Community Church - Plattdeutsch

“Oba sieekjt daut ieeschte no Gott sien Rikj un no siene Jerajchtichkjeit. Dan woa jie daut aundre uk aula kjrieen. - Matäus 6:33

“Sän, denkj doaraun, daut du dien goodet en diene Läwestiet jekjräajen hast, un Lazarus em Jäajendeel kjrieech beeset. Nu oba woat hee jetreest, un du hast diene Kwol.” - Lukas 16:25

“Wäa Uaren haft toom hieren, däm lot hieren.” - Matäus 13:9

“Hee säd: ‘Du saust Gott, dienen Harn, von gaunzem Hoat, von gaunze Seel, met aul diene Kjraften, un aul diene Jedanken goot sennen, un dien näakjsten saust du soo goot sennen aus die selfst.’” - Lukas 10:27

“Daut es soo aus een Sampkuarn, daut een Maun en sien Goaden seid; un daut woss un wort een groota Boom, un de Väajel unja däm Himmel kjeemen un buden sikj äare Nasta en siene Asta.” - Lukas 13:19

“And whoever exalts himself will be humbled, and he who humbles himself will be exalted.” – Matthew 23:12

“Wäa von junt, wan hee 100 Schop haud, un eent von dee velua, wudd dan nich de 99 opp de Stap loten un no daut veloarne sieekjen, bat hee daut funk? - Lukas 15:4

Aus de Menschen schleepen, kjeem sien Fient un seid Onkrut mank sien Weit, un jinkj doavon. - Matäus 13:25

“Dann brochten aule Takskollakjta un Sinda sikj noda no Jesus, am to hieren.” - Lukas 15:1

“Sien Har säd to am: Du gooda, trua Kjnajcht, du hast goot jedonen. Du best äwa weinich tru jewast, ekj woa die äwa väl saten. Go un frei die met dienen Harn met!” - Matäus 25:21

“Mucht Gott selfst, de Frädens Gott, junt derch un derch heiljen, un junen Jeist un Seel un Kjarpa onbeschädicht un rein bewoaren, bat ons Har Jesus Christus wadakjemt.” - 1 Tessalonicha 5:23

“Siet emma froo. Hoolt aun met bäden. Siet en aule Loagen dankboa, wiels Gott daut en Christus Jesus von junt velangt.” - 1 Tessalonicha 5:16-18

“Jesus storf fa ons, soo daut wie nu, auf wie schlopen ooda waka sent, met am toop läwen kjennen.” - 1 Tessalonicha 5:10

“Met dise Wieed treest junt unjarenaunda.” - 1 Tessalonicha 4:18

“Jie weeten, waut wie junt derch däm Harn Jesus aunjeordent haben.” - 1 Tessalonicha 4:2

“Kjinja sent een Säajen vom Harn; Kjinja sent een Jeschenkj von am.” - Psalmen 127:3

“Mucht jie ennalich stoakj woaren, un jeheilicht un rein ver Gott onsen Voda stonen, wan ons Har Jesus met aul siene heilje komen woat.” - 1 Tessalonicha 3: 13

“Aus wie daut ieescht nich lenja uthoolen kunnen, beschloot wie, auleen en Ateen trigjtobliewen, un onsen Brooda Timotäus, dee uk fa Gott oabeit un daut Evangelium von Christus prädicht, no junt to schekjen. Hee sull junt em Gloowen oppbuen un Moot toospräakjen…” - 1 Tessalonicha 3: 1-2

“Wie danken Gott uk pinkjlich doafäa, daut jie daut Wuat, daut jie von ons hieeden, aus Gott sien Wuat aunneemen, un nich aus Menschenwuat. Daut es werkjlich Gott sien Wuat, un daut wirkjt en junt, en junt dee doa jleewen.” - 1 Tessalonicha 2:13

“Breeda, jie weeten selfst, woo wie no junt kjeemen. Un daut es nich vejäfs jewast. Wan wie en Filippi uk lieden musten un schlajcht behaundelt worden, kjrieej wie derch onsen Gott doch fresch Moot un brochten junt daut Evangelium, wan uk jäajen grooten Wadastaunt.” - 1 Tessalonicha 2:1-2

“Wie denkjen onen opphieren doaraun, woo jie em Gloowen wirkjen, woo besorcht un leeftolich jie fa dän näakjsten sent, un woo jie soo faust opp dän Harn Jesus Christus hopen.” - 1 Tessalonicha 1:3

“See es met Krauft un Iea jekjleet, see es nich om dän morjeschen Dach beduat.” - Spricha 31:25

“Dise oba sent jeschräwen, daut jie jleewen kjeenen, daut Jesus de Christus, Gott sien Sän, es, un daut jie derch dän Gloowen en sienen Nomen daut Läwen haben.” - Johanes 20:31

“…Un Jesus säd to Simon: ‘Fercht die nicht! Von nu aun woascht du Menschen jriepen.’” – Lukas 5:10b

"Saul fruach: Har, wäa best du? Un de Har säd: Ekj sie Jesus, dän du vefolchst. Die woat daut schwoa woaren jäajen de Stachels to schlonen.” - Aposteljeschicht 9:5