Test

Muturrera iritsi da adimen artifiziala eta adituaren arteko borroka. Hil ala bizikoa, bientzat. Adituak egoeraren kontrola berreskuratzeko adimen artifiziala reseteatzea beste erremediorik ez du ikusten. Hori uste baino zailagoa gertatuko da ordea.

Buruzagiak testa bertan behera uztea hobe dela pentsatzen du, jada ez da segurua. Izan ere, adimen artifizialak etsai gisa ikusten du jada aditua, arriskutsua dela beretzat ulertuko du. Kartak mahai gainean jartzeko unea heltzen ari da ordea, eta ezusteko datu harrigarri bat azaleratuko da.

Autobusaren istripuan gertatutako hainbat datu berri ezagutuko ditugu. Adituak testaren azken fasera igaro eta adimen artifiziala estutzea erabakitzen du. Horrek bien arteko tentsioa eta areriotasuna areagotuko du, ustekabeko ondorioak eraginez.

Adituak gero eta arreta gehiagorekin ibili behar du, adimen artifizialak testaren helburua zen den asma ez dezan. Hirugarren saioa “Ez-Froga” bat da. Libreko ariketa bat, nolabait esateko. Hutsunearen aurrean adimen artifizialak nola jokatzen duen ebaluatzeko test bat. Errealitate birtualaren bitartez, mugarik gabeko leku mortuetara bidaiatuko dute biek, adituak eta adimen artifizialak.

Lehen eguneko saioaren ondoren, elkar tentatuz jarraitzen dute adituak eta adimen artifizialak. Buruzagiak aholkatu dionari jarraiki, bere hitzak asko zaintzen ditu adituak, testak benetan zein helburu duen jakin ez dezan. Bigarren saio honetan bideo-joko ezagun baten simulazioa erabiliko du proba gisa, adimen artifizialaren erasokortasuna mugara eramanez.

Istripu baten ondorioz hamazazpi hildako egon dira, haietako lau adin txikikoak. TASK multinazionalak garatutako adimen artifizial aurreratu bat egon daiteke horren atzean eta, agian, ez da istripua izan. Adimen artifizialak bere buruaren kontzientzia hartu eta bere kasa jokatu duen jakiteko itaunketa hasiko du adituak.

Otsailaren 2tik aurrera, “Test” soinu-fikzioa eskainiko dizu GUAU atariak 6 ataletan banatuta.“Test” thriller psikologiko murgiltzailea da, entzulea pertsona baten eta adimen artifizial baten arteko xake partida mentalean barruratzen duena. Pertzepzioaren muga galdu dezakezu podcastean zehar. Ekintza, proba-laborategi itxian gertatzen da eta, une batzuetan, itogarria da ULU Mediak EITB Mediarentza...