The real mom show

مع ولا ضد إن الأم تشتغل؟ في آراء كتير قوي حوالين شغل الأمهات وازاي يعملوا بالانس بين حياتهم الأسرية والشغل. ولأن الموضوع ده كبير قوي وفيه زوايا كتير، هنتكلم عنه ونفصصه في كذا حلقة.

في الحلقة بنعرض وبنناقش شوية من اعترافاتكم كأمهات وبنتكلم احنا كمان عن الحاجات اللي ساعات بنعملها غلط بس بنتكسف نعترف بيها. يا ترى ايه هي اعترافات الأمهات؟

في الحلقة دي باتكلم مع سلمى عن ازاي الستات بتشوف اجسامها بعد الحمل والخلفة. يا ترى ليه في ستات كتير مش بتقدر تتقبل التغيرات اللي بتحصل في اجسامها بعد الخلفة؟

في الحلقة دي باتكلم مع سلمى عادل، صاحبة بلوج my purple kirchen وال co-host بتاعتي في الموسم التاني، عن تأثير أمهات السوشيال ميديا على باقي الأمهات باعتبارنا احنا كأمهات جربنا نبقي في الناحيتين. السؤال بقى، هل السوشيال ميديا بتساعدنا نكون أمهات احسن ولا بتضغط علينا؟ 

ضيفة الحلقة الأخيرة في الموسم الأول هي ماما حبيبتي، باتكلم معاها عن طفولتها والأمومة والشغل وحاجات تانية كتير.

حلقة ممتعة مع ضيفة متعددة المواهب، انچي الأتربي. انچي عاملة زي صندوق الدنيا مليانة مفاجآت وبتعرف تشتغل حاجات كتير وتتأقلم على أي وضع. اسمعوا الحلقة علشان مش بس تعرفوا انچي الفنانة، لا كمان انچي الأم!

باتكلم مع ضيفة الحلقة، رانيا سلطان عن تجربتها كأم لأول مرة لطفلين توأم وعن حياتها قبل وبعد الأمومة.

في الحلقة دي بنتكلم عن ازاي الصداقات بتتغير بعد الأمومة بس من وجهة نظر اصحابي اللي مش أمهات!  هنشوف في الحلقة ازاي هم شايفين من وجهة نظرهم علاقتنا اتغيرت وازاي أنا نفسي اتغيرت بعد الأمومة.

في الحلقة دي باتكلم مع ضيفتي وصاحبتي، سلمى عماد، عن قرارها بعدم الانجاب. لو هنتكلم عن حاجة زي دي فالأحسن أننا نجيب المعلومة من مصدرها!

في أول حلقة من حلقات بودكاست the real mom show باتكلم عن التوقعات الغير واقعية اللي بتتحط على الستات من بعد ما بيبقوا امهات.