Rand en sent

Rand en sent 2 November 2014

Hoe registreer jou jou eie onderneming? Wat kos dit? Kan jy dit aanlyn doen? En hoe besluit jy op 'n gepaste naam vir jou onderneming en 'n webtuiste? Helen Ueckermann praat hieroor met Lucinda Steenkamp van die Kommissie vir Maatskappye en Intellektuele Eiendom, en met Eben Esterhuyse van Esterhuyse, Dawson en Genote.

Rand en sent 26 Oktober 2014

Die Nasionale Kredietreguleerder se mandaat is om te verseker dat die Nasionale Kredietwet in stand gehou word, en dat krediet nie toegeken word aan mense wat dit nie kan bekostig om skuld aan te gaan nie.

Rand en sent 19 Oktober 2014

Drankregulasies en -lisensies kan 'n restauranteur, drankhandelaar of –verspreider grys hare gee. Helen Ueckermann praat met Dirk Aspeling van die Departement van Handel en Nywerheid oor die fyner punte van die Nasionale Drankwet en die verkryging van 'n dranklisensie, asook die maatskaplike verantwoordelikheid van drankhandelaars en –verspreiders teenoor die publiek.

Rand en sent 12 Oktober 2014

As jy daarvan droom om jou produkte of dienste uit te voer na die uithoeke van die wêreld, kan die Departement van Handel en Nywerheid jou beste vriend wees. Helen Ueckermann praat met Corne du Plessis, die departement se adjunkdirekteur: handelsdelegasies, oor hoe die uitvoerbemarking- en beleggingshulpskema vir jou as uitvoerder, of voornemende uitvoerder, tot voordeel kan strek. Drie uitvoerder...

Rand en sent 5 Oktober 2014

Die Departement van Handel en Nywerheid bied finansiële ondersteuning aan ondernemings om ʼn groter rol in die ekonomie te kan speel en mededingendheid te bevorder.

Rand en sent 28 September 2014

Helen Ueckermann praat met Nico Coetzee van PPS Investments oor die verskil tussen spaar en belê, die koste van beide en hoe om genoeg geld bemekaar te maak vir jou oudag. Heelwat luisteraars het ook navraag gedoen oor Sharemax en Pickvest. Die vryskut-sakejoernalis Adri van Zyl vertel hoe sake staan, en wat jou kans is om jou beleggingsgeld terug te kry.

Rand en sent 21 September 2014

Dis amper Desember. Is jy gereed vir die feestyduitgawes? Dawie Roodt het slim wenke om feestyd-geldstres te voorkom.

Rand en sent 14 September 2014

'n Egskeiding kan enigeen tref. Vroue moet voorbereid wees op die moontlikheid deur te sorg dat hulle finansieel sterk genoeg is om hulle lewens sonder eggenoot te kan voortsit. Helen Ueckermann praat hieroor met Angelique Visser, voorsitter van die Fidusiêre Instituut van Suid-Afrika.

Rand en sent 7 September 2014

Rand en sent 31 Augustus 2014

Aftreefondse en die opbrengs wat dit lewer by aftrede, is 'n groot bekommernis. Helen Ueckermann gesels met Charles Pretorius van die Raad op Finansiële Dienste oor Regulasie 28 en wat dit vir jou as verbruiker beteken. Nico van Gijsen van Finlac gee raad aan luisteraars wat vrae ingestuur het oor hulle aftreefondse.

Rand en sent 24 Augustus 2014

Helen Ueckermann praat met Janet Ehlers, spesialis-ontleder van die markgedrag-strategie-eenheid by die Raad op Finansiële Dienste. Die raad werk tans aan 'n nuwe benadering tot die beskerming van kliënte van finansiële diensteverskaffers.

Rand en sent 17 Augustus 2014

Helen Ueckermann praat met Marius de Jongh, senior spesialis in die Departement Kollektiewe Beleggingskemas by die Raad op Finansiële Dienste, oor verskansingsfondse en hoe die raad dit in die toekoms gaan reguleer om beleggers beter te beskerm.

Rand en sent 10 Augustus 2014

Erris van Kerken, senior forensiese ondersoekbeampte van die Raad op Finansiële Dienste, is vandag die gas van Helen Ueckermann.