Driesestig

Carolina van der Westhuizen, Michelle Robertson en Drikus du Toit vertel vir Johan Rademan hoe hulle hulle redenaarsvermoë gebruik vir outismebewusmaking. Michelle en Drikus is leerders aan Hoërskool Merensky in Tzaneen. Carolina is die eienaar van Podiumpret, ‘n opleidingskompetisie.

By die Born Free-bewaringsorganisasie op die Shamwari-wildreservaat in die Oos-Kaap, hoor Haidee Muller-Isaacs meer van gewese sirkusleeus se nuwe tuiste. Een van die medestigters van Born Free is die Britse aktrise, Virginia McKenna, wat in die gelyknamige fliek verskyn het.

Bennie Howard gesels oor sy dae agter die mikrofoon, as deel van RSG se 85 jaar van Afrikaanse radio-vieringe. Hy was onder andere daar toe Monitor begin het.

Chris Swanepoel gesels oor sy dae agter die mikrofoon by RSG, as deel van die vieringe van 85 jaar van radio in Afrikaans.

Die Kalahari is 'n uitgestrekte dorre tot halfdorre sanderige gebied. Dit is tans in die nuus vir die uitgebreide brande wat daar woed. Brandbestrydingspanne het gister (11 Oktober 2022) na vyf dae steeds gespook om die brande in die Kuruman-omgewing in die Noord-Kaap onder bedwang te bring. Jacqui January kyk na die oorsaak van die brande, die ekologiese impak daarvan, en die reaksie van besoeker...

Frans Ferreira vertel van ‘n projek in die Noord-Kaap, waar die son gebruik word om elektrisiteit op te wek, en sout gebruik word om dit te stoor.

Dawie Botha vertel vir Johan Rademan en Martelize Brink van die myne in Mpumalanga.

Martelize Brink gesels met Berene Sauls by Cape Wine, wat as au pair op ‘n wynplaas begin het, later in administrasie betrokke geraak het, en vandag die eienaar van Tesselaarsdal is, waar haar eie wyn geproduseer word.

Alewijn Dippenaar gesels met Johan Rademan en Martelize Brink oor vanjaar se OCC-rolstoeluitdaging op George.

Pierre Strydom vertel vir Martelize Brink van sy skaaphonde. Kyla is die Suid-Afrikaanse kampioen. Sy ander hond, Mac, gaan saam met Kyla in ‘n span van vyf, Suid-Afrika in Noord-Ierland verteenwoordig by die 2023 Wêreldkampioenskap.

Haidee Muller-Isaacs gesels op Prins Albert met Ragel GweGwe, alombekend as Tannie Rallie. Sy is 'n gemeenskapswerker wat kos aan behoeftige kinders voorsien. Sy vertel hoe sy, soos sy dit stel, 'n roosterkoek kan rol.

Karel du Preez vertel vir Martelize Brink van Nelson Mandelabaai Universiteit se nuwe hommeltuigeenheid.

Almie Louis vertel vir Martelize Brink hoe jy decoupage doen.

Haidee Muller-Isaacs is by die Fransie Pienaar-museum op Prins Albert, waar sy na die Outa Lappies-uitstalling gaan kyk.

Melun Jephta vertel vir Martelize Brink van ‘n organiese gemeenskapsgroentetuin wat sy in die vissersdorpie, Hawston, begin het.

Bianca Flanders gesels oor stories wat gebruik word om vir kinders sedes en waardes te leer.

Coenie de Villiers gesels met Johan Rademan en Martelize Brink as deel van ons vieringe van 85 jaar van Afrikaanse radio. Hy deel sy herrineringe en vertel wat hy van sy radiodae mis.

Elmarie Theron gesels oor haar knoffelboerdery op Upington.

Dean Balie vertel vir Johan Rademan en Martelize Brink van sy grootwordjare in die Noord-Kaap, sy rol in Kat and the Kings, en waaraan hy deesdae werk.

Marli du Toit gesels met Johan Rademan en Martelize Brink oor borskanker en die ondersteuningsprojekte vir mense wat daardeur geraak word.

Dawie Botha vertel vir Johan Rademan en Martelize Brink van die Pongolapoortdam in KwaZulu-Natal.

Annemi Boshoff vertel vir Haidee Muller-Isaacs van 'n besonderse klavier, wat al donkiejare soos goud in hulle familie opgepas word. Dit word gereeld vir spesiale geleenthede ingespan. Die oorspronklike eienaar van die klavier was haar ouma se broer, niemand anders nie as Oom Albie Louw, die bekende operasanger, komponis, pianis en koorleier.

Santie Terreblanche praat oor die jeug se geestesgesondheid.

Karen Wilson vertel vir Martelize Brink van die werk wat Cat Angel Refuge in Zeerust doen in 40 afgeleë dorpies aan die grens met Botswana.

Rosa Kruger gesels met Martelize Brink nadat sy in Decanter se heldesaal opgeneem is vir haar werk met ou wingerde en ouwingerdwyne.