in die Alleen in die Woestyn tye wat die Here ons ontmoet... Maar die ontmoeting is nie altyd soos ons verwag nie. God kom stoei met Jakob, en in die proses verander sy identiteit.

Die lewe is nie altyd maklik nie. Daar kom moeilike tye en dan is dit nodig om DAPPER te wees. Dapper beteken om sterk gewortel en geanker te wees in God se Woord en dade. Moses stuur 12 verspieders om die beloofde land te gaan verken: 10 kyk na die mense en word bang, Josua en Kaleb bly dapper! Mag ons dapper wees in moeilike tye.

Jy en ek het iets by die Here gekry om te DOEN. Die vraag is nie WAT jy gekry het nie maar HOE ek en jy dit doen is die belangrikste. Kom ons wees mense wat altyd ons beste DOEN.

Waarop bou jy jou lewe? Ons het een van 2 keuse: Sand of Rots. Die belangrikste van alles is om te DOEN wat die Here van ons vra en aan Hom gehoorsaam te wees- dis wat intelligente mense doen.

Aan die begin van 'n nuwe projek of seisoen is mens opgewonde en gemotiveerd. Aan die einde tel jy die slapies en weet dis amper klaar en jy is gereed om sterk te eindig. Dit is maklik om moeg te word in die middel. Die MIDDELSTE DOEN is soms die moeilikste, ons sien dit in die lewens van Abraham en Josef. Hou aan om die regte ding te doen in die lang middelste tyd!

Wat is jou droom/wens/begeerte vir 2024? Miskien is dit nie so moeilik om te bereik nie. Die Here vra van ons om net te DOEN. Ons moet net ons beste te gee en Hom eer. Kom ons wees DOEN-mense in 2024.

In die begin het God Sy lewensasem in die mens geblaas. Dit is waar alles begin, by God. Ook in 2024 is HY die Alfa en Omega . Ons kan kies of ons God se plan wil volg en of ons wil torings bou, soos die mense van Babel. Kies in 2024 om alles wat jy aanpak en elke nuwe dag in God te begin!

Ons probeer soveel keer God se aanvaarding verdien... MAAR! Dis JESUS wat dit namens ons behaal het, en IN HOM sien God ons as Goed Genoeg om in Sy teenwoordigheid te staan.