台語講自然 Tâi-gí kóng tsū-jiân

今仔日欲紹介的是寶可夢的46號和47號，in是派拉斯kiau派拉斯特。 聽in的名你感覺in是啥物生物？其實，in是寄生蟲喔！ 本集來紹介一款寄生的tship-á類，號做袋仔蟲。 啥物是tship-á？袋仔蟲閣是啥？In和蟳仔閣有啥物關係？ 今仔欲紹介的出名人是現此時閣咧科學界做kiau tship-á有關的研究的學者，陳國勤教授。 講陳教授講講咧竟然講到中央研究院的開放日？到底是發生啥物代誌？ 今仔的故事時間，咱對袋仔蟲的角度來講故事。 -- Host...

今仔日欲紹介的是植物——佇寶可夢內底是臭臭花和霸王花，真正的世界叫做大王花。 台灣無大王花，按呢欲佇佗位才揣會著？大王花有啥物特別的？ 頭一个描述大王花的人是…? 今仔日小火龍請假，所以故事時間是阿熒講我去揣大王花的代誌。 趕緊來聽喔！ -- Hosting provided by SoundOn

今仔日欲紹介的是夜婆，你敢知影全世界有偌濟種夜婆？台灣有幾種的夜婆咧？ 台灣上捷看著的是東亞夜婆，熱天可能閣會看著小黃夜婆； 台灣上大的夜婆是飛猫仔（pue-bâ-á），中文叫做台灣狐蝠。 除了東亞夜婆、小黃夜婆和飛猫仔，閣有一種叫做倒吊蓮的黃金夜婆喔。 你敢有想過夜婆欲按怎放尿放屎？夜婆閣會當做漢藥呢！ 東方和西方對夜婆的印象閣是按怎的咧？ 做伙來聽今仔日的podcast。 -- Hosting provided by SoundOn

今仔日紹介的是第39號和40號的寶可夢精靈，in是大箍圓仔kiau粉紅大箍圓仔。 In的特徵，予阿熒想著一種傳說的生物——人魚！ 世界上敢真正有人魚？In其實可能是海牛和儒艮（Jû-kún，閣叫海和尚）。 海牛和海和尚生活佇佗位？台灣敢看會著？ 今仔的故事時間，小火龍講一个日本人魚的故事；阿熒講的是西方的人魚傳說。 另外講一个趣味的標頭（phiau-thâu，logo的意思），逐家敢有注意過Starbucks的標頭， 伊和人魚有啥物關係？就來聽今...

今仔日欲紹介的是六尾kiau九尾，in的原型是和狗仔有親情關係的狐狸喔！毋過台灣無原生的犬科（狐狸、狗仔、野狼）動物。 若是台灣原生動物內底敢有啥物動物和狐狸親情關係較接近的咧？台灣烏熊、果子猫和臭羶猫，佗一種和狐狸的關係上接近？！ 原來台灣烏熊和臭羶猫kiau狐狸的親戚關係是比果子猫kiau狐狸閣較接近喔！咱今仔就小可來紹介臭羶猫喔！ 臭羶猫是台灣原生的野生動物，in為啥物叫做臭羶猫？in和痟狗病（狂犬病）有啥物關...

今仔講的是皮皮和皮可西，in和月娘有關係，所擺咱這擺欲講月娘閣有和月娘有關係的一類生物。 彼款生物就是珊瑚！到底珊瑚和月娘有啥物關係？佇podcast講予你聽喔！ 這擺的參考資料嘛囥佇遮予逐家參考。 https://www.pnas.org/doi/epdf/10.1073/pnas.2101985118 今仔日欲講的是斯文豪無予人記錄著的趣味的代誌，閣有故事時間是一个家己編的故事， 咱做伙來聽喔！ -- Hosting provided by SoundOn

今仔日是特別節目，咱欲來紹介啥物叫做染色體（Chromosome）。 欲紹介染色體進前愛先知影咱身軀內底有一个叫做細胞（Cell）的物件 細胞和染色體有啥物關係？閣和DNA有啥物值代？ 就來聽今仔日的podcast喔！ -- Hosting provided by SoundOn

寶可夢這擺欲講的攏總有6種生物！ In是寶可夢內底頭一組公的和母的外表無啥仝款，臆看覓這擺予阿熒想欲紹介啥物生物予逐家知？ 是鴨喙獸！！想袂到hooh！？是按怎是鴨喙獸？in閣有啥物秘密？ 和鴨喙獸有關的出名人是誰？In咧看鴨喙獸的時陣有啥物趣味代？ 上尾小徛鵝大放送，一擺講兩的故事予逐家聽喔！ 這擺故事時間的故事是遮來的： https://www.unsw.edu.au/research/platypus-conservation-initiative/the-platypus -- Hosting...

這擺欲透過寶可夢紹介的是華語叫做“穿山甲”的鯪鯉（lâ-lí）。 你敢知全世界攏總有幾種鯪鯉？有一種鯪鯉叫做神秘鯪鯉，是按怎會號這个名？鯪鯉除了拄著人類補掠的危機以外，閣有另外一个閣較嚴重的危險喔！愛按怎予in避免遐的危機咧？ 這擺的出名人欲紹介的是日本時代的博物學家——楚南仁博。伊和鯪鯉有啥物關係？故事時間欲講的是一張足有科技感的圖，小徛鵝會按怎講這个故事咧？ 咱做伙來聽！ https://a-ying.tw/podcast -- Hostin...

逐家好，今仔日咱欲來講的就是彼隻頂港有名聲下港有出名的Pokemon——pikachu！ Pikachu的原型，可能是鳥鼠、可能是一類英語叫做pika、台語叫做鳥鼠兔仔的兔仔，嘛有可能是膨鼠，pika咱台灣無，鳥鼠已經紹介過矣，咱就來用pikachu紹介膨鼠looh！ 台灣的原生膨鼠有三種，號做黃腹膨鼠、金瓜鼠、赤腹松鼠，in佇佗位看會著，閣有啥物特徵？ 去公園有時會看著人咧飼膨鼠，按呢會有啥物問題？ 今仔日無出名人的紹介，毋過欲講一篇足趣味的...

這擺欲和逐家紹介台灣的六種毒蛇閣有in的毒性類型； 毒性和蛇的種類按怎記較好記咧？小徛鵝佇這集講予你知喔！ 蛇予蛇咬著欲按怎做？按怎查佗一間病院有血清？衛福部的網站會當查著喔 https://smis.cdc.gov.tw/smis/Application/AA/AA99/AA9904_01.aspx 今仔日紹介的出名人是杜聰明博士，伊和蛇毒有啥物關係？伊閣有啥物其他的研究成果？ 落尾的故事時間是看圖講故事，來聽小徛鵝按怎講、若是你，你會按怎講這張圖咧？ 做伙來聽這...

今仔日講的是分類 對生物界上基本的分類——界、門、綱、目、科、屬、種——來紹介， 學名閣是按怎號的？ 今仔的故事時間是用一張圖來講分類，若是你來分，你會按怎共彼張圖內底的物件分類咧？ https://www.instagram.com/p/DXyCce7j5tr/ -- Hosting provided by SoundOn

這集欲講的閣是鳥仔矣！ 你敢知影目前為止世界上上大kiau上細的鳥仔是誰？In有偌大偌細？ 21號的鳥仔性地足䆀/歹，佇咱的世界敢嘛有遮呢歹的鳥仔？In有閣是誰？ 頂一回講著分類內底的“目”，這擺紹介另外一个名詞“亞種”。 台灣特別的鳥仔亞種逐家應該攏聽過in的叫聲，in就是華語叫五色鳥的花仔和尚。 In拄著啥物生存危機？閣會當按呢避免這寡危機？ 今仔的出名人欲紹介的是日本學者黑田長禮，伊是共台灣足濟鳥仔號名的研究學者； 故...

鳥鼠佇英語內底有兩款，一款是mouse另外一款是rat，in 兩款有啥物無仝？ 鳥鼠是囓齒目內底的生物，這擺肚胿仔問我為啥物是用“目”毋是類，阿熒佇這集內底嘛有簡單講，希望囡仔兄囡仔姊會當小可了解。 鳥鼠敢會當食？若是會使食你敢想欲食？平常時摸著鳥鼠愛按怎？ 台灣上大隻的鳥鼠叫做鬼仔鼠，嘛有人叫伊山貉（suann-hô），伊是台灣原生種抑是古早時代人紮來的咧？ 這集的出名人予紹介的是青木文一郎，伊對台灣有啥物貢獻？ 這擺的...

今仔日欲紹介的是鳥仔。你敢知影全世界目前有偌濟種鳥仔？ 鳥仔是會飛的恆溫動物，in的骨頭kiau毛有啥物特殊的所在？ 為啥物鳥仔會隨時放屎？ 這擺紹介的是鳥仔內底的猛禽，啥物是猛禽？ 猛禽主要是三的目：鷹形目、隼形目和梟形目。In有啥物特色？ 目前世界上上大喊上細的猛禽是啥誰？ 紹介台灣的都市猛禽-粉鳥鷹、紅目孤黃。 猛禽嘛有渡鳥喔，伊就叫做南路鷹。 敢有聽過鷹仔紅豆的故事？這个故事內底有一寡會當思考kap討論的所在...

這擺欲講的仝款是昆蟲，伊是大部份的人聽著會感覺恐怖的生物-虎頭蜂。 台灣攏總看會著8種的虎頭蜂，in的台語分別是啥物，閣欲按怎講？ 拄著虎頭蜂的時陣欲按怎做，去野外穿啥物色的衫較好？ 出名人的部分，欲紹介的是台灣昆蟲學祖師爺——素木得一，伊是啥人，又閣對台灣的昆蟲界有啥物貢獻？ 肚胿仔講的故事的下集來矣，阿肥到底閣會拄著啥物代誌？鬥陣來聽這擺精彩的內容喔！ 若是相欲知影閣較濟kiau虎頭蜂有關係的智識，會當去新...

總算欲來講昆蟲矣！是講蟲豸kiau 昆蟲有啥物無仝？ Butterfly 和 Moth 台語敢嘛有分別？佇分類學這兩類敢有無仝？ 這擺欲紹介的是來和阿熒做厝邊的鳳蝶，in的幼蟲期竟然有兩種色/型！ 臭角閣是啥物？連蛹攏有足厲害的所在喔。 出名人的部分，欲紹介的是鹿野忠雄，伊是啥人，又閣對台灣的科學界有啥物貢獻？ 這擺肚胿仔講的故事傷長去予阿熒鉸做上下集，到底是啥物故事遮呢刺激？鬥陣來聽這擺精彩的內容！ -- Hosting provided by S...

這擺來講龜。 你敢知影寶可夢內底上大方的是誰？ 蹛鹹水、汫水和陸地的龜分別按怎講？ 啥物是龜鱉目，龜kiau鱉按怎分，龜鱉的公的母的是按怎決定的咧？ 台灣汫水的原生龜鱉目有偌濟？In的台語是啥物？ 世界龜日是幾月幾號你敢知，台灣有一位保育原生台灣龜的教授恁敢熟似？ 咱做伙來聽喔！ -- Hosting provided by SoundOn

講著恐龍，恁會想著啥物？你敢知影現此時嘛看會著恐龍喔，in佇佗位咧？ 現代恐龍是對佗一種恐龍演化來的？敢有和寶可夢的噴火龍仝款會噴火的恐龍？ 講著恐龍，一般攏會想著化石，台灣上有名的化石獵人，你敢知影是誰？台灣的佗一个所在是揣化石上有名的所在咧？ 落尾，肚胿仔欲講一个悲傷、毋過阿熒感覺足趣味的故事，咱做伙來聽看覓。 聽了嘛會當順紲看肚胿仔講的故事的資料喔！ https://www.bbc.com/news/articles/c24nzeqq1l2o...

現此時的寶可夢攏總有1025種，其中1-3是田蛤仔。你敢知影台灣看會著幾種田蛤仔？ 台語除了田蛤仔以外，閣有啥物其他的講法？In 的叫聲是啥款？趣味的內容歡迎你來聽喔！ 會當參考圖卡： facebook- https://www.facebook.com/photo?fbid=860570726686217&set=a.137988462277784 instagram- https://www.instagram.com/p/DTXrg5Ej51h/ -- Hosting provided by SoundOn