Community Church - Plattdeutsch

“Un stalt junt nich soo han aus dise Welt deit. Jie sellen derch june niee Jesennunk veendat woaren, daut jie weeten kjennen, waut Gott sien Wellen, waut goot, aunjenäm un volkomen es.” - Reema 12:2

“Kjeena kaun twee Haren deenen. Hee woat eenen nich lieden kjennen un von dän aundren väl hoolen. Ooda hee woat aun eenen henjen un dän aundren veachten. Du kaust nich Gott deenen un daut Rikjtum.” - Matäus 6:24

“Aus dee dän Harn deenden un fausten deeden, säd de Heilja Jeist to an: Sondat mie Barnabas un Saul auf, daut to doonen wuatoo ekj an jeroopt hab. Aus see dan jebät un jefaust hauden, läden see an de Henj opp un leeten an gonen.” - Aposteljeschicht: 13:2-3

“Un wan jie bäden, sell jie nich soo doonen aus de Heichla, dee jieren en de Schoolen un opp de Gausssenakjen stonen un bäden, soo daut de Menschen an sennen sellen. Ekj saj junt en Woarheit, de haben äaren Loon wajch.” - Matäus 6:5

“Seet junt väa, daut jie jun fromm sennen nich doaropp ver Menschen eewen, daut jie wellen jeseenen sennen, wiels dan hab jie von jun Voda em Himmel aul met kjeenen Loon to räakjnen." - Matäus 6:1

“Oba jie motten volkomen sennen, jrod soo aus jun Voda em Himmel volkomen es.” - Matäus 5:48

“Oba jie motten volkomen sennen, jrod soo aus jun Voda em Himmel volkomen es.” - Matäus 5:48

“Du saust dän Harn, dienen Gott, met dien gaunzet Hoat goot sennen, un met diene gaunze Seel, un met aul diene Jedanken. Dit es daut jratste un ieeschte Jeboot. Un daut tweede Jeboot es met dit jlikj: Du saust dienen Noba jrod soo goot sennen aus die selfst.” - Matäus 22:37-39

“Jie sellen junt no miene Ordnungen rechten un miene Aunwiesungen jehorchen. Ekj sie de Har, jun Gott.” - 3 Mose 18:4

“Een jiedra saul siene Gow, dee hee jekjräajen haft, brucken dän näakjsten toom gooden to deenen, aus een Vewaulta, dee met Gott siene Jnodengowen tru omjeit. “ - 1 Petrus 4:10

“Halpt eena däm aundren siene Laust droagen un doaderch doonen, waut Christus sien Jesaz velangt.” - Galata 6:2

“Soo aus wie aun eenen Kjarpa väl Jläda haben, un dee Jläda oba nich aula daut selwje to doonen haben, soo sent wie väle, een Kjarpa en Christus, un uk unjarenaunda sent wie Jläda aun eenen Kjarpa.” - Reema 12:4-5

Gott haft dän Harn Jesus aules unja de Feet jelajcht un am aus väaschta äwa siene Jemeent jesat. De Jemeent es sien Kjarpa, en däm hee selfst läft, doaderch, daut see derch am un von am aules jekjräajen haft. - Efeesa 1:22-23

“De Jemeent es sien Kjarpa, un hee es de Kopp (daut Haupt). Von am kjemt daut Läwen, un hee es de Ieeschtjebuarna von de Doodes, daut hee en aules dän ieeschten Plauz haft.” - Kolossa 1:18

“Aus dit äwa wia, sach ekj von aule Raussen, Volkjsstam, Sproaken un Menschen, eene Häad, dee kjeena talen kunn, ver dän Troon bie daut Laum en witte Kjleeda stonen, met Paulm Asta en de Henj. Un dee schrieejen met lude Stemm: ‘Onse Radunk kjemt von onsen Gott, dee opp däm Troon sett, un von daut Laum!’” - Openboarunk 7:9-10

“Loft Gott, onsen Harn Jesus Christus sien Voda, wiels sien Metlieden wia soo groot, daut hee ons niejebuaren haft to eene läwendje Hopninj, doaderch daut hee Jesus Christus vom Doot oppwuak…” - 1 Petrus 1:3

“Een jiedra saul siene Gow, dee hee jekjräajen haft, brucken dän näakjsten toom gooden to deenen, aus een Vewaulta, dee met Gott siene Jnodengowen tru omjeit.” - 1 Petrus 4:10

“Wäa oba Gott sien Wuat nojeit, bie däm es de Leew to Gott volkomen jeworden. Wäa doa bekjant, en Christus to sennen, sull uk soo läwen aus Christus jeläft haft.’” - 1 Johanes 2:5-6:

“Ekj hab doarenn goode Hopninj, daut dee, dee daut goode Woakj en junt aunjefongen haft, dee woat daut uk foadich moaken bat aun Jesus Christus sienen Dach.’” - Filippa 1:6

“Oba jie sent een utjewäldet Volkj, dän Kjennich sien Priestatum to sennen, een heiljet Volk, Gott sien ieejnet Volkj, daut jie aundre sajen sellen woo wundavoll dee es, dee junt utem diestren rut jerat, un en sien wundaboaret Licht jestalt haft.” – 1 Petrus 2:9

“So aus een Voda Metleet haft met siene Kjinja, soo haft de Har Metleet met dee, dee am ferchten. Hee weet von waut wie jemoakt sent; hee denkjt doaraun, daut wie bloos Stoff sent.” - Psalmen 103:13-14

Oba wan de Heilja Jeist äwa junt komen woat, woa jie Krauft kjrieen, un jie woaren miene Zeijen sennen, en Jerusalem, en gaunz Judäa, en Samaria, un äwa de gaunze Welt. - Aposteljeschicht 1:8

Hee haft ons ut de Jewault vonne diestre Machten rut jerat, un haft ons nenn jesat en daut Rikj von sienen leewen Sän, Jesus Christus. En Jesus hab wie onse Radunk, daut meent, Jesus haft ons onse Sinden vejäft. - Kolossa 1:13-14

“Gott säd to Moses: ‘Ekj sie, dee ekj sie.’ Un hee säd, ‘Soo saust du to de Israeliten sajen, ‘Ekj sie’, haft mie no junt jeschekjt.’” - 2 Mose 3:14

“De Himmel räden kloa von Gott siene Harlichkjeit, un loten ons sien Hauntwoakj seenen.  Een Dach rät doavon toom näakjsten Dach, un eene Nacht to de näakjste.” - Psalm 19:2-3