Spektrum

'n 73-jarige Nkosazana Dlamini-Zuma gee haar steun aan jong leiers in die ANC. Bestaansvissers in Saldanha in die Wes-Kaap betoog teen 'n olieboortoring. Die wêreld wag met ingehoue asem om te sien of NASA in staat is om 'n asteroïde se trajek te verander.

Bykomende wetstoepassers is in Manenberg op die Kaapse Vlakte ontplooi ná die moord op vier bendelede. Drie nuwe windplase gaan gebou word om groenenergie teen 2024 aan die kragnetwerk te verskaf. Vroue in Iran betoog en verbrand hulle hijabs ná die dood van 'n jong vrou, wat glo die land se hidjab-wette oortree het.

Vragmotors is in die visier van kritiek ná verlede week se gru-ongeluk waarby 'n vragmotor en 'n bakkie betrokke was. Vandag is Wêreld-renosterdag en alle pogings om die dier uit die geskiedenisboeke te hou, het min opgelewer. Die Presidentsbeker-gholftoernooi begin in Amerika, maar teen die agtergrond van 'n politieke toutrekkery tussen die PGA en LIV.

Die ramp in Jagersfontein kring uit. Beurtkrag kom die sakewêreld duur te staan. Die verbruikersprysindeks daal effens.

Rampbestuurspanne in KwaZulu-Natal is gereed vir ontwrigtende reën, hael, stormsterk wind en donderstorms. Rioollekkasies in KwaZulu-Natal hou verreikende gevolge in. Gebiede rondom pikkewynkolonies word gesluit vir kommersiële visvang.

Die jongste van die staatsbegrafnisdiens van Koningin Elizabeth II. Beurtkrag het 'n groot impak op besighede - ons praat met 'n ekonoom. Koue en nat weer oor groot dele van die land.

Die eienaars van die diamantmyn op Jagersfontein bevestig dat hy alle mediese koste sal dra ná die slikdamtragedie. Vakbonde vergader vandag met sy lede oor die SAUK se jongste salarisaanbod. Gewapende mans ontvoer 50 inwoners van 'n dorp in Nigerië.

In 'n verrassende skuif word daar besluit om die wanfunksionele stadsraad van die Lichtenburg-gebaseerde Ditsobotla-munisipaliteit te ontbind. President Cyril Ramaphosa vetrek na Amerika vir sameprekings met president Joe Biden. 'n Beraad oor immigrante en die mites oor hierdie inwoners word in die vooruitsig gestel.

President Ramaphosa vlieg binnekort na die Withuis op uitnodiging van president Biden. Verskeie hooggeplaaste gesondheidsrolspelers onttrek aan die SA Tuberkulose-konferensie in Durban. Beter waterinfrastruktuur moet in die Wes-Kaap geskep word omdat dié provinsie 'n warmer, droeër klimaat gaan hê weens klimaatsverandering.

Eskom verhoog beurtkrag tot fase vier. 'n Kenner ontleed Eskom se kapasiteit. Gift of the Givers beskryf die trauma wat hulle in Jagersfontein se slikdamramp beleef. Suid-Afrika se bierbedryf het rekordverkope in die post-Covid-19-periode.

Die konstruksiesektor wys tekens van herstel in die tweede kwartaal. Ons kry die jongste oor president Ramaphosa se besoek aan Jagersfontein ná die myndam-tragedie. Ons saai uit by die Augrabies-waterval Nasionale Park in die Noord-Kaap as deel van Nasionale Parke Week.

Koningin Elizabeth II se dood word wêreldwyd betreur. Ons kry reaksie van Suid-Afrikaners in Engeland, en vind meer uit oor wat nou vir die Britse monargie voorlê. Opposisie-partye spreek hulle misnoë uit nadat die Reserwebank die president nóg tyd gee om te antwoord op bewerings dat hy die wet op buitelandse valuta oortree het.

Die verbod op die vervoer van vee opgehef. COVID het wêreldwyd geletterheidvlakke benadeel Eskom sê hy is verjeug oor die betaling van R30 miljoen rand deur die Eskom pensioenfonds as deel van 'n hofuitspraak oor pensioen wat aan Brian Molefe uitbetaal is.

Daar is onsekerheid oor hoe bek-en-klou-seer vleispryse en kleinboere sal raak. Parlementslede is die josie in nadat hoofregter Raymond Zondo sê hulle kan nie met die stryd teen staatskaping vertrou word nie. Die Internasionale Atoomenergie-agentskap beveel aan dat alle militêre magte van die Zaporitsia-kernkragsentrale onttrek word.

Die DA betoog teen die minister van polisie, Bheki Cele, maar 'n kenner sê Cele is dalk nie so slegte polisieminister nie. Visregte vir kleinskaalvissers word heropen. Die Valke maak gereed vir nog 'n rondte arrestasies in die staatskapingsage.

Britte sal vandag weet wie hulle nuwe Eerste Minister is. Ons hoor wat dit vir Suid-Afrika kan beteken. In Suid-Afrika is daar ook strominge dwarsoor die politieke spektrum wat tot nuwe premiers en burgemeesters kan lei. Verskeie regeringsdepartemente en wetstoepassingagentskappe span saam met 'n omstrede projek om mense met "onverklaarbare rykdom" te vervolg.

Suid-Afrikaners kry ná 24 jaar nuwe rybewyse. Joe Biden trek sy bokshandskoene aan. Tegnologie word ingespan om wiskunde makliker te maak om te leer.

Ons bespreek die hofuitspraak oor eksplorasie langs die Wildekus. Die Speaker van die Johannesburg Metro word uit die kussings gelig. Die Bloutrein gaan weer loop.

Misdaadstatistiek is misleidend, sê 'n kenner, maar intussen leer Suid-Afrikaners om hulleself te beskerm. Toonnaels in jou boerewors? Ontspan, dit is net koljandersaadjies... 'n Koffietafelboek oor pleegouers en weeskinders het pas verskyn.

Die polisie word beskuldig van die sekondêre teistering van agt bendeverkragtingslagoffers verlede maand by West Village in Krugersdorp. Maatskaplike werkers betoog en eis werk van die regering. Die laaste lid van 'n stam in die Amasone sterf.

Het die skeidsregter Saterdag die Springbokke in die stryd teen die Wallabies laat sneuwel? Dis waaroor luisteraars wonder. Transnet hoës in die hof weens die lokomotief-tenderkorrupsie. NASA lanseer vandag 'n reusagtige vuurpyl na die maan.

Korrupsie vier hoogty in skole. Die toekoms van miljoene Ethiopiërs is in die weegskaal met rebellegroepe wat glo humanitêre voorrade buit. Ons praat met 'n kenner oor die burgeroorlog in Ethiopië, wat ná 'n brose vrede weer opgevlam het. Die eerste Afrikaanse dramareeks op die stroomkanaal, Netflix, begin vandag.

Die "Kill the Boer"-saak teen die EFF is in die Johannesburgse Hooggeregshof met koste van die hand gewys. Die DA en die EFF versoek dat die LUR vir Gesondheid in Limpopo se kop rol. Op Internasionale Tweedehandse Kleredag kyk ons na die stand van dié bedryf.

Eskom beplan om die kragtoevoer na die Tshwane Metro af te sny weens wanbetaling. 'n Tuberkulose-spoedtoets sal dalk binnekort in Suid-Afrika beskikbaar wees. Die oorlog tussen Rusland en Oekraïne woed reeds ses maande lank.

Die fluitjieblaser oor staatskaping, Vytjie Mentor, sterf. Verskeie strande in die Ethekwini-metrogebied gesluit weens hoë vlakke van E.coli in die water. Die Pan-Afrika parlement versoek politieke partye in Angola om seker te maak dat die verkiesing môre vreedsaam verloop.